Skip to main content
63

Dette jobopslag er udløbet

IMMIKKOORTORTAQARFIK AVANNAAMUT TEAMLEDERI IMEQARFIMMUT

Nukissiorfiit immikkoortortaqarfik Avannaa, Imeqarfimmut Teamlederimik pissarsiorpoq, immikkoortortaqarfimmi illoqarfimmi najugaqartuusussamik. Aqutsisorisassat qanninnerpaaq tassaavoq immikkoortortaqarfimmi Avannaani pisortaaneq.

 

Suleqatissarsiorpugut, pisariaqartitsineq naapertorlugu projektinik aqutsisartussaq.

Projektinik nutaanik aallartitsisartussaq, immikkoortortaqarfimmi pisortaaneq akisussaaffilillu isumasioqatigalugu.

Sammisamut/suleqatigiinnut databasemut pineqartumut sanaartukkat aamma uppernarsaatit pillugit suliat pitsaassusaanik isumannaarsuisoq aamma malinnaasoq. Projektinut nutaanut siunnersuutit sananeqarnerini peqataasussaq. Sanaartukkanut nakkutilliisoq.

Aningaasaleeqqinnissamut pisariaqartitsineq iliuusilersorluni pilersaarusiortoq.

 

Suliarissavatit:

 

  • Ulluinnarni sulinermi sulisut aamma imaassinnaasoq ilinniartut aqussallugit aamma ineriartortissallugit.
  • Uummannaq, Upernavik aamma Qaanaaq imermik pilersorneqarneri pingaarnertut akisussaaffigalugit.
  • Allat peqatigalugit akisussaassuseqassaatit, suliap akisussaaffiup iluani aqunneqarnerata aningaasalersorneqarnera piareersassallugu, ataqatigiisissallugu aamma eqqortissallugu.
  • Suliat naammassineqarnissai suliffeqarfiup iluani avataanilu soqutiginnittut peqatigalugit inatsisillu eqqortinneqarnissaat akisussaaffigissallugu.
  • Immikkoortortaqarfimmi pisortaaneq isumasioqatigalugu immikkoortortaqarfimmiit avammut attaveqartarnermut ikiuineq.
  • Nukissiorfiit pilersaarusiorneri malittarineqarnissaanut akisussaasoq aamma ulluinnarni aqutsinermi suleqatigiittunut tulluarsarnissaat akisussaaffigalugu.

 

Sulissusarsiorpugut makkuninnga piginnaanilik:

 

  • Qaffasissumik teknik pillugu ilinniagaqarsimasoq imaluunniit tassumunnga assingusumik/tulluartumik ilinniagaqarsimasoq, aammalu SRO atortuinik ilisimasalik.
  • Sulisunik aqutsinermut misilittagalik, ajornanngippat pilersuinermi atortunik ingerlatsinermut aamma aserfallatsaaliuinermut misilittagalik.
  • Nammineersinnaasoq taamatullu suleqatigiikkuutaani suleqataasinnaasoq.
  • Nutaanik pilersitsisinnaasoq aamma eqeersimaartuusoq, periarfissat takusinnaallugit, killilersuinani.

 

Neqeroorfigisinnaavatsigit:

 

  • Suliffeqarfik pikkorilluartuusunik sulisulik aamma suliffimmik ingerlatsineq pimoorussisoq.
  • Suliaq pissanganartoq, aalajangeeqataanissamut pingaartitsisoq, ulluinnarnilu sulinermi sunniuteqarnissamut periarfissiisoq.
  • Suleqatigiinneq savitulluinnartuusoq, illit inuttut aamma sulinermi ineriartortinneqarnissat periarfissinneqarluni.
  • Suleqatigiilluarneq, sulinerup nuannersuunera ukkatarineqarluni.

 

Atorfeqartitaanermi atugassarititaasut

 

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq

 

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

 

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

 

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput.

 

Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

 

Suli paasissutissanik amerlanerusunik pissarserusuppit?

 

Atorfik pillugu imaluunniit atorfinitsitaassaguit tamatumunnga tunngasut nalinginnaasut paasissutissat Nunap immikkoortuani pisortaq Kjell Bergmann-mut, tlf. 54 92 92 saaffiginninnikkut pissarsiarineqarsinnaapput. Paasissutissat nalinginnaanerusut pillugit Sulisoqarnermut Immikkoortortaqarfimmut saaffiginnissutigineqarsinnaapput: hr@nukissiorfiit.gl imaluunniit +299 34 95 00.

 

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

Qinnuteqarnissamut killissarititaasoq: marsip 9.-at, 2020

ATORFIK UNA QINNUTEQARFIGIUK