Nukissiorfiit imeqarfiini eqimattanik aqutsisussarsiorpoq. Ilulissani imeqarfimmi eqimattani aqutsisutut akisussaaffik pingaarneq tigummissavat.

 

Suliassatit pingaarnerit tassaasussaapput:
 

·Ilulissani imeqarnikkut pilersuinermi akisussaaffik pingaarneq tigummineqassaaq.

·Inatsisit atuuttut naapertorlugit imissaqarnissamik qulakkeerinninneq.

·Sulisut ulluinnarni aqunneqarnissaat inerisarnissaallu isumagissallugu.

·Pilersaarusiorneq, ataqatigiissaarineq, akisussaaffigineqartumi ingerlatsinermut aningaasatigut pilersaarutit eqquutsinneqarnissaat.

·Ilulissat eqqaani suliffeqarfiup iluani avataanilu attaveqaqatiigiinnermut tapertaanissaq distriktschef´i isumasioqatigalugu.

·Eqimattani ulluinnarni aqutsinermi akisussaaffigissallugu Nukissiorfiit iliuusissatut pilersaarutai.

 

Suleqatissatsinnik pissarsiorpugut makkuninnga piginnaanilik:
 

·Ulluinnarni sulinermi imeqarfiit ingerlatsinerat namminersorluni isumagissallugit.

·Suliamut ilinniarluarsimasoq, suliaminut akisussaasoq peqqissaartorlu.

·IT`mut ilisimasaqartoq.

·Suliffeqarfiup aaqqissuussaanera akimorlugu suleqatiginnillaqqissoq.

·Ilulissat eqqaani eqimattani sulinermi inerisaaqataassalluni, taamaalilluta pisisartuvut qulakkeeqqullugit tunisassiamik pissarseqqullugit inatsisit atuuttut naapertorlugit aamma aningaasartuutit appasinnerpaat tunngavigalugit.

·Kalaallisut qallunaatullu pisinnaaffigaa.

·Kulturikkut assigiinngisitaarneq suliffeqarfimmi atuuttut tunngavigalugit pissusilersullaqqissoq, nukittuffittullu isigalugu.  

·Bilernermut allagartaqarpoq.

Pitsaaqutaassaaq s.a. ABB SRO anlæg ilisimareerlugit kisianni atorfinereernermi aamma sungiusaasoqarsinnaavoq.

 

Neqeroorfigisinnaavatsigit:
 

·Atorfik pissanganartoq allanngorartorlu, illillu sulininni ineriartornermi sunniuteqarsinnaallutit.

·Illoqarfik ineriartortoq taamaalillunilu sanaartugassatigut annertujaartumik suliassaqarluni.

·Sulinermik avatangiisit pisortatiguunngitsut, tamattalu eqimattani sulilluta.

·Suleqatit akuleriiaartumik misilittagallit, ilai sivisuumik sulisimasut ilaalu ukiuni ikinnerusuni sulisimallutik.

·Periarfissarissaarpoq suliamut aamma inuttut inerisarsinnaalluni.

 

Atorfeqarnermut tunngasut:
 

Akissarsianut atorfininnermullu tunngasut isumaqatigiissutit atuuttut naapertorlugit Naalakkersuisut aamma pineqartup kattuffia isumaqatiginninniarsinnaatitaasup akunnerminni. Atorfik qaammatini pingasuni misilitsiffiuvoq.

Sulinermik piffissarititaasut aallaavittut sapaatip akunneranut akunnernik 40`nik sivisussuseqarput. Atorfimmut tunngatinneqartumik ineqartitsisoqarsinnaavoq, qularnaveeqqusiissummik ineqarnermullu akiliummik akiliisoqassaaq malittarisassat atuuttut naapertorlugit. Suliartoqqaarnermi atorfimmut tunngatillugu angalanermik pigisanillu nutsernermi nassiutassanik akeqanngitsumik tunniussisoqassaaq, ukiullu pingasut atasuinnarmik atorfeqareernermi inoqutigiit meeqqallu 18-nit ataallugit ukiullit angerlarnissamut akiliunneqassapput.

 

Illiuva suleqatissatut ujagarput?
 

Taava qinnuteqaatit ”atorfik qinnuteqarfigiuk” aqqutigalugu nassiutiguk sukkanerpaamik. Ingerlaavartumik oqaloqatigiinnissamik qaaqqusisoqartassaaq.
 

Paasisaqarnerorusuppit?
 

Atorfik pillugu paasissutissanik annertunerusumik pisinnaavutit Distriktschef Ilulissat Niels Pedersen oqarasuaammi: +299 94 33 70 sianerfigalugu imaluunniit mobilianut: +299 53 25 33 imaluunniit e-mail`ikkut allaffigalugu: npede@nukissiorfiit.gl.

Apeqqutit naliginnaanerusut HR´mi immikkoortortaqarfimmut apeqqutigineqarsinnaapput hr@nukissiorfiit.gl.

 

Nukissiorfiit pillugit
 

Nukissiorfiit Kalaallit Nunaat Nukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-mi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Nunatsinni Danmark´imilu sulisut qaffasinnerpaamik naammaginnissimaarnerat angusimavarput. Tamanna pillugu annertunerusumik atuarit uani www.nukissiorfiit.gl.

 

 

Qinnuteqarnissamut killissarititaasoq: apriilip 3.-at, 2023

ATORFIK UNA QINNUTEQARFIGIUK