Skip to main content
89

Dette jobopslag er udløbet

ILULISSANI INNAALLAGISSAMIK SIAMMARTERINERMI SULEQATIGIINNI AQUTSISOQ

Nukissiorfiit Ilulissat innaallagissamik siammarterinermi suleqatigiinni aqutsisussarsiorput.  

Suleqatigiinni aqutsisutut sulianut aqutsinermullu tunngasunik suliassanik unammillernartunik suliaqassaatit, suleqatit suliaminnut piukkunnarluinnartut persuarsiunngitsullu suleqatigalugit.

 

Suliassat

Suliassatut pingaarneq tassaavoq Ilulissani nunaqarfiinilu innaallagissamik siammarterineq. Illillu suliassatit tassaapput:

 

  • Høj- aamma lavspændingsanlæginik ingerlatsinermik, aserfallatsaaliinermik ineriartortitsinermillu suliaqarneq.
  • Akisussaaffiit iluanni aningaasatigut missingersuusiorneq ingerlatsinerlu.
  • Sanaartugassanut innaallagissamik siammarterinissamut Business Caseliorneq, pilersaarutit suliffeqarfittullu anguniakkat malillugit.
  • Sanaartortitsinissamut pilersaarusiornermi, uppernaasaatinillu suliaqarnermi peqataaneq.
  • Akisussaaffigisap iluani kingoraartissanik atortussanillu pisiortornissamut, nalunaarsuinissamut ikililerinissamullu piareersaaneq ingerlatsinerlu.
  • Pilersaarusiornermi, maleruaqqusaliornermi, ilitsersuusiornermi malitassaliornermilu peqataaneq.
  • Illoqarfimmi nunaqarfiinilu el-nettinik atuutsitsilerneq, ingerlatsineq nakkutilliinerlu.  
  • Nunap immikkoortuani KLS systemip ataavartuunissaanut suleqataaneq.
  • Pigaartooqataaneq
  • Sumiiffimmi isumannaallisaarnermut tunngasunik tassungalu tunngasunik maleruaqqusat malillugit suliaqarneq.  
  • Innaallagissiornermut oqartussat sumiiffimmi nunaqarfiinilu aallartitaat.

 

Immikkoortortami suleqatigiinni aqutsisutut sulisut akisussaaffigissavatit, aqutsisutullu atuuffeqassallutit.

 

Naatsorsuutigineqarpoq teknikkip tungaatigut ingerlaqqiffiusumik ilinniagaqarsimanissat, soorlu el-installatøritut, maskinmesteritut assigisaanilluunniit, kiisalu suliffimmi sulisimasutut aqutsisimasutullu minnerpaamik ukiuni marlunni misilittagaqarsimassallutit. Taassuma saniatigut akuerisaasumik innaallagisserisussatut piginnaatitaaffeqassaatit.

 

Pingaartipparput:

 

  • Aningaasanik missingersuusiornermut, taakkualu ingerlannerinut nalimmarsarsinnaanerinillu misilittagaqartuunissat.
  • Business Case-liornissamut ilisimasaqarneq.
  • Suleqatiginnillaqqillutillu suleqatigiit iluanni suliffiullu avataanut attaveqarluarsinnaasuunissat.
  • Høj aamma lavspændings distributionsanlægini kukkunernik takunnilluarsinnaanissat
  • Scada- aamma PLC-systeminut ilisimasaqarluarnissat
  • Ingerlatsinermut aserfallatsaaliinermullu systemit EDB-mit tunngavillit ilisimasaqarfigilluassagitit.
  • Biilersinnaanermut allagartaqartutit.
  • Suliat allanngorartut nammassinnaagitit, suliallu pitsaalluinnartumik naammassineqarnissaa pingaartikkitit.

 

Atorfeqartitaanermi atugassarititaasut

 

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq

 

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

 

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

 

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput. Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

 

Suli paasisaqarnerorusuppit?

Atorfik pillugu paasissutissat annertunerusut pissarsiarineqassapput Ingerlatsinermi pisortaq Ilulissat, Magnus A. Olsen, Nukissiorfiit oqarasuaatikkut 946777/542260. Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nikissiorfiit.gl imaluunniit + 299 349500.

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

Qinnuteqarnissamut killissarititaasoq: februaarip 11.-at, 2020

ATORFIK UNA QINNUTEQARFIGIUK