Skip to main content
143

Dette jobopslag er udløbet

ILLIT TASSAAVIT QASIGIANNGUANI INNAALLAGISSIORFIMMI KIASSAATEQARFIUTIGISUMI MASKIINALERISUTUT SULISORTAQ

Qasigiannguani Nukissiorfiit immikkoortortaqarfiata innaallagissiorfimmi kiassaateqarfiutigisumi atorfissaqartippaatit. Pingaaruteqartumik aamma pissanganartumik ineriartornissamut periarfissaqarluarlutit atorfittaassaatit.

 

Suliassatit pingaarnerit tassaapput

 

  • Pilersuinermi ingerlatsinermi aserfallatsaaliuineq
  • Ullaakkut misissuilluni takusaasarneq
  • Ulluinnarni immikkoortortaqarfinni assigiinngitsuni suliassanut peqataaneq

Naatsorsuutigisinnaassavat allarpassuarnik pissanganartunik suliaqartarnissat. Uagut qulakkiissavarput ilinniartinneqarnissat aamma ineriartornissannut periarfissaqarnissat. Ilinniartinneqareeruit suleqatitit peqatigalugit aammattaaq pigaartuusarnermut aaqqissuussinermi peqataasalissaatit.

 

Naatsorsuutigisinnaavat

 

Illit suleqatigiinni peqataalissaatit suleqatissavit sungiussiasut qiimasullu akornanni. Uagutsinni naatsorsuutigisinnaavat ulluinnarni suliatigut ilinniarsimaneq aamma immikkoortortaqarfiit apeqqutaatinnagit suleqatigiinneq. Suliassat allanngorartut amerlapput aamma suleqatigiit assigiinngitsunik tunngavillit. Nukissiorfiit suliffeqarfiuvoq uummaarissoq suliatigut aamma inuttut ineriartorneq salliutippavut.    

 

Ujartugarput illit tassaavutit

 

  • EDB-mik atuisutut sungiussisimasoq
  • Biilernermut allagartalik
  • Skibsmontøritut/maskiinalerisutut ilinniarsimasoq
  • Innaallagissiorfimmi kiassaateqarfiutigisumi maskiinanik angisuunik suliaqarnermik  misilittagalik
  • Suliassanik nukinginnartunik suliaqarsinnaasoq

Pilertortumik periaaseqarsinnaassaatit aamma suliartortarnermi aalajaatsuullutit.

 

Atorfininnissaq sapinngisamik piaartumik imaluunniit isumaqatigiinneq tunngavigalugu

 

Atorfeqartitaanermi atugassarititaasut

 

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

 

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

 

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput.

 

Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

 

Illit tassaavit suleqatissatut ujartugarput?

 

Taava qinnuteqaatit una aqqutigalugu “Søg stilingen” piaartumik nassiuguk.

Atorfimmi suliarisassat aamma sulerinissaq pillugit apeqqutissaqaruit taava Ingerlasinermut akisisussaasuulluni Teamlederi Japhet Jansen attaveqarfigiuk telefon +299 540266. Aningaasarsiat aamma atorfeqartitaanermut atugassarititaasut nalinginnaasut pillugit apeqqutit uunga hr@nukissiorfiit.gl nassiunneqassapput.

 

Nukissiorfiit pillugit

 

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.

 

ATORFIK UNA QINNUTEQARFIGIUK