Skip to main content
91

Dette jobopslag er udløbet

HR-IMUT INGERLAQQIFFIUSUMIK ILINNIAGAQARTUMIK PIMOORUSSILLUNI SULISINNAASUMIK SULEQATISSARSIORPUGUT

Illit aammattaaq isumaqarpit e-learning aamma internet aqqutigalugu  ilinniartitsineq tassaasoq ilisimasanik avitseqatigiinnissamut aamma piginnaanernik ineriartortitsinermut aqqutissaalluartoq? Taava atorfimmik ilinnut tulluaqqissaartumik neqeroorpugut

 

Nuummi Qullersaqarfimmi Sulisoqarnermut Immikkoortortaqarfiup illit pisariaqartippaatit. Illit quppernermi e-learning-site pingaaruteqartumik inissisimassaatit, tassani internetti  aqqutigalugu pikkorissartitsisarnernik ineriartortitseqataassallutit aamma sulisutsinnut tamanut ilinniartitsisassallutit. Naatsorsuutigaarput sapaatit akunnerannut nal. akunnerini 10-ni sulisarnissat, ilinniakkavit aamma soraarummeernissat eqqarsaatigalugit pilersaarusiorneqartartussani.

 

Atorfik
Suliassat assigiinngitsut arlalippassuit suliarineqarneranni ikiortassavatsigut, aamma illit akisussaaffigisatit amerliartussapput misilittagaqalernerit malillugu. Suliassavit ilaat makkuupput

 

  • E-learningimi suleqataaneq, ilaatigut oqaaserisassat/speak allattarnerannut, ilitsersuutit pitsaassusiisa qulakkeerneqartarnissaat, ilitsersuutit videot qiortartarnissaat aamma internet aqqutigalugu pikkorissarnerit uagut e-learning-site-tsinniittut ikkuttarnissaat
  • Sulisunut tunngasut suliat toqqortarnissaat aamma journalimut allattortarnissaat, kiisalu suliassat sulisunut tunngasut takkuteriasaartut suliarisarnissaat  
  • Sulisoqarnermut tunngasunut atortutsinnit, MindKey-mit, nalunaarusianik anillatsittarnissaat
  • Suliassat allat takkuteriasaartut
  • Pingaartitaraarput ilinniartitsineq, illillu naatsorsuutigissavat qaammatini siullerni annertuumik ilinniartinneqarnissat.

 

Naatsorsuutigissavat
Immikkoortortaqarfimmi suleqatit ikiuerusussuseqartut aamma sulillaqqissut ilagilissavaatsit. Uagutsinni naatsorsuutigisinnaavat ulluinnarni sulisut qanoq ilinniagaqarnerat aamma immikkoortortaqarfiit sorliit apeqqutaatinnagit suleqatigiittarnerput. Tassani suliassat assigiinngitsorpassuupput aamma suleqatit assigiinngitsunik tunuliaqartuullutik.

 

Piginnaasat

  • Ingerlaqqiffiusumik ilinniakkamik ingerlataqarneq
  • IT-mut pikkoriffeqarneq aamma atortunik nutaanik ilikkajasuuneq
  • Marluinnik oqaaseqarneq kalaallisut/danskisut
  • Ulluinnarni allaffiup ammasarfiini sulisinnaanissaq (8-16)

Illit nammineerlutit sulisinnaassaatit, tassa suliassavit ilarpassui sukumiisumik suliarineqartariaqartarmata. Suleqaterpassuarnut attaveqartassaatit pikkorissarnermut atortussat pitsaassusiisa qulakkeertarnissaannut, tamatumani pisariaqarpoq illit ammasuunissat aamma isummersorneqartarnissannut akuersisarnissamut. Tamatuma saniatigut paasissutissanik misissuisarsinnaassaatit, immikkoortortaqarfiugatta amerlasoorpassuarnik saaffigineqartartoq, saaffiginnissutit tamarmik suliarineqartariaqartut.

 

Atorfininneq isumaqatigiissuteqarnikkut pissaaq

 

Atorfeqartitaanermi atugassarititaasut
Aningaasarsiat aamma atorfinitsinneqarneq isumaqatigiissutit attuumassuteqarfigisat tunngavigalugit.

Atorfimmut atatillugu inissaqartitsisoqanngilaq.

 

Illit tassaavit uagut suleqatigerusutarput?
Taava qinnuteqaatit sapinngisamik pilertortumik nassiutiguk allallugu ”Søg stillingen”.

Atorfimmut suliassallu atuuffianut apeqqutissaqaruit, aningaasarsiat aamma atorfinitsitaanermut atugassarititaasut pillugit nalinginnaasunik apeqqutissaqaruit sulisoqarnermut immikkoortortaqarfik, HR, saaffigissavat hr@nukissiorfiit.gl.

 

Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-ia ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400   tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.

 

Qinnuteqarnissamut killissarititaasoq: decembarip 8.-at, 2020

ATORFIK UNA QINNUTEQARFIGIUK