Skip to main content
89

ATUISUNUT SULLISSIVIMMI SIUNNERSORTIMIK, QARASAASIAQ ATORLUGU SULINISSAMUT NUANNARISAQARTUMIK

Nukissiorfiit ineriartortuarpoq, nutaalianik iluarsiissuteqartuartuusoq, misilittaanermik inissaqartitsisoq, atuisunut inuiaqatigiinnullu naleqarluartutut aamma piujuaannartussatut naammassisaqarusulluni. Nukik piujuaannartoq atuisunut tunniutissallugu angorusuttuarparput aammalu erngup imigassap pigiuaannarnissaa qulaakkeerusullutigu, taamatullu atuisutsinnut sullisinerput aammalu allafeqarnermut aqutsinerput qarasaasiaq atorlugu iluarsiivigerusullutigu.  

 

Atorfik

Tassalu uani illit peqatigilernissat takorloorparput. Ullutsinni Nukissiorfiit qullersaqarfiani Nuummiittumi nuna tamakkerlugu atuisunut sullissiveqarpugut. Atuisunut sullissiveqarnerput siunertaqarpoq, atuisutta ammasumik, iluatsitaarillaqqissumik aamma pikkorissumik sullinneqarnissaat. Taamaattorli atuisugut ilaqarput, nammineq aggerlutik saaffiginnikkusunngittunik imaluunniit oqaqarasuaatikkut saaffiginnikkusunngittunik. Illit ilaatigut atuisut misigisaat qarasaasiaq atorlugu allattornneqarnissaat suliarissavat, taamaalilluni atuisoq nammineerluni paasisassat arlallit akissutissaannik ujarlersinnaanngortillugu. Illit atuisup misigisaata pitsaasup paasilluarnissaa anguniarlugu ikiussavatsigut, quppersakkatsinni, Apps’imi, SMS atorlugu aammalu allat suli sinnattorinngikkaluakkagut aqqutigalugit.

 

Suliassavit arlallit akornanniittut ilagaat, taamaattoq tamanna annikinnerulluni, tassalu oqarasuaatit aamma e-mailit aqqutigalugit atuisut sullinnissaat aamma siunnersornissaat, taamallillusilu tamassinnut iluarsiissutissaq pitsaanerpaaq anguneqarsinnaanngorlugu. Tassalu atuisut paasiniaaffigisinnaavatit, suut pisariaqartinneraat aammalu paasilluarniarsaralugu, qanoq ilillutit atuisunut sullissinermi aqqutissat allat aqqutigalugit atuisut ikiornissaannut pitsaanerusumik ingerlataqarsinnaanerlutit.

 

Atuisunik sullissivimmi siunnersortitut suliassat akimanersaat tassaavoq atuisunut sullissinermi siunnersorteqarnerup iluani sunut tamanut siuariartorneq sukkatsissallugu, tassaniilluni Nukissiorfiit piffiit 78-it atuisuminut ornigutsillugit naapittarfii. Pisortarisassat, atuisunut sullissivimmi siunnersortinut pisortaasoq siunnersorlugulu aamma isumasioqatigisassavat. Atuisunut sullissivimmi siunnersortit immikoortortaqarfianni inissinneqassaatit, tassaalluni Call center aammalu pisortarisassat, atuisunut sullissivimmi siunnersortinut pisortaq inissisimalluni.

 

Atorfeqarnup imarisai ataani naatsumik allaasimapput: 

  • Nukissiorfiit atuisunut sullissinerat piorsarlugu
  • Atuisut misigisaat qarasaasiaq atorlugu allattorneqarnerat
  • Atuisunut sullissinermi projektit aallartisassallugit aamma pisortaaffigissallugit.
  • Atuisut naammagisimaarnerata misissorneqarneranut pisortaaneq
  • Atuisunut sullissivimmi siunnersortinut pisortaasoq nutarterinermi sulianut aamma ulluinnarni sulianut isumasioqatigissavat

Call servicemi suleqataasut peqatigisassallugit aammalu ilaatigut atuisut saaffiginnissutaat allakkatigut aamma oqarasuaatikkut isumagisassallugit.

Kalaallit Nunaanni atuisunut sullissivik pitsaanerpaaq aqussallugu

 

Immikkut pisinnaasaqaruit, taava qulaani allassimasat saniatigut amerlanerusunik suliassanik periarfissaqarluarputit.

 

Illit tassavutit aamma makkuninnga pisinnaasaqarputit

Atuisunik sullissinermi siusinnerusukkut suliaqarsimavutit, aammalu kissaatigalugu atuisunut sullissinerit suliarilluassallugu aamma atuisunut sullissinerit pitsanngorsartuassallugu. Inuttut ammasuuvutit aamma qaffasissumik sumulluunniit atassuteqarsinnaanermut piginnaaneqarlutit. Atuisutsinnut atassuteqarsinnaannermut aqqutissat pingaartuusut ilusilersortussaagakkit, taava oqalunnermi aamma allattariarsornermi oqaasiliullaqqissuusariaqarputit. Atuisunut sullissinermi suliassat ineriartortittagariumaakkatit Nukissiorfinni pisortaasuniit malinnaaffigilluarneqarumaarput.

 

Naatsorsuutigaarput illit taasaasutit 

  • isumasioqatigissallutit inussiarnersuusutit, pitsaasumik kinguneqartussamik suleqatigineqarsinnaasoq aamma isumasioqatigineqarsinnaasoq
  • suleqatikkuminartuusutit, suliallu pitsaasumik inerneqarnissaanut pingaartitsisutit
  • piffssamik paarsilluartuuvutit, ilusilersuillaqqissuuvutit, suliaq kvalititigissoq tunniussinnaavat aamma isumaqatigiissuteqarsimanerit piviusunngortissinnaavatit
  • isummannik nutaanik peqarluarputit, nutaanik pilersitsisinnaavutit, anguniagartuuvutit, aammalu ilisimasaqarfigivallaanngikkaluarlugu suliassamik nutaamik sulinissat merserinngilat
  • IT ilisimasaqarfigilluarpat, nutaanillu suleriusinik sukkasuumik ilikkarsinnaallutit.

Periarfissaqarluarputit atuisunut sullissinermi, tuniniaanermi, pilerisaarinermi imaluunniit ataqatigiissaarinermi qaffasinnerusumik ilinniagaqarsimaguit aammalu projektinik aqutsisuusimasutut piginnaaneqaruit. Aammattaaq periarfissaqarluarputit, Kalaallisut aamma Qallunaatut allattariarsornermi aamma oqalunnermi piginnaaneqaruit.

 

Qinnuteqarnermi malitassat

Atorfimmut piukkunneqarnissat eqqarsaatigalugu, naatsorsuutigaarput qinnuteqaatit suliassamut tunngavilersorluarneqassasoq, aammattaaq piumasaqaatigaarput pillagaasimannginnermit allagartamik uppernarsaammik takutitsinissat, atorfeqarnermi inuit ataasiakkaat pillugit nipangiusimasussaatitaanermut tunngasut suliarineqartarmata.

 

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput. Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

Suli paasissutissanik amerlanerusunik pissarserusuppit?

 

Atorfik pillugu paasissutissat amerlanerusut Nuummut tunngasut pissarsiarineqarsinnaapput Sullissivimmi pisortaq Naja Johnsen Hard, oqarasuaat +299 80 11 50 saaffigalugu. Apeqqutit allat Sulisoqarnermut Immikkoortortaqarfimmut (HR) e-mailikkut saaffiginnissutigineqarsinnaapput: HR@nukissiorfiit.gl imaluunniit +299 34 95 00

 

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

Qinnuteqarnissamut killissarititaasoq: novembarip 29.-at, 2019

ATORFIK UNA QINNUTEQARFIGIUK