Skip to main content
88

Dette jobopslag er udløbet

ALLANGARSIUTEQQITAQ - ILLIT TASSAAVIT QAANAAMI NUKISSIORFINNI BIILERISUNNGORTUSSAQ?

Illiuit Qaanaami maskiinanik qulakkeerinnittussaq uani pissanganartumilu pingaaruteqartumi atorfimmi? Biilit ullut tamaasa ingerlasinnaanngippata nilammik imissamik imerneqarsinnaasumik aallertarsinnaanngilagut.

 

Qaanaami Nukissiorfiit sapinngisamik piaarnerpaamik aallussilluartuusumik aamma nammineerluni sulisinnaasumik automekanikerimik sulisussarsiorput. Qaanaami teamlederimut akisussaassuseqarlutit illoqarfimmi angallatit assakaasullit motoorillit aamma entreprenørmaskiinanik kiisalu Nukissiorfiit namminneq Qaanaami nunaqarfiinilu  maskiinaataanik aserfallatsaaliuisarneq aamma iluarsaassisarneq isumagisarisassavatit.

 

Suliassatit pingaarnerit tassaapput

  • Motoorillit angallatit assakaasullit aamma entreprenørmaskiinanik    aserfallatsaaliusarneq aamma iluarsaassisarneq
  • Qaanaami innaallagissiorfimmi maskiinanik/generatorinik misissuisarnermi ikiuisarneq
  • Nunaqarfinni innaallagissiorfinni maskiinanik/generatorinik misissuisarnermi ikiuisarneq
  • Innaallagissiorfimmi, imeqarfimmi aamma kiassaateqarfimmi takusaasarneq

 

Naatsorsuutigisinnaavat allanik pissanganartunik suliassarpassuaqartarnissat.

Ilinniartinneqarnissaq aamma ineriartornissamut periarfissat pitsaasut qulakkiissavavut. Ilinniartinneqareeruit aammattaaq suleqatitit peqatigalugit pigaartuusarnissami ilaalissaatit.

 

Suut naatsorsuutigisinnaavigit?
Immikkoortortaqarfimmi pissanganartumi suleqataasalissaatit akisussaassuseqartut aamma pikkorissut suleqatigalugit. Suliffeqarfimmi pingaaruteqartumik qitiusumilu inissisimassaatit, tassani uagut pikkorilluarluta pitsaasumillu suleqatigiinnitsigut iluatsilluartumik angusaqartarluta. Tamanna ilutigalugu qilanaarisinnaavat suliffeqarfimmi sulisut iluarisimaarinnilluartuusut ilagilissammatsit – uagut Kalaallit Nunaanni aamma Danmarkimi pitsaanerpaanut ilaavugut.  

Nukissiorfiit suliffeqarfiuvoq aallussilluarfiusoq, suliatigut aamma inuttut ineriartornissaq salliutitaralutigu.

 

Ilinnik suleqatissarsiorpugut makkuninnga piginnaanilimmik

  • Mekanikeritut ilinniarsimasoq
  • Torersoq aamma suliartornissamut aalajaatsuusoq
  • IT-mik atuisutut ilisimasaqartoq
  • Entreprenørmaskiinanik ilisimasalik
  • B – C-mik biilersinnaanermut allagartalik

 

Suleqatigiinni marluinnik oqaasilinni suleqateqarsinnaasariaqarputit. Kalaallisut aamma danskisut. Suleqatigiinneq pingaartitaraarput, tamannalu ilutigalugu naatsorsuutigaarput aallarniisinnaassuseqarneq aamma aallussilluartuunissaq.

 

Sapinngisamik piaartumik atorfininnissaq

 

Atorfeqartitaanermi atugassarititaasut
Aningaasarsiat aamma atorfeqartinneqarneq ingerlanneqassapput isumaqatigiissutit tulluartut atuuttuusullu naapertorlugit. Qaammatit pingasut misiligutitut ingerlanneqassapput.

Ajoraluartumik atorfimmut atatillugu inissaqartitsisoqarsinnaanngilaq.

 

Illit tassaavit suleqatissarput?
Taava qinnuteqaatit pilertornerpaamik nassiuguk ”Søg stillingen” aqqutigalugu.

Atorfiup suuneranut atatillugu apeqqutissaqaruit taava Jan Husted Andersen tlf.nr. +299 972737-mut sianerlutit attaveqarfigissavat, imaluunniit mailikkut jahu@nukissiorfiit.gl -imut. Akissarsiat aamma atorfinitsitsinermi atugassarititaasut pillugit apeqqutit nalinginnaanerusut saaffiginnissutigineqarsinnaapput hr@nukissiorfiit.gl -imut.

 

Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-ia ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400   tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.  

Qinnuteqarnissamut killissarititaasoq: marsip 19.-at, 2021

ATORFIK UNA QINNUTEQARFIGIUK