Skip to main content
92

Dette jobopslag er udløbet

ALLAGARSIUTEQQITAQ - KIASSERNERMIK NIOQQUTISSARSIORNERMUT TEAMLEDERIMIK ILULISSANUT

Ilulissani kiassaanermik nioqqutissiornermut illit nutaatut akisussaasuulissavit?

 

Nukissiorfiit Ilulissat aallussilluartumik Ilulissani kiassaanermik nioqqutissiornermut teamlederimik sulisussarsiorput.

 

Ilulissani kiassaanermik nioqqutissiornermut, tassunga ilanngullugit ingerlatsinermut, pitsaanerulersitsinermut aamma ineriartortitsinermut, pingaarnerpaatut akisussaasuussaatit. Kiassaanermik nioqqutissiornermi pingaarnerpaatut pineqarput uunnaavissuit innaallagiartortut, nukissiaq atorneqartussatut sillimmataasoq tassaanerulluni kiassaateqarfinni uuliatortut kissarsuuteqarfiit.

Illit piviusumik peqataaffigissavatit isumassarsiffiulluarnartunik, kajumissuseqarluarfiusunik aamma pitsaasumik suleqatigiinnermik pilersitsinissaq, nunap immikkoortuani aamma suliffeqarfimmi sumiluunniit suleqatigiinnermi.

 

Illit imermit nukissiorfimmit, illoqarfimmik pilersuisumit, nukissiap sinneruttup atorluarneqarsinnaanera qitiutillugu anguniassavat. Pingaartuuvoq illit ilisimasaqarnissat, pikkoriffeqarnissat aamma piginnaaneqarnissat Nukissiorfiit niuernikkut tunngasutigut ineriartortitsiuarnissaanut peqataalluarfiginissaanut, tassunga ilanngullugit aammattaaq digitaliseriinerulernikkut ulluinnarni ingerlatsinermut aamma aserfallatsaaliuisarnermut suliassatigut peqataanerulersitsineq.  

 

Illit ulluinnarni aqutsisutut akisussaaffeqassaatit suliatigut sulisunut kiassaanermik nioqqutissiornermut attuumassuteqartunut illoqarfimmi Ilulissani. Aamma suliassaqartassaaq immikkoortortaqarfinnut allanut nunallu immikkoortuani nunaqarfinnut allanut ikiuisarnermut tunngasunik.

 

Suleqatissarsiorpugut makkuninnga piginnaanilimmik:

 

  • Teknikimut tunngasumik qaffasinnerusumik  ilinniagaqarsimasoq – maskinmesteritut imaluunniit innaallagissamut ingeniøritut iluaqutaassaaq, imaluunniit tulluartumik ilinniagaqarsimasoq, tassunga ilanngullugu SRO-mik atortumik ilisimasaqarneq.
  • Ulluinnarni digitaliseriinermik ineriartortitsinermik aamma atuilluarnermik ilisimasaqartoq soqutigisaqartorlu.
  • Aqutsisutut ilinniagaqartoq, iluaqutaassaaq diplomitut.
  • Aqutsisutut misilittagaqartoq, pilersuinermik atortumik ingerlatsinermik aamma aserfallatsaaliuisarnermik misilittagaqarneq iluaqutaassaaq.
  • Nammineerluni sulisinnaasoq soorlu aamma suleqatigiinni.
  • Isumassarsillaqqissoq aamma aallarniuteqarusussuseqartoq.
  • Illit qallunaatut, tuluttut oqalussinnaallutillu allassinnaavutit, aamma kalaallisut iluaqutaassaaq.

 

Ilinnut neqeroorutigaavut:

 

  • Atorfik pissanganartoq ineriartortitsisorlu nammineq annertuumik akisussaaffeqarfigisaq, tassani suleqatigiittut sulisarluta.
  • Atorfik nuannersoq suleqatigiittut ilumoorsaarnanngitsunik sullivimmi avatangiiseqarluta.
  • Atorfiup imarisaanut sunniuteqarnissamut pitsaasunik periarfissaqarneq.
  • Sullivik ineriartortoq suliatigut aamma inuttut ineriartornissamut pitsaasunik periarfissaqarfiusoq.

 

Atorfeqartitaanermi atugassarititaasut

 

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq

 

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

 

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

 

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput. Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

 

Suli paasisaqarnerorusuppit?

Atorfik pillugu paasissutissat annertunerusut pissarsiarineqassapput Ingerlatsinermi pisortaq Ilulissat, Magnus A. Olsen, Nukissiorfiit oqarasuaatikkut 946777/542260. Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nikissiorfiit.gl imaluunniit + 299 349500.

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

Qinnuteqarnissamut killissarititaasoq: aggustip 28.-at, 2019

ATORFIK UNA QINNUTEQARFIGIUK