Ilulissat assut ineriartorfiuvoq, tamatumalu nassataraa illoqarfiup kallerup inneranut attavilersuutaanik ineriartortitsiteqataanissarput. Taamaattummik aamma illit nammineq ineriartornissannut periarfissaqarputit.

Teamlederitut suliassanut aqutsinermullu tunngatillugu suliassanut pissangartunik suliassaqartarumaarputit kiisalu sulisut suliaminnut pikkorilluinnartut persuarsiornanngitsumillu sulisut suleqatigilissallugit.

 

Suliassatit makkuussapput:

 

• Suliassatit pingaarnerit tassaassapput Ilulissani nunaqarfiinilu kallerup innermik siammarterivimmi suliassat
   
•  Kallerup innermik sakkortuumik sakkukitsumilu kallerup inniliornermi ingerlatsinermi, aserfallatsaaliinermi ineriartortitsinermilu suliassat
   
• Suliassaqarfigisap iluani missingersuusiorneq missingersutinillu malinnaaviginninneq
   
• Immikkoortunut pilersaat, periusissiornermi anguniakkat kiisalu niuernermi anguniakkat akuerineqarnikuusut naapertorlugit kallerup inneranik nassiussuiviit iluini sanaartugassanik suliniutissanik suliaqarneq
   
• Suliniutit pilersaarusiorneqarnerinut uppernarsaasiinissamilu suliassani suleqataaneq
   
• Akisussaaffigisami pisiassanik, nalunaarsugassanik, kingoraartissallu uninngasuutigineqartussat atugassallu nalikillilerneqarnissaannut pilersaarusiorneq piviusunngortitsinerlu
   
• Periusissiorluni pilersaarutinik, suleriaatsinik, maleqquneqartunik ilitsersuutinillu suliaqarnermi suleqataaneq
   
• Illoqarfimmi nunaqarfinnilu kallerup inneranut aqqusersuinermi pitsanngorsaaneq, malinnaaviginninneq nakkutilliinerlu
   
• Nunap immikkoortuani akisussaaffigisami KLS-systemimik atorneqartumik aserfallatsaaleeqataaneq
   
• Vagtiusarnermi vagtioqataasarnissaq
   
• Sumiiffimmi isumannaallisaanerup iluani suliaqarnermi kiisalu isumannaallisaanermi malittareqquneqartunut atuuttunut suliassanik attuumassutilinnik isumaginninneq
   
• Illoqarfimmi nunaqarfiinilu Kallerup innilerinermi oqartussatut akisussaasutut sinniisuuneq

Teamlederitut linjeafdelingimi sulisunut akisussaasuussaatit taamaattumillu sulisunut aqutsinermut suliassanut tunngasuni suliassat isumagissallugit.

El-installatøritut, maskinmesteritut assingusumilluunniit ilinniagaqarsimanissat teknikkikkut ingerlaqqiffiusumik ilinniagaqarsimanissat kiisalu inuussutissarsiornermi aqutsinermilu sivikinnerpaamik ukiuni marlunni. misilittagaqarnissat naatsorsuutigineqarpoq. Tamaku saniatigut kallerup innilerisinnaanerup iluani naleqquttumik akuersissutaateqarnissamik peqassaatit.

 

Pingaartipparput illit:

 

•  Missingersuusiornermik, missingersuutinik malinnaaviginninnermik naleqqussaajuarnermillu misilittagaqartutit
   
• Suliniutinik aqutsinermik misilittagartutit
   
• Suliassamik aalajangersimasumik ingerlanneqartussamik ilisimasaqartutit - tamannali piumasaqaataanngilaq, tassami ilinniartitsinissaq neqeroorutigineqarsinnaavoq
   
• Suliffeqarfiup iluani avataanilu suleqateqallaqqissutit attaveqaqateqallaqqissutillu
   
• Kallerup inneranik sakkortuumik sakkukitsumillu siammarteriviusuni ajoqutinik ujarlillaqqissutit
   
• Scada- aamma PLC-systeminut ilisimasaqartutit
   
• Qarasaasiaq atorlugu ingerlatsinermi aserfallatsaaliinermilu ilisimasaqarlutillu misilittagaqartutit
   
• Biilersinnaanermut nalinngiinnaasumik allagartaqartutit
   
• Pitsaassutsinik ilisimaarinnilluartutit

 

Atorfininnermi atugassarititaasut:

Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq. Atorfinitsitsineq qaammatini pingasuni misilinneqarfiligaavoq.

 

Inissiaq: 

Atorfininnermi malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

 

Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaammat utaqqiisaasumik inissiisoqarsinnaasarpoq, matumani aamma najugaqatigiiffiit minnerusut imaluunniit akunnittarfinni inissiat pineqarput, taakkulu akileraarusersorneqassallutik.

 

Atorfinitsinneqarnermi suliunnaarnermilu akiliunneqarluni angalasoqassaaq pequtillu nassiunneqarnerat akilerneqassalluni, ukiullu pingasut ataannartumik atorfeqareernerup kingorna illumi inoqutigiit meeqqallu 18-it inorlugit ukiullit angerlannissaannut akiliutsittoqassaaq. Qinnuteqartorli Namminersorlutik Oqartussani atorfeqarnermini sulisunut inissiamik innersuussivigineqareersimaguni sulisunut inissiamik innersuussivigineqarsimanini attatiinnassavaa.
 

Suleqatissarivatsigit?

Taava toortagaq ”atorfimmut qinnuteqarit” tooruk qinnuteqaatillu nassiullugu.  

 

Sukumiinerusumik paasisaqarusuppit?

Suliassat akisussaaffigisassarlu pillugit annerusumik paasisaqarusukkaanniDistriktschefiugallartoq Niels Pedersen attavigineqarsinnaavoq oqarasuaammut : +299946766/+299532533. Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr-afdelingen@nukissiorfiit.gl

 

Nukissiorfiit pillugu

Nukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Tamanna pillugu anner-tunerusumik atuarit uani www.nukissiorfiit.gl. 

Qinnuteqarnissamut killissarititaasoq: apriilip 3.-at, 2023

ATORFIK UNA QINNUTEQARFIGIUK