Kalaallit Nunaanni qitiusumik innaallagissiornermut gas´imullu oqartussat Nuummi El-inspektør´issarsiorput.

Suliassat siammasissumik aaqqissugaapput. Suliassat tassaasinnaapput Kalaalit Nunaanni tamarmiusumi nakkutilliinermut suliassat, suliassanik nangitsineq imaluunniit Nuummi allaffeqarfimmi allaffissornikkut suliassat.

Namminersorlutit eqimattanilu sulilerumaarputit. Ullut ilaanni naatsorsuutigissavat angalangaatsiartoqarumaartoq, tassaasinnaapput nakkutilliilluni angalanerit imaluunniit nunani avannarlerni allani suleqativut ataatsimeeqatigiartorlugit.

Aamakkua suliassatit:
 

·      Pilersaarusiorneq, allaffissorneq aamma Kalaallit Nunaat kaajallallugu nakkutilliineq

·Innaallagissiornermut isumannaallisaanikkut pitsaassutsimillu aqutsinermik nakkutilliineq pilersaarusiorlugulu ingerlallugu (SKS/KLS-A aamma SKS/KLS-D).

·      Innaallagissiornermut Oqartussat saqqummersittagaasa pilersinnissaannut peqataaneq kiisalu inuiaqatigiinni innaallagiaqarnermik isumannaallisaanermik paasissutissiinermik suliaqarneq.

·Innaallagissamik gas´imillu nunani avannarlerni nunarsuarmioqatigiinnilu nioqqutissiornermi tuniniaavinnik nakkutilliinermik suliaqarnermi peqataaneq.

·      Paasissutissiinermik suliassanik ataqatigiissaarineq, tamatumani ilanngullugu malittarisassanik atuuttunik ilisimasatigut nittarsaanissaq, innaallagissamik atortut tunulequtaat aalajangersagaallu pillugit.

 

Piginnaaneqarfissatit:
 

·      Elektrikeritut/elinstallatøritut/ingenirøitut/maskinmesteritut ilinniarsimavutit naleqquttumillu misilittagaqarlutit.

·      Teknnikkimik nalunaarsuinermik suliaqarlutit soqutiginnipputit.

·      Pissusikkut sulininnilu namminersullaqqipputit, tamakkerlugu isiginninneq pigivat aamma attaveqaqatigiinnikkut oqaluttariarsornikkut allattariarsornikkullu piginnaaneqarluarputit.

·      Inunnut allanut ammasuuvutit aamma suleqatiginnillaqqipputit pisisartunullu assigiinngeqisunut sullissinissannut piginnaaneqarluarputit.

·      Ajornanngippat oqaatsit arlariit atorsinnaavatit – kalaallisut, qallunaatut aamma tuluttut (oqaatsitigut pikkorissaasoqarsinnaavoq)

·      F-gas ikkussukkanik ilisimasaqarnissat pitsaaqutaasinnaavoq.

 

Neqeroorfigaatsigit:
 

·      Suliffeqarfik sulisut atorfimminni pikkorissusillit suliffeqarfillu kulturiminni tunniusimasoq

·      Atorfik pissanganartoq kiffaanngissuseqartorlu, ullut marluk assigiippiarneq ajortut, oqartussaaqataaneq qaffasissoq ulluinnarnilu sulinermut sunniuteqarsinnaalluni.

·      Sulinermik avatangiisit uummaarissut, inuttut suliamullu periarfissinneqarlutit inerisarluarsinnaallutit.

·      Suleqatit suliamik pikkorilluinnartut tunniusimasullu ataatsimooqatigilluarlugit.

·      Suliartoqqaarnermi akeqanngitsumik angalaneq pequtillu akiliunneqartumik nassarlugit.

·      Ukiumoortumik sulinngiffeqarnissamik tapiissutit.

 

Periarfissaq siulleq atorlugu atorfinititsinnaavugut.

 

Atorfininnermi atugassat:
 

Akissarsiat atorfininnissarlu isumaqatigiissutit atuuttut naapertorlugit ingerlanneqassapput. Qaammatit pingasut misilitsiffiussapput.

 

Malittarisassat atuuttut naapertorlugit pequtitaqanngitsumik inissiamik neqeroorpugut. Namminersorlutilli Oqartussani atorfeqarninni sulisutut ineqartinneqareeruit sulisutut ineqartitaanerit attatiinnarsinnaavat.

 

Suliassat akisussaaffigisassarlu pillugit annerusumik paasisaqarusukkaanni Elmyndighed-imi pisortaq attavigisinnaavat Michael Petersen oqarasuaatikkut +299 34 93 00 imaluunniit e-mailikkut mip@elmyndighed.gl

 

Akissarsianut atorfininnermilu nalinginnaanerusunut tunngatillugu apeqqutissaqaruit sulisoqarnermut immikkoortortaqarfik uunga saaffigineqarsinnaavoq: HR-afdelingen@nukissiorfiit.gl

 

Atorfik una qinnuteqarfigerusukkukku ”Atorfik una qinnuteqarfigiuk” tooruk qinnuteqaatillu nassiullugu.

Apeqqutit nalinginnaasut Sulisoqarnermut Immikkoortortaqarfimmut nassiunneqarsinnaapput: hr@nukissiorfiit.gl

 

Innaallagissiornermut Oqartussat Naalakkersuisut pillugit
 

Innaallagissiornermut Oqartussat Naalakkersuisut ataanni nakkutilliisuupput, ukulu isumagisarivaat innaallagialerinermi isumannaallisaaneq aammalu inatsisit nalunaarutillu malittarisassat malinneqarnissaat.
Annertunerusumik paasisaqarusukkuit Inaallagissiornermut Oqartussat nittartagaannut iserit: www.elmyndighed.gl

 

Qinnuteqarnissamut killissarititaasoq: apriilip 3.-at, 2023

ATORFIK UNA QINNUTEQARFIGIUK