Skip to main content
93

Dette jobopslag er udløbet

ALLAFFIMMI AQUTSISOQ PIMOORUSSISARTOQ

Nukissiamik pilersuisinnaanissamut sulisunik ataqatigiissaarisartunik pisariaqartitsivugut – illit peqataaffigerusuppiuk mingutsitsinngitsumik nukissiaqalersitsinissatsinnut?

Ilulissani Nukissiorfiit pisariaqartippaatsit. Nunami illoqarfiit pinnernersaasa ilaanni ataqatigiissaarisartutut aamma allaffissiornermi pingaaruteqartumik inissisimassaatit. Allaffimmi aqutsisoq nuna immikkoortuani pisortaq qaninnerpaamik suleqatigisassavat, taamaattumillu sulisut aamma suliassat qulakkeerneqarnissaannut suliaqarnermi pingaaruteqartumik inissisimasuussallutit. Ukiuni aggersuni Nukissiorfiit nukissiamik mingutsitsinngitsumik ineriartortitsiartornera nanginneqassaaq, taamaammallu pingaartuulluni sulisut pikkorissuunissaat – illit soqutiginnippit?

Suliassatit pingaarnerpaat ukuupput: 
·Suliassat ataqatigiissaartarnissaat aqunnissaallu
·Pisiniartarnermik aamma quersuarmiititatsinnik malinnaaffigineqarnissaasa qulakkeertarnissaa
·Nunap immikkoortuani missingersuutit pillugit nalunaarusiortarneq, nunallu immikkoortuani pisortap innersuussinera malillugu aningaasatigut ineriartortitsineq.

Naatsorsuutigissavat suliassarpassuit pissanganartut allat suliarisarnissaat. Ilinniartinneqarnissat aamma ineriartornissannut pitsaasunik periarfissaqartinneqarnissat qulakkiissavavut. Nunap immikkoortuini allani allaffimmi aqutsisutut suleqatigisatit ilinnit isumasiorneqartarnissaminnut piareersimassapput.

Suut naatsorsuutigisinnaavigit?
Nunap immikkoortuani pissanganartumi sarfamik pilersuinermi piujuaannartitsineq aallaavigalugu ineriartortitsiffiulluartumi allaffeqarfimmi peqataalissaatit. Suleqatitit misilittagaqarluartuullutillu pimoorussisuupput, naatsorsuutigaarpullu illit aamma taamaattuunissat. Tamanna ilutigalugu qilanaaralugu naatsorsuutigissavat suliffeqarfimmi sulisunit iluarisimaarineqarluartumi peqataalernissat – Kalaallit Nunaanni aamma Danmarkimi suliffeqarfiit pitsaanerpaat ilagaagut. Naatsorsuutigineqassaaq ukiumut ulluni arlalialunni angalasarnissaq. 

Illit suleqatigerusuppatsigit makkuninnga piginnaasalik
·Allaffissornermik suliaqarusussuseqartoq suliassallu immikkuualuttortai nakkutigalugit
·Tulluartumik ilinniagaqartoq imaluunniit ukiuni arlalinni atorfimmi assingusumi misilittagaqartuusoq
·IT-mik ilisimasat pitsaasut
·Sullissinissamut piareersimasoq aamma qanoq ilinniagaqarsimaneq apeqqutaatinnagu suleqatiginninnissamut piumassuseqarluartoq
·Pingaartuuvoq suliassat pillugit aaqqissuussisartuunissat nammineerlutillu sulisinnaanerit.

Suliassat assigiinngitsorpassuit isumagisarsinnaanissaannut piginnaaneqassaatit, piffissallu ilaani ulapaarfiusumi isumatsattassanak. Kissaatigaarpullu suleqat suleqatiginninnissamut piginnaaneqartoq aamma pikkorissaq sullisserusuttumillu pissuseqartoq. Ilinnut iluaqutaassaqaaq marluinnik oqaaseqartuuneq, kisianni tamanna piumasaqaataanngilaq.

Sapinngisamik pilertornerpaamik imaluunniit isumaqatigiissuteqarnikkut atorfinitsitsisoqassaaq.

Atorfeqartitaanermi atugassarititaasut
Akissarsiat aamma atorfinitsinneqarneq isumaqatigiissut attuumassuteqarfigisaq aamma atuuttoq tunngavigalugu ingerlanneqassapput. Qaammatit pingasut misilitsiffiupput.

Atorfimmut atatillugu inissamik pequsersorneqanngitsumik maleruaqqusat atuuttut tunngavigalugit neqerooruteqarpugut. Namminersorlutik Oqartussat aqqutigalugit atorfimmut atatillugu inissaqartinneqaruit tamatumunnga piginnaatitaaffiit pigiinnassavatit.

Atorfininnermut aamma soraarnermut atatillugu angalanermut akiliussisoqassaaq maleruaqqusat atuuttut tunngavigalugit.

Illit tassaavit uagut suleqatitaarerusutarput?
Qinnuteqaatit una “Atorfik una qinnuteqarfigiuk” aqqutigalugu piaartumik nassiuguk,

Atorfimmi suliarisassat pillugit apeqqutissaqaruit taava Nunap Immikkoortuani Pisortaq Magnus Anton Olsen, tlf. +299 946777 imaluunniit mobil +299 542260 attaveqarfigiuk.

Akissarsianut aamma atorfeqartitaanermi atugassarititaasut nalinginnaasut pillugit apeqqutit uunga hr@nukissiorfiit.gl nassiunneqassapput.

 

Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Uagut pilluta uani www.nukissiorfiit.gl annertunerusumik atuarit.

Qinnuteqarnissamut killissarititaasoq: decembarip 16.-at, 2021

ATORFIK UNA QINNUTEQARFIGIUK