Skip to main content
87

Dette jobopslag er udløbet

AASIANNUT INNAALLAGIALERISOQ

Nukissiorfiit Nunap immikkoortua Disko Aasiannut aamma nunap immikkoortuani nunaqarfinnut innaallagialerisumik pissarsiorpoq. Atorfik piaartumik inuttalerneqarniarpoq. Illit ulluinnarni innaallagissat aqqutaannik suliaqartut formandiannut aamma innaallagissamik siaruarterinermut teamlederimut akisussaassuseqassaatit.

Suleqatissatut ujartugarput tassaavoq nammineerluni suliassanik inaallagissamut tunngasunik suliaqarsinnaasoq aammattaaq siunnersuisinnaasoq, ilinniartitsisinnaasoq kiisalu innaallagissamik, kiassaanermik aamma imermik Aasianni aamma nunap immikkoortuani nunaqarfinni attuumassuteqartuni nioqqutissiornermik aamma siaruarterinermik ingerlatsinermut tunngatillugu ikiuussinnaasoq.

Atorfimmut ilaapput:

Tamatuma saniatigut innaallagialerisup akisussaaffigaa suliffeqarfimmi nammineq ingerlatseriaatsit ingerlaavartumik ineriartortinneqarnissaat malinneqarnissaallu, aammattaaq inatsisit atuuttut sutigut tamatigut eqqortinneqarnissaat, ingammik:

  • Isumannaallisaanermut aamma oqartussaasunit piumasaqaatit.
  • Akisussaaffeqarfinni piginnaasat ingerlanneqarnissaannut aamma ineriartortinneqarnissaannut tapertaaneq Aasiaat immikkut ilisarnaataat mianeralugit.
  • Suliatigut sulisunik akisussaaffeqarfiup ataaniittunik ilinniartitsineq innaallagissamut ikkussukkanut aamma atortunut tunngatillugu atortut sakkullu taakkununnga attuumassutillit ilanngullugit.
  • Sulisunik nutaanik ilinniartitsisarneq Aasianni pigaartuusarnermut ilanngutsinneqarnissaat sioqqullugu.
  • Peqataaffigissallugu Nukissiorfiit Inuiaqatigiinni Akisussaaqataaneq (CSR) pillugu anguniagaanik eqqortitsinermut ineriartortitsinermullu peqataaneq.
  • Pisariuqartinneqarnermi vagtiusinnaaneq

Suliassanik takkuttartunik suliaqarneq Innaallagissamik Siaruarterinermut Teamlederip innersuussutai malillugit.

Innaallagialerisoq Aasianni najugaqartussaasariaqarpoq, kisianni aammattaaq angalasarnissamut aamma nunap immikkoortuani illoqarfinnut imaluunniit nunaqarfinnut allanut aamma Nuummi qullersaqarfimmut sivikitsumik angalanissamut piumaffigineqarsinnaalluni.

Uagut neqeroorutigisinnaavavut:

  • Atorfik pissanganartoq suliatigut aamma inuttut amerlasuunik unamminartulik.
  • Sullivimmi avatangiisit isummersuiffiusut ikinngutigiinneq nuannersoq aammattaaq suliassanut tunngatillugu sukumiisumik ilitsersuunneqarneq aamma ilinniartinneqarneq.
  • Suliffeqarfik ineriartorfiusoq suliatigut aamma inuttut ineriartornissamut pitsaasunik periarfissaqartoq.
  • Suliatigut sammisanut tunngatillugu pikkorissarnissat tulluartut, tamatumunnga ilanngullugit suliat suuneri apeqqutaatinnagit pikkorissarnerit nunap immikkoortuani pilersuinermut qulakkeerinnissinnaanermik pitsanngorsaataasut.

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

Inissaq

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput.

Nukissiorfiit pillugit paasissutissat sukumiinerusut, takuuk: www.nukissiorfiit.gl

Atorfik pillugu annertunerusumik paasissutissat saaffiginnissutigineqassapput uunga:

Atorfik pillugu annertunerusumik paasissutissat pissarsiarineqarsinnaapput Ingerlatsinermi akisussaasoq, Teamleder Frederik Petrussen +299 894845. Apeqqutit nalinginnaanerusut Sulisoqarnermut immikkoortortaqarfimmut saaffiginnissutigineqassapput: hr-afdelingen@nukissiorfiit.gl

Qinnuteqarnissamut killissarititaasoq: decembarip 18.-at, 2019

ATORFIK UNA QINNUTEQARFIGIUK