Skip to main content
95

AASIANNI INGERLATSINERMI KIASSAATEQARFIMMI SULEQATISSARSIORPUGUT - ALLAGARSIUTEQQITAQ

Ingerlatsinermi suleqataasussap formandip innersuussineratigut suliassat suliarisassavai aamma illoqarfimmi innaallagissamik, imermik kiammillu nioqqutissiorneq aamma siaruarterineq, tassunga ilanngullugit ingerlatsineq, pitsaanerulersitsineq aamma ineriartorneq pillugit suleqataasunut suliatigut siunnersuisarlunilu tapersersuisassalluni.  

 

Suliassat
Ingerlatsinermi suleqataasussap formandip innersuussineratigut suliassat suliarisassavai aamma illoqarfimmi innaallagissamik, imermik kiammillu nioqqutissiorneq aamma siaruarterineq, tassunga ilanngullugit ingerlatsineq, pitsaanerulersitsineq aamma ineriartorneq pillugit suleqataasunut suliatigut siunnersuisarlunilu tapersersuisassalluni.  

Ingerlatsinermi suleqataasoq Aasianni aamma nunaqarfinni, nunap immikkoortuani aamma suliffeqarfimmi qanoq inissisimanerit apeqqutaatinnagit suleqatigiinni aamma suliffeqarfimmi namminermi piviusumik pitsaasumik suleqatigiinnermik pilersitseqataassaaq.

Ingerlatsinermi suleqataasoq suliffeqarfimmi namminermi periutsit ingerlaavartumik ineriartortinnissaannut malinneqarnissaanullu, kiisalu inatsisit atuuttut sutigut tamatigut sumiiffinni tamani eqquutsinneqarnissaannut peqataassaaq, ingammillu:

 

  • Isumannaallisaanermut aamma oqartussaasut piumasaqaataat
  • Suleqataasunik suliatigut ilinniartitsineq maskiinat teknikkiannut ikkussukkanut tunngasunik aamma atortunik, kiisalu taakkununnga attuumassuteqartunik atortunik sakkunillu
  • Sulisunik nutaanik ilinniartitseqataaneq Kangaatsiami pigaartuusarnermut peqataasalernissaat sioqqullugu
  • Nukissiorfiit Corporate Social Responsibility-mik anguniagaannik piviusunngortitseqataaneq aamma ineriartortitsineq
  • Suliassanik takkuteriasaartunik suliaqarneq Aasianni formandip innersuussineratigut.

 

Naatsorsuutigaarput illit:

  • Teknikimut tunngasumik ilinniagaqarsimasuunissaq imaluunniit allamik tulluartumik, tassunga ilanngullugu SRO-atortumik ilisimasaqarneq
  • Nammineerlutit sulisinnaanerit soorlu aamma suleqatigiinni suleqataalluarsinnaanerit
  • Isumassarsillaqqissuusutit aamma aallarniisinnaassuseqarusuttuusutit, killissat pinnagit periarfissanik takunnissinnaasoq.
  • Aasianni pigaartuusarnissamut peqataaneq
  • Angalasarnissaq naatsorsuutigineqassaaq, nunap immikkoortuani aammattaaq avataanut nunap immikkoortuinut allanut Nuummilu qullersaqarfimmut.

 

Iluaqutaassaaq illit:

  • Kalaallisut danskisullu oqalussinnaallutillu allassinnaanissat
  • Biilersinnaanermut allagartaqarneq
  • EDB-mik atuisutut ilisimasaqarneq.

 

Ilinnut neqeroorutigisinnaavavut:

  • Atorfik pissanganartoq avatangiisini assigiinngitsuni, suleqatigiittut suleqatigiiffiusumi
  • Atorfiup imarisaanut sunniuteqarnissamut periarfissat pitsaasut
  • Inuttut aammattaaq suliatigut ineriartornissamut periarfissat pitsaasut.

 

Atorfeqartitaanermi atugassarititaasut 
Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq
Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput. Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

Suli paasisaqarnerorusuppit?
Atorfik pillugu imaluunniit atorfinitsitaassaguit tamatumunnga tunngasut nalinginnaasut paasissutissat Suleqatigiinni aqutsisoq Imermut & kiassarnermullu, Nukissiorfiit, Michael Nielsen-mut mob. Nr. 536271 saaffiginninnikkut pissarsiarineqarsinnaapput.
Paasissutissat nalinginnaanerusut pillugit Sulisoqarnermut Immikkoortortaqarfimmut saaffiginnissutigineqarsinnaapput: hr@nukissiorfiit.gl imaluunniit +299 34 95 00.

Nukissiorfiit pillugit paasissutissat amerlanerusut, takuuk: www.nukissiorfiit.gl

Qinnuteqarnissamut killissarititaasoq: aggustip 10.-at, 2020

ATORFIK UNA QINNUTEQARFIGIUK