Skip to main content
100

Pisortap tullersortaa Niuernermik Ilinniarfimmut

Sullitarput Niuernermik Ilinniarfik pikkorissumik atorfimmut Pisortap tullersortaatut inuttassarsiuupparput - Sulisoqarnermut piginnaasaqarluarpit?
 

  • Taava immaqa illeqqissaaq amigaatigivatsigit


Niuernermik Ilinniarfik ilinniarfiuvoq toqqammaveqarluartoq allannguinissamut ineriartortitsinermilu nukinnik pitsaasunik avitseqatigiiffiusoq, ilinniakkanik siammasissumik assigiinngitsutigut inuussutissarsiutinut sammivilinnik neqerooruteqartuusoq. Niuernermik Ilinniarfiup siunissaq pissanganartoq ornippaa, suliniutillu assigiinngitsut arlallit ingerlallugit. Taamaattumik maanna Pisortap tullersortaatut atorfik inuttassarsiuupparput.
 
Suliassatit
Pisortap tullersortaatut atorfimmi nutaajusumi, allaffisornikkut suleqatigiit ilaatigut ilinniarnermi siunnersortit, ilinniarnermi allatsit aammalu attaveqaqatigiinnermut sulisoq ataaseq siuttuuffigalugit suleqatigissavatit.

Pisortap tullersortaatut sulisoqarnerup ingerlanneqarnerani ineriartortitseqataassaatit, sulisunik nutaanik aallartittoqarnerani pitsaasumik suliffimmut isernissaat qulakkeerinneqataaffigalugu, isumaqatigiissutinik suliaqarlutit, suliffeqarfiup iluani immikkoortortaqarfiit akornanni iluarisimaarinninnermut misissuinermi siunnersueqatigiinnernut, aammalu sulisut ineriartortinneqarnissaannut oqaloqatigiinnernut ingerlatseqataassallutit.

Sulisoqarnermut suliassat saniatigut allanittaaq suliassaqartassaaq, soorlu atuarfimmut isernermut- aammalu kajumissaanermut periusissiamik ineriartortitseqataaneq, sulinermi malittarisassat, sulisut piginnaasaannik ineriartortitsinissamut pilersaarusiaq, kiisalu suliffiup aaqqissuussaaneranut suliniutaasut ataqatigiissarnissaat.

Pisortap tullersortaata aammattaaq avammut attaveqaqatigiinneq, pilerisaarineq, kiisalu attaveqarfinnik piuinnartitsinissaq ineriartortitsinissarlu inuussutissarsiorfinnut, pisortanut aammalu soqutigisalinnut allanut suleqatiginninneq ilutigalugu akisussaaffigissavai.
Pisortap tullersortaatut forstanderip siulersuisullu sullinneqarnissaannut sunniuteqaqataassaatit, forstanderip ataani inissisimassallutit kiisalu peqanngiffiani taartaagallartassallutit.
 
Kissaatigaarput
Sulisoqarnermut, inatsisilerinermut assingusumilluunniit tulluartumik ilinniagaqarsimassasutit.

Allaffissornikkut aqutseriaatsit aammalu suliffeqarfiup aaqqissuussaanerani ineriartortitsinermik misilittagaqarlutillu soqutigisaqassasutit. Sulisoqarnermi, iluarisimaarinninnermik misissuinernik aammalu pitsaassutsimik aqutsinermik misilittagarlutillu soqutigisaqassasutit.

Ilinniartitaanerup iluani sulerusussuseqartuussaatit. Aammattaaq unammillernartunik nutaanik nuannarisaqartuussasutit, ulapaarfimmi arlalinnik ulapputeqarsinnaassasutit, kiisalu namminersorlutit suleriuseqarsinnaassasutit.

Ataatsimut isigalugu suleqatit atuartullu akornanni atassuteqalersitsisartuullutit suleqatikkuminartuunissat pingaaruteqarpoq, eqaatsumik aammalu ineriartornermi nukinnik siunnersueqatigiiffiusumik suliffimmik nuannarisaqartuullutittaaq.
 
Neqeroorutigaarput
Ilinniartitaanerup iluani atorfik pissanganartoq aammalu nammineerluni atorfiup immersueqataaffiginissaanut periarfissiisoq. Atorfik pilersaarutinik suliniutinillu nutaanik ineriartortitseqataanissamut aammalu siunissami inuussutissarsiornermi nutaaliornermilu ilinniakkat sunneeqataaffiginissaannik periarfissiisoq.

Inuttut aammalu suliannut tunngasumik pikkorissarnerit ilinniagaqaqqinnerillu aqqutigalugit ineriartornissamut periarfissaqassaatit.

Unammillernartut pissanganartut eqimattat pikkorissut, pimoorussisut, isummersuisut aammalu nutaaliortut nuannaarneq ulluinnarni pingaartinneqarluartoq peqataaffigalugu suleqatiginissaat periarfissaalluni.

Aningaasarsiat atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginiarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
 
Najugaq
Atorfimmut atatillugu inimik innersuussisoqarsinnaavoq. Atorfimmut atatillugu ini atorfeqarnermut tunngavoq, atorfeqarnerullu unitsinnerani qimanneqassalluni.

Atorfinitsitsineq
Atorfiup 1. September 2019 isumaqatigiissutigineqartorluunniit naapertorlugu inuttalerneqarnissaa kissaatigineqarpoq. Ingerlaavartumik oqaloqatigiittoqartarnissaa naatsorsuutigineqarpoq.
Qinnuteqaatit ingerlaavartumik naliliiffiginissaannut pisinnaatippugut
 
Soqutiginnippit?
Qinnuteqarnissamut tuugassaq toorlugu atorfimmut qinnuteqarit, tassuuna qinnuteqaatit aammalu CV-iit nassiussinnaavatit

 

Apeqqutissaasinnaasut allat suleqatigisamut Dorthe Flies fra Flies HR Consultingimeersumut apeqqutigineqarsinnaapput uunga sianerluni, mobil +45 6083 3117 imaluunniit dorthe@flieshr.dkallaffigalugu.

 

Flies HR Consultingip sulisussarsiorneq ingerlappaa, taamaattumik saaffiginnissutissat tamarmik tassunga ingerlateqquneqarput. Piukkunnartut oqalutiginissaannut ataavartumik aggersartarpagut – aamma qinnuteqarnissamut killissarititaasup naannginnerani.

Tusarfiginissat qilanaaraarput!
Niuernermik Ilinniarfik pillugu nittartakkakkut paasisaqarnerugit www.ninuuk.gl
 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk