Skip to main content
85

Dette jobopslag er udløbet

Ilinniartitsisunik AU aamma MerX-imut

Kalaallit Nunaani Niuernermik ilinniakkanut ingerlaqqiffiusunut ilinniartitsisunik pissarsiorpoq
Ilinniartitsineq uummateqarfigaajuk? Aammalu Kalaallit Nunatsinni inuusuttunik ilinniartitsinissamik kissaateqarpit? Taamaappat illit ujarpatsigit.

Niuernermik Ilinniarfik ilinniarfiuvoq ingerlalluartoq eqeersimaartorlu, assigiinngitsorpassuarnik inuussutissarsiuteqarnerup tungaatigut suliffinnilu sungiusarfiusunik ilinniakkanik neqerooruteqartoq suliffeqarfinnik pisortallu suliffeqarfii qanimut suleqatigalugit. Niuernermik Ilinniarfik Nuummiittoq inerisaaleruttorpoq, pingaarnertut neqeroorutinik nutaanik angusaqarluarnissatsinnut ilinniartunillu aalajaatsunik peqarnissaminut nukittuungortitsisussanik siunertaqartumik.

Suliassatit
Ilinniakkamut qaffasissutsikkut ingerlaqqiffiusunut ilinniartitsisutut, siunissami MerX- aamma AU-mi ilinniartunik pikkorissunik ilinniartitseqataassaatit. Eqimattanut MerX- aamma AU-mut ilinniakkanut attuumassusilinnut ilaalissaatit aammalu MerX I, MerX II, AU ØR aamma AU IHM-mi ilinniartitsissallutit. Ilinniartut ilinniartitaanerat atuarnerannilu ingerlanerat pingaartillugu ingerlatissavat aammalu suleqatit allat peqatigalugit ilinniartut ilinniakkaminnik naammassinissaat.

Ukua atuartitsissutigisinnaavatit

  • Nunat assigiingitsut akornanni aningaasaqarneq
  • Inuussutissarsiornermi aningaasaqarneq
  • Tunisaqarneq
  • Attaveqatigiinnermi tuniniaaneq
  • Aaqqissuussaaneq
  • Naatsorsueqqissaarneq


Ilinniartitsisutut ilinniartitsisut allat peqatigissavatit. Taamaattumik sulianni pingaaruteqartussaavutit, ilinniartitseriaatsimik siunissamik takorluukkanik aammalu pilersaarutinik pinngorartitsisussaallutit.
Ulluinnarni sulininni ilinniartitaanermut nakkutilliisoq attaveqaatigissavat.

Kissaatigaarput

  • qaffasinnerusumik ilinniagaqarsimassasutit kandidat naligalugu, kissaatiginarpoq pædagogikummimik lektoratimilluunniit naammassisaqarsimassasutit.
  • Patajaatsumik sulinermik tunuliaqutaqassasutit aamma atuartitsinermik misilittagaqarnissat kiisalu ilisimasanik tunniussisinnaasoq.
  • Ataatsimoorluta ineriartortitsinitsinni toqqammavitsinnut ammasumik periuseqarluni tunniussisinnaasoq.
  • Ataatsimoortitsisinnaasoq, aammalu sapiissuseqarlutit suliffimmi ulapaarfiusumik assigiingitsunik sammiveqarluni sulisinnaasoq.
  • Kalaallisut aamma qallunaartut oqalulluarsinnaasoq pingaartinneqarpoq.


Neqeroorutigissavarput
Suliffik pissanganartoq, ilinniarfimmi ineriartortumi, aammalu suliatigut pikkorissarnertigut ilinniaqqissamillu ineriartorfiusoq.  Pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.

Sulinerup sivisussusaa nal.ak. 40-t sap.ak.-nut. Sulilernissaq 1. august 2021 imaluunniit isumaqatigiinneq malillugu.

Annertunerusumik paasisaqarusukkaanni
Imminut hold-itinni ilinniartitsisussatut takorlooruit, annertunerusumillu paasisaqarusullutit una saaffigisinnaavat Ilinniarnermi nakkutilliisoq Kista Isaksen oqarasuaat 382599 imaluunniit e-mail atorlugu: kisi@ninuuk.gl.

Aamma Niuernermik Ilinniarfik pillugu paasiniaasinnaavutit nittartakkamut uunga iserlutit: www.ninuuk.gl

Qinnuteqaat
Qinnuteqarnermut killigititaq 7. maj 2021.


Takunissat qilaanaaraarput!



 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk