Skip to main content
73

Dette jobopslag er udløbet

Neriuffiit Kattuffiat ullup affaanut allaffimmiumik 1. Marts 2021 imaluunnit isumaqatigiinnikkut aallartittussamik pissarsiorpoq

Kalaallit Nunaanni Neriuffiit Kattuffiat 14-nik immikkoortortaqarpoq, Neriuffimmi sulineq kajumissutsimik suliniarfiuvoq.

Kattuffik massakkumut allaffimmi ingerlatsisumik ataatsimik atorfilittaqarpoq.

Kattuffimmilu suliassat amerliartorneri pissutigalugu atorfilittarput aapperneqassasoq aalajangerneqarpoq

 

Allaffimmi atorfik naatsorsuuserinermik suliaqarnissamik ilisimasaqartuussaaq misilittagaqarlunilu. Pilersaarusiornermullu tunngassutilinnik kiisalu attaveqaqatigiinnissamut piginnaasaqarluarnissamik piumasaqaateqarpoq.

 

Atorfik pingaarnertut suliassanik makkunannga imaqarpoq
- Naatsorsuuserineq

- Immikkoortortaqarfinnut attaveqartartussaq, allakkatigut attaveqartarneq, allakkanik aallertarneq nassiussuisarnerlu

- Immikkoortortaqarfinnut naatsorsuutaanniik siunnersuineq

- Allaffimmi atortut qulakkeertarnissai 

Taakkualu saniatigut

- Nuna tamakkerlugu ataatsimeersuarnerni, Nuna tamakkerlugu katersuiniarnermi suligasuaatinullu assigiinngitsunut suleqataaneq

 

Naatsorsuutigaarput illit:
Naatsorsuutinik ilisimassaqarluartuunissat.

Qarasaasialerinermik pingaartumillu paasissutissanut katersuivinnut piginnaasaqartutit.

Attaveqaqatigiinnermut suleqatigiinnermullu piginnaasaqarluartutit.

Kalaallisut danskisullu erseqqissuliullaqqissuusutit.

Allaffissornermi peqatigiiffiillu ingerlariaasaannik ilisimasaqarnissaq

 

Neqeroorutigisinnaavagut:
Kattuffik ulapaarfiusoq ineriartorfiusorlu.

Suleqatit pimoorussisut kajumissusillillu.

Kattuffimmi bestyrelse sulisullu akornanni attaveqaqatigiilluarfiusoq.

Suliniuteqaqatigiiffinni allaffeqarfik nuannersoq.

 

Aningaasarsiatigut atorfinitsitaanermilu atugassarititaasut:
Akissarsiat ilinniagaq misilittakkallu tunngavigalugit naleqquttumik atorfik akissaasersorneqassaaq.

Allaffik Nuummi inissisimavoq.

 

Najugaq
Atorfimmut atatillugu sulisunut inissiamik innersuussisoqarsinnaanngilaq.

 

Qinnuteqaatit, CV, ilinniarsimasanut pikkorissarsimanermullu uppernarsaatit kiisalu paasissutissat allat pisariaqarsinnaasut uunga neriuffik@gnet.gl –mut aamma neriuffik-formand@gnet.gl ilanngullugu nassiunneqassapput.

Qinnuteqarfissaq ulloq kingulleq 28. februar 2021

Atorfik pillugu paasisaqarnerorusukkuit allaffimmi ingerlatsisoq Aviâja Lynge uunga +299 49 04 89 imaluunniit siulittaasoq Mette-Sofie Jørgensen uunga +299 53 46 65 attavigalugit paasiniaasoqarsinnaavoq.