Skip to main content
100

Info Norden Kalaallit Nunaat attaveqaqatigiinermik suliaqartussarsiorpoq

NAPA Info Nordenimi attaveqaqatigiinnermik suliaqartussamik suleqatissarsiorpoq. Info Norden tassaavoq Nunat Avannarliit Ministeriisa Siunnersuisoqatigiiviisa (NM - Nordisk Ministerråd) paasissutissiisarfiat, Nunat Avannarliit arlaannut nuunniaraanni, suliartorniaraanni ilinniariarniaraanniluunniit siunnersuinermik paasissutissiinermillu suliaqarfik.

NAPAp ilinni ujartorpaa, inuk Nunani Avannarlerni ataqatigiinneq eqqarsaatigalugu iluaqutissamik, suleqatigiinnermik attaveqaqateqarnermillu ujartuisinnaasoq, inuiaallu assigiinngitsut amerlanerpaat ataatsimoorfigisinnaasaannik suliaqarusuttoq.

Attaveqaqatigiinnermik suliallip akisussaaffii:

  • ●  Paasissutissat nutaat nittartakkamut ikinissaat: Kalaallit Nunaat pillugu paasissutissat Nunallu Avannarliit akornanni nuunnermut, sulinermut ilinniarnermullu tunngasut uaniittut www.norden.org

  • ●  Mailikkut, oqarasuaatikkut nittartagarlu Nordsvar aqqutigalugu saaffiginnissutit apeqqutillu akinissaat

  • ●  Nunani Avannarlerni suleqatigiinnermi aporfiit suussusersissallugit, nalunaarsussallugit aamma NM-imut kiisalu Nunani Avannarlerni susassaqartunut politikerinullu nalunaarutigissallugit

  • ●  Info Nordenip ineriartortinnissaanut allaffissornertaanillu isumaginninneq

  • ●  Info Nordenip piunerata tamanut ilisimatitsissutiginissaa, Nunatsinnut Nunallu

    Avannarliit sinnerini

  • ●  Killeqarfiit akimorlugit suleqatigiinnissamut aporfiit pillugit Nunatsinni attaviit

    eqqartueqatigiinnissaat ataqatigiissaarnerat ataatsimiinnerallu

  • ●  Kalaallit Nunaanni politikkimi pisut pillugit NM-imut Nunanilu Avannarlerni

    politikerinut sapaatip akunneri tamaasa nalunaarusiorneq

    Piginnaasassatit:

  • ●  Uliamut tulluartumik ilinniagaqarsimassaatit

  • ●  Kalaallit Nunaata Nunallu Avannarliit sinnerisa inuiaqatigiitut atugaat

    ilisimasaqarfigissavatit soqutigalugillu

  • ●  Paasissutissiillaqqissaatit

  • ●  Attaveqaqatigiinnermut tunngasunik misilittagaqassaatit

  • ●  Suliniutinik aqutsineq ilisimassavat, attaveqaqateqallaqqissaatit aamma nutaanut

  • ●  Qarasaasiatigut attaveqartarfiit pisortallu ingerlatsiviisa qanoq attavigisarnissaat

    ilisimassavatit

  • ●  Nittartakkamik ilusilersuineq immersuinerlu misilittagaqarfigissavatit

    (norden.org-ip cms-systemi Drupal atorpaa)

  • ●  Piumasaqaataavoq kalaallisut oqaatsit aamma skandinaviamiut oqaasiisa arlaat

    ikinnerpaamik ataaseq atorsinnaassagitit

    Ammasuussaatit nammineerlutillu sulisinnaassallutit, suliavimmi ilarpassui Danmarkimi allattoqarfiup suliakkiissutigisassavai, Kalaallit Nunaanni piviusunngortinneqartussat.

Suliat, inatsisit maleruaqqusallu atuuttut ilinnut nutaarluinnaat aqqusaarnissaat naatsorsuutigissavat. Nunani Avannarlerni suleqatigiinneq misilittagaqarfigissavat Nunanilu Avannarlerni oqaatsit atorneqartut paasisinnaassallugit.

Atorfik ilaannakortumik suliffiuvoq - sapaatip akunneranut nalunaaquttap akunnerini 20-ini suliffiussalluni.

Suliniummik aqutsisoq NAPAmi (NM-ip kulturimut tunngatillugu Kalaallit Nunaanni allaffiani) allaffeqarpoq. NAPAmi Kalaallit Nunaata Nunallu Avannarliit sinnerini innuttaasut kulturiannik ineriartortitsineq, tapersersuineq aamma kajumissaarineq annermik suliarineqartarpoq - meeqqat inuusuttullu akuutinnissaat pingaartillugu. Allaffimmi pisortaq ataaseq sulisullu atorfillit marluk, suliniutinullu atatillugu sulisut allat ammasumik angusaqarusussuseqartumillu suleqatiginissaat naatsorsuutigissavat. Allaffitsinni aamma p aningaasaliissutaasartut pillugit siunnersuisarpugut - nunaqavissunut avataaneersunullu. Nunatta kulturikkut illorsuani Katuami allaffeqarput - Nuup qeqqaniittumi.

Suliniummik aqutsisutut qanimut suleqatigiittunut ilanngutissaatit, aappaatigulli suliniummik aqutsisutut Kalaallit Nunaanni kisimiissagavit nammineersinnaassuseqassaatit suliassatit suliniutillu eqqarsaatigalugit. Angalangaatsiartarnissat naatsorsuutigissavat.

Atorfik pillugu apeqqutissaqaruit uunga saaffiginnigit: NAPAmi pisortaq, Mats Bjerde, mats@napa.gl imaluunniit Alf Kronvall, ​alfkro@norden.org

Sulilernissaq: Piaartumik.

Qinnuteqarnissamut ulloq killigititaq: 6. septembari 2019.

Qinnuteqariaruit una Emply tooruk:

https://www.norden.org/da/vacancy/napa-soger-en-kommunikationsmedarbejde... o-norden

Info Norden pillugu:

Info Norden tassaavoq Nunat Avannarliit Ministeriisa Siunnersuisoqatigiivisa paasissutissiisarfiat 1998-imili ammartoq.

Info Nordenip siunertaasa pingaarnersaraat Nunat Avannarliit akornanni nuunniartunut ikiuunnissaq. Paasissutissiinikkut siunnersuinikkullu kinaluunniit Nunat Avannarliit ilaannut allamut nuukkusuttoq, suliartorusuttoq ilinniariartorusuttorluunniit pisariaqartitsisoq ikiorneqarsinnaavoq.

Info Norden Nunanit Avannarlerni arfineq marlunni allaffeqarpoq: Danmark, Finland, Savalimmiut, Norge, Sverige, Åland aamma Kalaallit Nunaat.

Info Nordenip nittartakkami qupperneri ukununnga tungasut uaniipput: Nordisk Ministerråd aamma Nordisk Råd:​www.norden.org/info-norden