Skip to main content
89

Dette jobopslag er udløbet

Uummannami Meeqqat Angerlarsimaffiat perorsaasunik sulisussarsiorpoq

Uummannami Meeqqat Angerlarsimaffiat perorsaasunik meeqqanik inuusuttunillu siusissukkut ajoqusersimasunik isumassuinermik katsorsaanermillu suliaqarnermut peqataarusuttunik sulisussarsiorpoq.

Illit pillutit:
Ilimagisaraarput perorsaanikkut, teoretiskimik ilinniagaq naapertuuttoq tunuliaqutarissagit. Ajornanngippat ulloq unnuarlu paaqqinniffinni sulinermik misilittagaqarlutit. Tarnikkut nukittuujussaatit aamma piffissani nikerartuni sulisarnissamut piareersimallutit, tamatumunnga ilanngullugit ulloq unnuarlu kaajallallugu, sapaatip-akunnerisa naanerini unnukkullu sulinerit. Suliniutinut asimiillunilu sulianut – sapaatip-akunnerinik arlalinnik sivisussuseqarsinnaasunut - peqataasarnissat piareersimaffigissavat, tamakku tassaammata Meeqqat Angerlarsimaffiani katsorsaanermut ilaasut.
Perorsaasutut meeqqanut inuusuttunullu avatangiisinik katsosaanermut attuumassuteqartunik pilersitseqataassaatit. Pingaarnersiuisinnaasaariaqarputit aammalu nammineerlutit sulisinnaasariaqarlutit ilutigisaanillu suleqatigiit akuleriit, assigiinngitsunik kulturikkut oqaatsitigullu tunuliaqutaqartut, tamarmillu teoretiskiusumik ilinniagaqartuunngitsut ilaaffigisinnaallugit. Suleqatigiinneq, sungiussiassuseqarneq inissaqartitsinerlu tassaapput oqaatsit Meeqqat Angerlarsimaffianni pingaaruteqartut.

Neqeroorutigaagut:
Suliffik pissangnartoq ineriartortuartorlu, suliatigut unammilligassaqarfiusoq aamma ulluinnarni perorsaanikkullu suliatigut nikerarfiulluartoq.

Uummannami Meeqqat Angerlarsimaffiat paaqqinniffiuvoq katsorsaaviusoq Namminersorlutik Oqartussat ataanniittoq, meeqqanut inuusuttunullu 0-miit 23-nut ukiulinnut 27-nut inissaqartoq. Paaqqinniffik marlunnik pingaarnernik immikkoortortaqarfeqarpoq. Suliniuteqarnermut immikkoortortaqarfik ataaseq aamma meeqqat angerlarsimaffiata qimakkiartuaarnerani najugaqarfiit arlallit. Meeqqat inuusuttullu inissinneqarneri sumiginnagaanermut attuumassuteqarput. Attaveqarnermut pædagogik aamma avatangiisit atorlugit katsorsaaneq sulinitsinni atorpagut, tamatumanilu kalaallit kulturiat, pinngortitaq najukkamilu nukissatigut sillimmatit ilaatittarlugit, ilaatigullu nipilersorneq, eqqumiitsuliorneq assassorlunilu sulineq katsorsaanermik suliaqarnitsinnut ilaapput.

Sapaatip-akunneranut tiimit suliffissat 40-uupput.

Atorfiit pillugit annertunerusumik paasissutissat piniarneqarsinnaapput uunga saaffiginnilluni:

Pisortaq - Ann Andreasen
Pisortap tullia - Kristine Klemensen

Tlf. 00299 - 951539 taamaallaat ulluinnarni ullukkut (Kalaallit Nunaata nalunaaqutaa naapertorlugu)
Mobil: 00299 - 555436 taamaallaat ulluinnarni ullukkut (Kalaallit Nunaata nalunaaqutaa naapertorlugu)
Mail:              bhjumq@nanoq.gl


Qinnuteqarnissamut killissarititaq: 10. November 2019

Atorfinittoqarnissaa kissaatigineqarpoq: 1. Januar 2020, imaluunniit isumaqatigiissuteqareernikkut.

Qinnuteqaammut ilanngunneqassapput ilinniagaqarsimanermut uppernsaatip assilinera il.il.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk