Skip to main content
116

Dette jobopslag er udløbet

Upernaviarsummi Nunalerinermut Ilinniarfik savaateqarnermut nunalerinermullu tunngasumik stationsleder/skoleleder-imik pissarsiorpoq

Atorfimmut qinnuteqartoq piukkunnartoq eqqortunillu piginnaasalik atorfinitsikkusunneqarpoq, ukioq ataaseq misilitseqqaarnertalimmik.
 
Makkuninnga suliaqartalissaatit:
Atuartitsineq:

  • Savaateqarnermik ilinniartitsinermut atugassanik ilinniartitsinissamut pilersaarusiorneq.
  • Savaateqarnermik ilinniarfimmi atuartunik ilinniartitsinissamut pilersaarusiorneq ilinniartitsinerlu, aamma taakkununnga ilanngullugit ilinniarfiup avataaniit ilinniartitsisut akuutinneqarnissaat.
  • Ilinniusiornissaq aamma ilinniutinik katersineq.
  • Atuartut misilitsinnissaannut (allattariarsornerit oqaluttariarsornerillu) pilersaarusiornermut ingerlanneqarnissaannullu akisussaasoq.
  • Savaatilinngorniarlutik Ilinniarfimmut qinnuteqartunut atuartussanik toqqartuisartoq.
  • Atuartut suliffimmik misiliiffissaannik Kalaallit Nunaanni nunaniluunniit avannarlerni pissarsiuunnissaat.
  • Atuartut suliffimmik misiliineranni suliffianni malittarinissaat, suliffimmik misiliinerat qanoq ingerlanersoq malinnaaffiginiarlugu.
  • Atuartut atuarfimmi nalinginnaasumik iluarisimaarinninnissaat isumagissallugu.

Ilinniarfimmi misileraavimmilu stationsbestyrer.

  • Misileraaviup ilinniarfiullu pingaarnermik aqunneqarneranut ingerlanneqarneranullu akisussaasuulluni, taakkununnga ilanngullugu driftsleder-imut økonomamullu ulluinnarni aqutsinerannut akisussaasuulluni.
  • Misileraavimmi misileraanerit pilersaarusiorneri suliarinerilu Misileraanermut ataatsimiititaliaq Siunnersuisoqatigiillu suleqatigilluinnarlugit.

 
Piginnaasat pisinnaasallu:

  • Nunalerinermik ilisimasalittut ilinniagaqarsimasoq/savaatilik misileraanermik ilinniartitaanermillu soqutigisaqartoq.
  • Sulinermi nammineersinnaassuseqassaatit, tunniusimallutit aamma suliannut akisussaallutit misigalutit.
  • Tamatigoortuussaatit aamma suliassat nunalerinermut tunngasut suliarinissai sillimaffigissallugit.
  • Ilakkuminartuussaatit ammasuullutillu – aamma inuusuttunik sullissineq nuannaralugu.
  • Kissaatigigaluarparput marluinnik oqaaseqartuusutit, kalaallisut qallunaatullu.

Atorfinineq: 1. juni 2019 isumaqatigiinnikulluuniit.

Paasissutissat annertunerusut pissarsiarineqarsinnaapput uunga saaffiginninnikkut: Inuili-p pisortaanut Poul Nørris Christensen e-mail: pnc@inuili.com imaluunniit Uddannelseschef Anna Marie Knudsen, e-mail: annak@inuili.com telefon 66 13 13.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk