Skip to main content
91

Dette jobopslag er udløbet

Upernaviarsummi nunalerinermik ilinniarfik Ingerlatsinermi pisortassarsiorpoq

Atorfimmut qinnuteqartumik tulluuttumik atorfimmullu eqquuttunik piginnaasalimmik qaammatit pingasut misilitsinnerup kingorna aalajangersimasasumik atorfinitussamik pissarsiortoqartoq.

Makkuninnga suliassanik suliassaqartassaatit:
Atuarfimmi suliassat:

  • Uumasuuteqarnermik, nunalerinermik kiisalu nunalerinermik ilinniarfimmi ilinniagassanut attuumassutilinnik savaatilittut ilinniarnermi ilinniartunik ilinniartitsisarnerit.
  • Nersutaasivimmi, nunaatini sullivimmilu suliaqartarnernik ilinniartunik ilinniartitsisarnerit.
  • Ilinniartitsisarnerit atortussanik suliarinnittarnerit aammalu ilinniartitsisarnermut atortussanik katersisarnerit.
  • Ilinniartitsisarnernik ingerlatsisarnerit ilinniartunillu soraarummeersitsisarnerit – allattariarsornermi oqaluttariarsornermilu.

Atuarfimmut aammalu savaatilittut misileraaffimmut ingerlatsinermi pisortaq.

  • Misileraavimmi uumasuutinik atuisarnermut narsaatinillu atuisarnermut ulluinnarni akisussaasoq
  • Illuutilinik, maskiinanik elværkimillu aserfallatsaaliuisarnerit.
    Aammattaaq suliffeqarfik pitsaanerpaamik ingerlanneqarnissaata anguniarnissaanut, apeqqutaatinnagu ilinniartitsineq imaluunniit assassorluni suliassagaluarpata, suliassat assigiinngitsut tamarmik iluarseriarnissaannut piareersimassaatit.


Pisinnaasat piginnaatitaaffiillu:

  • Nunalerisutut/savaatilittut ilinniarsimasuuvutit ilinniarnissamullu misileraallunilu suliat iluini piginnaasaqartillu soqutigisaqartuuvutit.
  • Suliassanut nammineersinnaassuseqarputit, illillu suliassarnut akisussaassuseqarlutillu pimoorussisartuuvutit.
  • Nunalerinermut tunngasut iluini suliassanik iluarsiinissamut piareersimasuullutillu sungiussiasuuvutit
  • Ammasuuvutit ilakkuminartuullutillu – inuusuttunik suliaqassallutit nunannerisuuvat.
  • Kalaallisut/danskisullu marloqinnik oqaaseqarputit.


Ingerlatsinermi pisortatut atuarfiup pisortaanut nalunaartartussaassaatit. Aaqqissussinermut tunngasutigut Nunalerinermut ilinniarfik Inuussutissalerinermik Ilinniarfik INUILI-p ataani inissisimavoq.

Atorfinitsitaaffissaq: 1. juni 2019 isumaqatigiissuteqarnikkulluunniit

Paasissutissat erseqqarinnerusut pissarsiarisinnaavatit saaffiginninnikkut uunga misileraaviup pisortaa Lars Nuka Lund oqarasuaat 64 93 13, lokal 0, e-mail: lalu@inuili.com.
Qinnuteqaatit ilinniarsimasat siusinnerusukkullu suliffigisimasanit oqaaseqaatit, soraarummeersimanermut uppernarsaatit oqaaseqaatillu allat pillugit paasissutissalerlugit nassiunneqassapput: inuili@inuili.com

Qinnuteqaatit kingusinnerpaamik ulloq 22.Maj.2019 tigoreersimassavarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk