Skip to main content
150

Dette jobopslag er udløbet

Upalungaarsimanermut suliassaqarfimmi AC-fuldmægtigi / Siunnersorti

Upalungaarsimanermut suliassaqarfimmi AC-fuldmægtigi/Siunnersorti
Ilisimatusarnermut Avatangiisinullu Naalakkersuisoqarfik upalungaarsimanermut suliassaqarfimmi AC-fuldmægtigimik/Siunnersortimik pissarsiorpoq.

Suliassaqarfimmi annertuumik pingaarutilimmi atorfik pissanganartoq namminersornartorlu neqeroorutigaarput. Upalungaarsimanermut suliassaqarfiup suliassat ajornatoornermi aqutsineq, annaasiniaasartutut upalungaarsimasut aamma nuna tamakkerlugu pilersaarusiamut isumannaassuseq suliarai.

Kalaallit Nunaanni isumannaassuseq aamma toqqissisimanermik pilersitsinissamut kommunini aamma naalagaaffeqatigiinnermi oqartussat akornanni ataatsimut suleqatigiittorujussuuvugut.  Isumassarsianik nutaanik eqqarsaateqarnissamut – aammalu pisut iluatsinnerinik takusaqarsinnaanissamut – inissaqartinneqarluassaatit. Tamatuma saniatigut suliatigut inuttullu ineriartornissamut periarfissat pitsaasut neqeroorutigaavut.

Suliffeqarfimmi pitsaasunik suleqateqarfiusumi pingaartorsiorfiunngitsunillu pissuseqarfiusumi ilaalissaatit.
Tamanna ilutigalugu aamma naalakkersuisoqarfiup siulersuisui politikkikkullu aaqqissuusaaneq qanimut politikkikkut aqunneqartumut immikkoortortaqarfimmiilissaatit.

Suliassatit
Suliassatit upalungaarsimanermut tunngasuussapput, tamanna avatangiisinut aamma upalungaarsimanermut immikkoortortaqarfiuvoq. Suliassaqarfimmi inatsisiliorneq, siunnersuineq aamma nakuutilliineq kommunip annaassiniarnernut upalungaarsimasuinik aamma upalungaarsimanermi paasissutissanik ingerlatitseqqittarneq suliarineqarput.

Aamma qatserisarfinnut, qaartiterutaasivinnut sanaartorfinnullu qaartiterutinik atuiffiusunut nalunaaqqaarlutit nalunaaqqaarnallu misissuiartortassaatit.Taakkua saniatigut Kalaallit Nunaata Upalungaarsimanermut Ataatsimiititaliap allatseqarfiani suliaqassaatit.

Kalaallit Nunaata Upalungaarsimanermut Ataatsimiititaliap Kalaallit Nunaanni ajornartoornermi aqutsinermi aaqissuusaanera qaffasinnerpaamiippoq, aamma Kalaallit Nunaanni upalungaarsimaneq pillugu apeqqutini Naalakkersuisunut siunnersuisarpoq. Taamaattumik aamma Upalungaarsimanermut Ataatsimiititaliaq annerusunik ajutoortoqartillugu ajunaarnersuaqartillugulu aggersarneqartarpoq.

Naalakkersuisut tamakkiisumik paasissutissatitut tunngavissaannik pissarsiniarnissaq, kiisalu oqartussaasut suleqataasut suliassaasa upalungaarsimanermut pilersaarut naapertorlugu ataqatigiissaarnissaat Upalungaarsimanermut Ataatsimiititaliap suliassaraa.

Upalungaarsimanermut suliassaqarfiup Qatserisartunngorniat Ilinniartitaanerannut Ataatsimiititaliamutataatsimik inissaqartitsipput , kommuninilu qatserisartut annaassiniarnernut upalungaarsimasut ilinniartitaanerisa ulorianartorsiorfiusinnaasunut naapertuunnissaat nakkutigisarlugu.  

Ulluinnaat assigiinngitsorpassuarnik, politikerit tungaanniit, innuttaasuniit, kommuniniit suliffeqarfinniillunniit saaffiginnissutit  suunerinik suliassaqarfiusut naatsorsuutigisinnaavatit. Ajornartoorneq nalaanneqarpat suliassat allat iperarneqassapput, taamaallaallu Kalaallit Nunaata Upalungaarsimanermut Ataatsimiititaliaq aqqutigalugu ajornartoornermi aqutsineq ukkatarineqassalluni.

Qulaani taaneqartut saniatigut ukunannga tulleriaanni suliassaqarfinni suliaqartassaatit:
 

  • Upalungaarsimanermut suliassaqarfiup iluani paasititsiniaaneq
  • Qaartiterutaasivinnik suliassaqarfiup iluani akuersissutinik tunniussisarneq
  • Nakkutilliineq misissuiartorlunilu orniguttarneq
  • Upalungaarsimanermi sungiusarnernut assigiinngitsunut pilersaarusioqataaneq ingerlatseqataanerlu
  • Upalungaarsimanermi pilersaarutit assigiinngitsut suliarineqarnissaannik qulakkeerisarneq
  • Politikkikkut aaqqisuussaanernut oqaaseqaatinik, nalunaarusianik inassuteqaatinik suliaqarneq
  • Ajornartoornermi attaveqaqatigiinnikkut ataqatigiisaarineq suliaqarnerlu

Piginnaaneqarfiit 
Kissaatigaarput:

Assersuutigalugu inuiaqatigiinnut ilisimatusarnermik, ajunaarnersuaqarnerani ulorianartorsiortoqarneranilu aqutsinermik, politiini imaluunniit annaassiniarnerni upalungaarsimasuni attuumassutilimmik ilinniagaqarsimassasutit

  • Pisortat ingerlatsivianni imaluunniit suliffeqarfimmi siunnersuisarfiusumi sulinermik ukiuni arlalinni misilittagaqassasutit
  • Upalungaarsimaneq ataatsimut igisalugu soqutigisaqarfigissagit ilisimasaqarfigissagillu
  • Ajornanngippat ajornartoornermi aqutsinermik immikkoortunullu akisussaaffeqarnermik ilisimasaqassasutit misilittagaqassasutillu
  • Ajornartoornernik pisoqartillugu eqqissisimasinnaassuutit suliassanillu paasisimaarinnissinnaassallutit
  • Suleqatigiinneq aqqutigalugu, suliat inernerinik isumannaatsunik illuatungeriinnillu akuersaarneqarsinnaasunik angusaqarnissamut piginnaaneqarluassasutit qanorluunniit naalakkersuisoqarfiit, kommunit imaluunniit naalagaaffeqatigiinnermi oqartussat akornanni suleqatigiittoqarpat.
  • Oqaatsit ersarissut atorlugit ajornartorsiutinik pisariusunik ingerlatitseqqissinnaanissamut piginnaaneqassasutit
  • Misissueqqissaarnissamut attaveqaqateqarnissamullu, suliassanik sulitillutit atorsinnaasannik piginnaaneqarluassasutit. Atorfinni iluatsitsilluassaguit, aammalu nalilinnik tunniussisinnaassaguit ilaatigut ajornartorsiutinik suussusersinissaq, aalajangiussinissaq nassuiaanissarlu piginnaaneqarfigilluassavatit
  • Kalaalit Nunaanni pissutsinik ilisimasaqassasutit aamma tuluttut, danskisut kalaallisullu oqaatsitigut piginnaaneqassasutit.


Suliassanit arlallit siunnersuinermut, allaalluunniimmi allannguinissamik piumasaqartarnermut tunngasuummata, oqaloqateqarninni allanninnilu oqartussaasutut inussiarnersuunissat pingaaruteqartorujussuuvoq.

Kissaatigaarput:

  • Suliassani assigiinngitsorpassuarni namminersorlutit sulisinnaassasutit
  • Suliniuteqarsinnaassasutit aammalu immikkoortortaqarfiup ineriartornerata ingerlaqqinnissaanut ikiuussinnaassasutit
  • Suliat isumagisatit pillugit politikkikkut eqqumaffigineqarnissat iluarisimaarsinnaassagit
  • Tunniusimasuussasutit, naammassisaqarsinnaassuseqassasutit isumagissaartuussasutillu.


Atorfininnissamut isumannaallisaanermi akuerineqarsimanissaq, taassumalu atorfeqarneq tamakkerlugu atuutiinnassasoq piumasarineqarpoq.

Suliffeqarfik naatsumik
Naalakkersuisoqarfik 40-t missaannik sulisoqarpoq, immikkoortortaqarfinni pingasuni (Sullissinermut, Aningaasaqarnermut Sulisoqarnermullu Immikkoortortaqarfik, Pinngortitamut Silallu Pissusaanut Immikkoortortaqarfik kiisalu Avatangiisinut Upalungaarsimanermullu Immikkoortortaqarfik). Tamatuma saniatigut Aatsitassanik Suliassaqarfinnut Avatangiisinut Aqutsisoqarfik aamma Pinngortitaleriffik Naalakkersuisoqarfiup ataaniippoq.

Avatangiisinut Upalungaarsimanermullu Immikkoortortaqarfimmi, Nunalerinermut, Imminut Pilersornermut, Nukissiutinut Avatangiisinullu Naalakkersuisumut sullissisuusumi suleqataassaatit. Immikkoortortaqarfimmi atorfiit tassaapput, immikkoortortaqarfimmi pisortaq ataaseq aamma AC-fuldmægtigit 12-t.

Taakkunanngalu marluk upalungaarsimanermik suliaqartuupput, taakkunngalu illit akornaniissaatit.
Suliffeqarfik Nuummi inissisimavoq. Illoqarfik periarfissarpassuaqarpoq, taakkununnga kulturip illorsua, filmertarfik, naluttarfik, timigissartarfiit, kaffisorniartarfiit, neriniartarfiit peqatigiiffiillu assigiinngitsut ilaallutik. Tamatuma saniatigut Nuup eqqaani pinngortitami sisorartarfeqarpoq golfertarfeqarlunilu, kiisalu qajartorneq, aalisarneq, imaatigut angalaneq, pisuttuarneq sunngiffimmilu sammisassarpassuit allat periarfissaapput .

Piffissaq atorfiniffissaq Januaarip aallaqqaataat 2023.

Qinnuteqarnissamut killissaliussaq
Qinnuteqaat kingusinnerpaamik 28. novembari 2022-mi Ilisimatusarnermut Avatangiisinullu Naalakkersuisoqarfimmit tiguneqarsimassaaq.Oqaloqatiginninnerit ingerlaavaartumik pissapput.

Qinnuteqaat:
Qinnuteqaat ”Upalungaarsimanermi AC-fuldmægtigit/Siunnersorti”-mik nalunaaqutserlugu link matuma kingulianiittoq aqqutigalugu nassiunneqassaaq.

Paasussutissat annertunerusut
Atorfik pillugu paasissutissanik annertunerusunik pissarserusukkuit immikkoortortami pisortaq, Karen Anne Arleth, oqarasuaat +299 34 54 65-mut attaveqarfigisinnaavat.

Namminersorlutik Oqartussat pillugit annertunerusumik atuagaqarsinnaavutit, uani: www.naalakkersuisut.gl.

Qinnuteqaat CV-mik, soraarummeernermut uppernarsaatinik il.il. ilaqartinneqartoq link matuma kingulianiittoq aqqutigalugu nassiunneqassaaq. Qinnuteqaatinik e-mail-ikkut tigusineq ajorpugut.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk