Skip to main content
106

Dette jobopslag er udløbet

Ullup affaanut professoritut inuttassarsiorneq

Ilisimatusarfiup, Inuiaqatigiilerinermik, Aningaasaqarnermik Tusagassiornermillu Ilisimatusarfiup matumuuna ullup affaanut inuussutissarsiornerup aningaasaqarneranut sammisumut professoritut atorfik, pilersaarusiornermut, aaqqissuussaanermut aqutsinermullu sammisoq inuttassarsiorpaa. 

Inuiaqatigiilerinermik, Aningaasaqarnermik Tusagassiornermillu Ilisimatusarfik inuussutissarsiornermi aningaasaqarnermik suliniarneq nukittorsarniarlugu suliniuteqarpoq, ilinniarfitsinnut Kalaallillu Nunaanni inuussutissarsiornerup aningaasaqarneranut iluaqutaasussamik.

Anguniagaavoq ilinniarfiit ineriartortittuarnissaat, taamaalilluni ilinniartut allaffissornerup suliffeqarnerullu iluanni piginnaanngorsarnissartik anguniassammassuk. Aammattaaq pingaar-tinneqarpoq ilisimatusarfimmik Kalaallit Nunaanni innuttaasunut suliffeqarfinnullu qanimut suleqataasumik pilersitsinissaq.

Tamatuma saniatigut Ilisimatusarfimmi perorsaaneq pillugu ataatsimut oqallittarfimmik ineriartortitsinissaq Universitetip Nunani Issittuni, pingaarnertullu Kalaallit Nunaanni, suliassaanik kivitseqataasussamik.

Ineriartortitassat qulaani taakkartukkat ikorfartorniarlugit Instituttip ukiunik marlunnik sivisussusilimmik professoritut atorfik inuussutissarsiornermi aningaasaqarnermut sammisoq, sivitsorneqarsinnaasoq, inuttassarsiorpaa. Naatsorsuutaavoq Proffesoritut atorfik 20%-25% missaanik annertussuseqassasoq.

Atorfik inuttalerniarneqarpoq 1. januar 2020, imaluunniit erseqqinnerusumik isumaqatigiissuteqarnikkut.

Piginnaasatit
Naatsorsuutigineqarpoq qinnuteqartut Ilisimatusarnerup qaffasinnerpaap tungaatigut misilittagaqassasut, taamaalillugu inuussutissarsiornermi aningaasaqarneq inuiaqatigiit qanimut suleqatigalugit ilisimatusarneq, taassumalu ineriartortinneqarnissaa, nukittorsarneqassalluni.

Naatsorsuutaavoq qinnuteqartup makkua tunniusseqataaffigisinnaassagai:

  • Immikkoortortami Issittumi Kalaallillu Nunaanni ilisimatusarnerup paasissutissanik assigiinngitsunik siaruarterinikkut nukittorsarnissaa.
  • Ilinniartitsineq avammullu siaruarterineq.
  • Aningaasanik ilisimatusarnermi atugassanik avataanit pissarsiorneq.
  • Ph.d.-mik ilinniartunut aqqutissiuussineq aammalu ilaatigut Ph.d-mik suleqatigiinni suleqataaneq.
  • Instituttimi ilisimatusartunik aqqutissiuussineq siunnersueqataanerlu.
  • Ajornartinnagu ilisimatusarnermi ilinniartunik peqataatitsinissamik qulakkeerinninneq.

Atorfiup inuttalernerani qinnuteqartut makkunannga takutitsisinnaasut pingaartipparput

  • Inuussutissarsiornermi aningaasaqarnerup iluani qaffasinnerpaamik ilisimatusarneq, pingaartumik aqutsinerup, aaqqissuussinerup periutsillu iluanni.
  • Inuussutissarsiornermi aningaasaqarnerup suleriaasiinik misilittagaqarneq, soorlu namminersortut suliffeqarfiillu pisortanit ingerlanneqartut aqqutigalugit.
  • Ilisimatusarnerni periutsit annertussusaannik pitsaassusaannillu misilittagaqarneq.
  • Universitetimi qaffasissutsini tamani atuartitsinerup aqqutissiuussinerullu iluanni Pædagogikkimik/didaktikkimik misilittagaqarneq.
  • Ajornanngippat kalaallit oqaasiinik taakkualu iluanni piginnaasassanik ilisimasaqarneq.

Proffessoritut atorfiup iluani suliassat atorfiillu saniatigut atorfik ilisimatusarnerup ilinniartitsine-rullu saniatigut pikkorissarnernik ilinniaqqinnernillu imaqarsinnaavoq. Aammattaaq atorfimmut ilaavoq ilinniarfitta allaffissornertaani suleqataaneq, aammalu pædagogikkimut/didaktikkimut sammisuni periutsinilu ineriartortitseqataaneq.

Qinnuteqaat
Qinnuteqaatitut allakkiap saniatigut makkua ilanngunneqassapput.

  • Ilanngussaq 1: Curriculum Vitae.
  • Ilanngussaq 2: Soraarummeersimanernut uppernarsaatit.
  • Ilanngussaq 3: Saqqummersissimasat allattorsimaffiat normulersorluagaq. Suliat 10-15 amerlassusillit pingaartitat *-mik nalunaaqutserneqassapput.
  • Ilanngussaq 4: Siusinnerusukkut ilisimatusaatit siunissamullu ilisimatusaatissatut pilersaarutit.
  • Ilanngussaq 5: Ilinniartitsinermik piginnaasanut uppernarsaatit (pikkorissarnernut pilersaarutit, atuartitsinermut pilersaarutit, atuartitsinermi atortut kiisalu portefølje pædagogikum-ilu).
  • Ilanngussaq 6: Ilisimatusaatit siammarternerinut uppernarsaatit.
  • Ilanngussaq 7: Saqqummiussat naliliinermi pingaarnerutitat 5-t (suliat pingaartitat *-mik nalunaaqutsikkat akornanniittussat)
  • Ilanngussaq 8: Proffessoritut naliligaanerup uppernarsaataa, taamaattoqalereersimappat.

Naliliineq atorfinitsitseriaaserlu.
Qinnuteqaatinut takkuttunut naliliisussanik suliamut ilisimasaqarluartunik suleqatigiissitalior-toqassaaq maleruagassat atuuttut naapertorlugit. Piffissap qinnuteqarfissap naareernerani qinnuteqartut naliliisussat katitigaanerinik ilisimatinneqassapput. Naliliisussat qinnuteqaatit takkuttut suliarissavaat tamatumalu kingorna immikkoortortap pisortaanut innersuussissallutik.

Atorfimmut tunngatillugu paasissutissat annertunerusut pineqarsinnaapput Instituttimi pisortamut Gestur Hovgaard-imut saaffiginninnikkut, oqarasuaat +299 38 56 72 imaluunniit, immikkoortortami pisortamut Anne Lise, oqarasuaat +299 38 56 42.

Ilisimatusarfik pillugu
Ilisimatusarfik – Kalaallit Nunaanni Universiteti – Issittumi universitetiuvoq immikkoortortami sukkasuumik ineriartortumi ilisimasanik nutaaliornermillu pilersuisoq.

Ilisimatusarfik sisamanik Institutteqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk