Skip to main content
128

Dette jobopslag er udløbet

Ulloq unnuarlu paaqqinnittarfik Inuusuttut Inaat Qaqortumiittoq Pisortamut Tullersortisssarsiorpoq

Ulloq unnuarlu paaqqinnittarfik Inuusuttut Inaat Qaqortumiittoq Pisortamut Tullersortisssarsiorpoq

Atorfik ajornanngippat piaartumik imaluunniit isumaqatigiinneq aallaavigalugu ullulerneqartumik inuttassarsiunneqarpoq.

Inuusuttut Inaat pingasunik namminerisamik ingerlanneqartunik immikkoortortaqarpoq, katillugit 19-nik najugaqarfigineqarsinnaasunik.
Inuusuttut inaat-ni atorfiit akuerisat makkuupput: Pisortaq, pisortap tullersortaa, allaffimmiu aamma isumaginninnermut siunnersorti. Eqqiaasoq ataaseq, pedel-i, kiisalu angallammi aquttoq immikkoortortanut pingasuusunut tamaginnut sullissisuusoq.

Meeqqanut immikkoortortaq  : Meeqqanik arfineq sisamanik, tallimaniit aqqanilinnut ukiulinnik najugaqarfigineqarpoq. Immikkoortortami atorfiit akuerisat makkuupput; Immikkoortortami aqutsisoq ataaseq, perorsaasut arfineq marluk aamma isumaginninnermi ikiorti ataaseq.
Naalungiarsunnut meeqqanullu immikkoortortaq meeqqanik tallimanik, pingasunik sisamanillu ukioqartunik najugaqarfigineqarpoq. Immikkoortortami atorfiit akuerisat makkuupput; Immikkoortortami aqutsisoq ataaseq, perorsaasut sisamat aamma isumaginninnermi ikiorti ataaseq.
Meeqqanut immikkoortortaq B-99. Imeeqqanik tallimanik najugaqarfigineqarpoq.immikkoortortami atorfiit akuerisat makkuupput; Immikkoortortami aqutsisoq ataaseq, perorsaasut sisamat aamma isumaginninnermi ikiorti ataaseq.

Ujartukkagut

  • Perorsaasutut ilinniagalik
  • Aqutsinermik misilittagaqartoq
  • Suleqatigiillaqqissusilik
  • Ulloq unnuarlu paaqqinnittarfimmi sulinermik misilittagalik
  • Tamakkiisumik isiginnissinnaassusilik aamma sunniuteqarluarsinnaassusilik
  • Akisussaassuseqartumik, akuerserpalaartumik attaveqaqatigiinneq tunngavigalugu perorsaariaatsimik ingerlatsinermik piginnaasalik
  • Atugarissaartitsisoqarnissaanik aamma isumassuinermik qulaakkerinninnissamik – suleqataasinnaassusilik
  • Pisortaq peqatigalugu allaffissornermi suliassanik ingerlatseqataasinnaassusilik
  • Pisortaasup najuussinnaanngiffiani taartaasartussaq


Neqeroorutigisinnaavagut

  • Atorfik unammilligassaqarfiulluartoq
  • Pikkorissarnermik aamma ilinniagaqaqqinnermik periarfissat
  • Neqeroorutigaarput suliffeqarfik ineriartortuartoq
  • Oqilisaanneqarluni oqaloqatigineqarneq
  • Ulloq unnuarlu paaqqinnittarfik ineriartortitseqataaffigisinnaasat


Paasisaqarnerorusukkuit attaveqarfigisinnaavat: Pisortaq Sara Tessing, oqarasuaat +299642117 lok. 1, e-mail sate@nanoq.gl

Qinnuteqarnissamut ulloq killigititaq:17. Oktober 2022
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk