Skip to main content
91

Dette jobopslag er udløbet

Ukiup affaani pilersaarusiornermut atorfimmi immikkut siunnersorti Peqqissutsimut Naalakkersuisoqarfimmut

Peqqissutsimut Naalakkersuisoqarfik naalakkersuisoqarfimmut suliakkiutigineqartunik immikkoortortaqarfimmi misilittagalimmik misissueqqissaartussamik suleqatissarsiorpoq.
Atorfik Periusissiornermut, Pilersaarusiornermut, Naligiisitaanermullu immikkoortortaqarfimmi inissisimavoq.  Immikkoortortaqarfimmit Peqqissutsimut Naalakkersuisoq sullinneqartarpoq aammalu oqartussaasutut aamma ineriartortitsinermut suliassanut kiisalu naalakkersuisoqarfiup peqqissutsimut tunngasut iluini suliassanut akisussaasuulluni. Immikkoortortaqarfimmi sulinermut Peqqissutsimut Naalakkersuisumik Naalakkersuisoqarfiullu pisortaanik sullissineq ilaavoq. Immikkut ilisimasalik naalakkersuisoqarfiup pisortaanut attaveqartassaaq.

Suliassat
Suliassat ilaatigut makkuussapput:

  • Tapersersuinissamut pilersaarusiornissamillu nunanit allaneersunik sulisussanik sulisussarsiortarnermi misissueqqissaarneq
  • Peqqinnissaq pillugu Isumalioqatigiissitaliami allattoqarfimmi suliassanik ikorfartuineq
  • Naalakkersuisoqarfinnik immikkoortortaqarfinnillu allanik suleqateqarneq
  • Naalakkersuisoqarfimmi ataqatigiissaarinermut ataatsimiinnermi peqataaneq


Piginnaasat
Ilisimatusarnermut attuumassutilimmik ilinniagaqarsimassasutit, siammasissumillu peqqissutsimut suliassaqarfimmi misilittagaqarsimassasutit naatsorsuutigaarput. Tamatuma saniatigut naatsorsuutigaarput suliffeqarfimmi politikkikkut aqunneqartumi sulinermik ilisimasaqassasutit misilittagaqassasutillu, tassunga ilanngullugit pisortat ingerlatsiviini suleriaatsinik paasisimasaqassasutit. Taakku saniatigut makku naatsorsuutigaavut:

  • Kalaallinik inuiaqatigiinnik ilisimasaqarneq
  • Ataqatigiissaarillaqqissasutit, suliniummik aqutsinissamut soqutiginnillutillu misilittagaqassasutit, susassaqarfiit nunallu akimorlugit suleqatigiinnermik soqutiginnissasutit misilittagaqarlutillu
  • Aaqqissuussaasumik sulisassasutit, peqqissaartuusutit pitsaassutsimillu pingaartitsillutit, piffissanillu killiliussanik eqqortitsillaqqissasutit
  • Ulluinnarni ulapaarfiusumi taarseraattunillu suliassaqarfiusumi sulilluarsinnaassasutit
  • Suliffeqarfimmi politikkikkullu eqqummaariffiusumi allanngueqataanissannut piumassuseqassasutit


Oqartussaaffimmi angisuumi, pissanganartumi unammillernartumilu atorfimmik pissanganartumik nammineersinnaaffiusumillu neqerooruteqarsinnaavugut. Ularpaarfiusumik pitsaasunik suleqateqarluni persuarsiunngitsumillu oqaloqatigiiffiusinnaasumik suliffeqarpugut. Suliffiuvugut soqutiginartunik ilinniakkatigullu unammillernartulik, tassani suleqatigiissinnaaneq ilinniakkatigullu inuussutissarsiorpalaartumik sulineq annertuumik pingaartinneqarluni.

Akissarsiat atorfinitsitaanermilu atugassarititaasut
Qinnuteqartoq eqqortoq immikkut siunnersortitut atorfinitsinneqassaaq, atorfinitsitaanerlu qaammatini arfinilinni killiligaalluni.
Aningaasarsiaqarnikkut atorfeqarnikkullu atugassarititat, taakkununnga ilanngullugit suliartorluni soraarlunilu angalanissamut aamma pequtit nuunneqarnerinut piginnaatitaaneq, piffissami atorfininnermi isumaqatigiissutit atuuttut / Namminersorlutik Oqartussat aamma attuumassuteqartumik kattuffiit isumaqatiginninniarsinnaatitaasut akornanni isumaqatigiissutit naapertorlugit pisassaaq.
 
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Atorfiullu atorfigiunnaarnerani kingusinnerpaamillu pilersaarut naammassineqarpat qimanneqassalluni.

Sukumiinerusumik paasisaqarusuppit?
Atorfik pillugu paasissutissat sukumiinerusut Naalakkersuisoqarfimmi Pisortamut Tina Pars-imut saaffiginnilluni pissarsiarineqarsinnaapput, oqarasuaammut. (+299) 34 66 25, E-mail: tine@nanoq.gl.

Ulloq qinnuteqarfissaq kingulleq
Inuunermit taasassat (CV), ilinniarsimanermut uppernarsaatit assilinerat kiisalu attavigineqarsinnaasut qinnuteqaammut ilanngullugit innersuussissut ataaniittoq link aqqutigalugu kingusinnerpaamik 26. februar 2020 kl. 12:00 nassiunneqassapput.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk