Skip to main content
79

Ukiuni marlunni aappaa avillugu tulliuttuni pisortat isumaqatigiissutinut periusiannik tamarmiusumik iluarsaaqqinnissami peqataarusuppit?

Misissueqqissaarnermi piginnaasanik atorluarneqarsinnaasunik, aningaasaqarnikkut ilisimasanik kisitsisilerinermillu piginnaasaqarluarnermik tapeeqataasinnaavit? Avatangiisini suliat akimorlugit nammineerlutit sulisinnaassuseqarlutit suliamik ilisimasaqarluartuuit? Taamaassimappat Isumaqatigiissutinut isumalioqatigiissitap allattoqarfiata akademikeritut suleqatissatut illit ujartorpaatit.

Atorfik pillugu
2020-mi upernaakkut isumaqatigiissutinut isumalioqatigiissitaq pilersinneqassaaq. Siunertarineqartoq tassaavoq Kalaallit Nunaanni isumaqatigiissuteqariaatsip atuuttup nutarterneqarnissaa pisariillisarneqarnissaalu. Isumaqatigiissitaq allattoqarfeqarpoq isumalioqatigiissitap suliaanik ikiuuttartumik. Tassani sulianik ilisimasaqarfiusumik avatangiiseqarluni ulluinnarnilu tamatigoortunik suliaqarfiusumi atorfik pissanganartoq unammillernartorlu neqeroorutigineqarpoq, tamatumani suliap pitsaassusissaa assut pingaartinneqarluni. Suliatigut inuttullu misilittaanissamut periarfissaqarluartinneqassaatit aammalu isumalioqatigiissitami taassumalu avataani attaveqatigiinni tamatigoortuni peqataassallutit. Allattoqarfimmi suleqatitut pingaarnertut suliassatit tassaassapput aningaasaqarnikkut namminersortumik misissueqqissaarneq, soorlu assersuutigalugu kingunerisassanik assigiinngitsunik naatsorsuinerit, akissarsiat ineriartornerinik misissueqqissaarnerit, isumaqatigiissutit nunalu tamakkerlugu aningaasaqarnerup akornanni ataqatigiinnerit il.il. Taamaattumillu Isumaqatigiissutinut isumalioqatigiissitap aningaasaqarnikkut misissueqqissaarnermi pisariaqartitaanik suussusersisinnaassaatit, taakkulu isumalioqatigiissitami ilaasortanut ingerlatitseqqittarlugit.

Suliassatit
Suliassat isumalioqatigiissitap pisariaqartitai apeqqutaatillugit allanngorartuussapput nalinginnaasumillu makkununnga attuumassuteqassallutik:

  • Isumalioqatigiissitap aningaasaqarnikkut misissueqqissaarnernik pisariaqartitaanik suussusersisarneq
  • Paasissutissanik katersineq sulissutiginninnerlu
  • Kisitsinik oqaasinngortitsineq – akerlianullu
  • Isumaqatigiissutinut suliassaqarfimmi aningaasaqarnikkut misissueqqissaarinernik kingunerisassanillu naatsorsuinernik suliaqarneq
  • Allattoqarfimmi immikkullu ilisimasalinnik allattoqarfimmut atatinneqartunik suliatigut avitseqatigiinneq
  • Isumaqatigiissutinut isumalioqatigiissitap suliaanik ataqatigiissaarinermut atatillugu ikiuunneq
  • Isumaqatigiissutinut isumalioqatigiissitap sullinneqarneranut ikiuunneq


Neriuppugut matuma kinguliani allassimasut amerlanerpaartaat piginnaasaqarfigissagitit:

  • Nammineersinnaassuseqarneq nutaaliorsinnaanerlu
  • Aningaasaqarneq pingaarnertut sammisaralugu inuiaqatigiilerinermik ilisimatusarnermik naleqquttumik naammassineqarsimasumillu ilinniagaqarneq
  • Isumaqatigiissutinut suliassaqarfimmik ilisimasaqarneq kissaatiginarlunilu tamatumani sulinermik misilittagaqarneq
  • Kalaallit Nunaanni inuiaqatigiinnik oqaatsinillu kiisalu Kalaallit Nunaanni inuiaqatigiinni pissutsinik ilisimasaqarnissaq assut kissaatiginarpoq
  • Allatanik oqalunnikkullu ingerlatitseqqissinnaassuseqarluarneq
  • Misissueqqissaarinermik ilisimasaqarluarneq kissaatiginarlunilu qarasaasiatigut misissueqqissaarinermi atortunik attuumassuteqartunik misilittagaqarnissaq
  • Paasisaqarususseqarneq, aaqqissuussisinnaaneq ilusilersuisinnaanerlu


Neqeroorutigaagut:

  • Atorfik pissanganartoq akisussaaffeqarfiulluartorlu
  • Isumaqatigiissutinut suliassaqarfimmi suliani allannguutaasussani peqataaneq
  • Isumalioqatigiissitap sulinerani akimut suliatigullu pingaarutilimmik inissisimaneq
  • Suliat allanngorartut
  • Pingaarnertut anguniakkap iluani annertuumik sunniuteqarsinnaaneq
  • Persuarsiortuunnginneq


Uagut pilluta
Allattoqarfik nutaaviusoq aaqqissuussaanikkullu Aningaasaqarnermut Naalakkersuisoqarfimmi inissisimalluni, tassani allattoqarfik inissisimalluni. Taamaattumillu suliffeqarfik tassaassaaq Nuuk. Allattoqarfiup suliat pillugit attaveqarfigisarpai suleqatigiissitap siulittaasua siulittaasuatalu tullia. Ulluinnarni allattoqarfimmi pisortamut attaveqassaatit. Isumalioqatigiissitamik sullissineq suliaanillu ataqatigiissaarineq pingaarnertut suliaraagut. Isumalioqatigiissitap suliassaqarfia nutaajuvoq, taamaattumillu allattoqarfimmi nutaanik aallartitsinissamut piginnaassuseqarlunilu piumassuseqarnissaq pisariaqarluni.

Paasissutissat annertunerusut
Atorfik pillugu paasissutissat erseqqinnerusut allattoqarfimmi pisortamut Rikke Frederiksen, tlf. +299 34 51 19 imaluunniit e-mail rifr@nanoq.gl saaffiginninnikkut pissarsiarineqarsinnaapput.
Namminersorlutik Oqartussat pillugit paasissutissat erseqqinnerusut uani takuneqarsinnaapput www.naalakkersuisut.gl.

Qinnuteqaat
Qinnuteqarnissamut killissaritinneqarpoq ulloq 12. juni 2020 nal. 12:00.
Ulloq 1. juli 2020-mi tamatumaluunniit kingorna sapinngisamik piaartumik sulilernissaq siunertaralugu atorfinitsitsinissaq pillugu oqaloqatigiinnerit sapaatip akunnerani 24 aamma 25-mi ingerlanneqassapput.
Inuunermit taasassat soraarummeernermillu uppernarsaatit, tassunga ilanngullugit ilinniarnermit tamarmiusumit angusat allattorsimaffiisa nuutinnerat kiisalu attaveqarfissat attuumassuteqartut qinnuteqaammut ilannguteqquneqarput.

Akissarsiat atorfeqartitaanermilu pissutsit
Piffissaq suliffiusoq sapaatip akunneranut 40 tiimiuvoq. Piffissaq atorfeqarfissaq killiligaq 2021-mi oktobarip naanerani naggaserneqartussatut naatsorsuutigineqartoq pineqarpoq.
Akissarsiat atorfeqartitaanermilu atugassarititaasut Namminersorlutik Oqartussat pineqartullu kattuffiata isumaqatiginninniarsinnaatitaasup akornanni isumaqatigiissut piffissami atorfininnermi atuuttoq naapertorlugu pissapput.

Qinnuteqartunut naammaginartumik naapertuuttumillu misilittagalinnut atatillugu immikkut siunnersortitut siunnersortilluunniit pisortaattut atorfinitsinneqarnissamut periarfissaqassaaq.

Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip aamma aningaasaqarnermut ministereqarfiup akornanni isumaqatigiissut, malillugit Namminersorlutik Oqartussat ataanni atorfininnermut atatillugu aningaasarsiaqaratik sulinngiffeqarnissamut pisinnaatitaaffeqarput. Taamatuttaaq nunami namminermi ministereqarfiup kommuninut nunamilu immikkoortunut innersuussutigaa, Namminersorlutik Oqartussat ataanni atorfinitsinneqarnermi aningaasarsiaqarani sulinngiffeqarnissamik qinnuteqaatinut akuersaartumik takutitsisoqartassasoq. Sulinngiffeqarnissaq pillugu aalajangersakkani aamma inunnut Namminersorlutik Oqartussat ataanni atorfinitsinneqartunut katissimallugu aappaasut/inooqataasut pineqartunut ilaatinneqarput.
Isumalioqatigiissitat suiaassuseq, inuiaassutsikkut tunuliaqutit, upperisaq innarluuteqarnerluunniit apeqqutaatinnagit naligiissitsinermik siuarsaaqataarusuppoq. Assigisaanillu inuunermit misilittakkat inuttullu inerisimassuseq iluaqutissatut isiginiarneqassapput.

Inissiaq
Atorfimmut atatillugu sulisorisanut inissiamik pisatsersoriikkamik malittarisassat sukkulluunniit atuuttut malillugit innersuussisoqarsinnaavoq. Inunnut sulisorisanut inissiaqareersunut imaluunniit kommunimit Namminersorlutilluunniit Oqartussanit pigineqartumi allatut inissiaqareersunut inissiamik innersuussisoqarsinnaanngilaq. Ineqarnermut akiliut qularnaveeqqutillugu inissiamut innersuunneqartumut malittarisassat sukkulluunniit atuuttut malillugit pissapput. Sulisorisanut inissiaq atorfeqartitaanermut atatinneqarpoq aammalu atorfeqartitaanerup naanerani qimanneqassalluni.

Ineqarnermut akiliut aamma inissiap pitsaassusaa inissiap pisoqaassusaa, piginnittoqarnera il.il. apeqqutaallutik nikerarsinnaapput. Ataavartussamik sulisorisanut inissiamik innersuunneqarnissamut utaqqisoqarsinnaavoq, taamaattumik utaqqiisaasumik, tassungalu ilanngullugu ineqarfinni mikinerusuni imaluunniit hotellejlighedini inissiigallartoqarsinnaalluni, taakkununngalu akileraarusiisoqassaaq. Sulisorisanut utaqqiisaasumilluunniit inissiami illup iluani assersuutigalugu qimmimik qitsummilluunniit uumasuuteqarnissamut periarfissaqanngilaq.

Qinnuteqaat, inuunermit taasassat, ilinniagaqarnermut pikkorissarnermullu uppernarsaatit kiisalu uppernarsaatit allat attuumassuteqartut ”Qinnuteqaat nassiuguk” toorlugu nassiukkit.
E-mail aqqutigalugu qinnuteqaatinik tigusineq ajorpugut.

Naalakkersuisut pillugit
Unammilligassanik ujartuivit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit, taamaassimappat Namminersorlutik Oqartussani atorfik ilinnut tulluartuuvoq.
Annertuumik akisussaassuseqarnissaq naatsorsuutigaarput suliatigullu piginnaaneqarnissat, pissutsinik misissuilluarsinnaaneq kiisalu sulisut akornanni allanngornissamut piareersimanissaq pingaartillutigit. Tamatuma saniatigut ulluinnarni aaqqissuussisinnaassuseqarnerit uippakajaalertannginnissallu pingaaruteqarput.

Namminersorlutik Oqartussat tassaapput Qitiusumik Allaffeqarfik 650-it sinnerlugit sulisulik naalakkersuisoqarfinnut arlalinnut kiisalu qitiunngitsumik aqutsisoqarfinnut arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allaffeqarfiup suliassaraa Naalakkersuisut aalajangiinissamut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk