Skip to main content
122

Dette jobopslag er udløbet

Uddannelsesinspektør for fiskeriuddannelse til Inuili - Food College Greenland

Takanna
Aajuna aalisarnermut ilinniartitaanermi inspektøritut atorfissat nutaaq Inuili - Food College Greenland-mi inissisimasoq. 

Suliffimmut tunniusimaneq
Suliannut tunniusimasuuvit aammalu ilinniartitaanermut akunnermiliuttutullu soqutigisaqarpit?
Ilinniartuutitta ilinniartitaanerinut aamma inuuneq naallugu ilinniarnissamut ikorfartuerusuppit?
Tamakkua angersinnaagukkit taava una suliffissamik neqeroorut atuarluaannaruk, illiusimassammat, suleqatigerusutarput. 

Suliassatut pingaarnerpaasoq  
Inuilimi suliassatut pingaarnerpaasoq tassaavoq ilinniartitaaneq. Taamaattoq aamma ilinniartitaanerinnaanngilaq … Ilinninngaanniit kissaatigisarput tassaammat ilinniarnerup ingerlarnerani aaqqisugassat aamma atuartitsineq, tamannami ilinniartuutitsinnut suliamik ilinniarsimanermik inuttullu ilinniarnissamik aqqutissamik takutitsiviussammat.
Soorunami suliassamik kivitsisussatut kisimiinngilatit. Inuilimi kivitseqatigiinneq ileqqorivarput aamma isumassarsinarluartumik suleqatigiinnissarsi qilanaarisinnaavat ilinniartitaanermi matumani ilinniartitsisoqatigiit nukittulluinnartut tunulequtaalluarput. Ilanngullugu aamma Inuilimi ingerlatsinermut allaffissornermullu immikkoortortaqarfimmi suleqataasut pikkorilluinnartut aamma qanimut attavigissavatit.

Sulinerup imarisai – Makkua naatsorsuutigaarput piginnaasaqarfigigitit:

  • Ilinniartitaanermut pilersaarutit malitaralugit pilersaarusiorlugillu atuartitsivigissallugit ilinniarnermik pitsaassuseqarluartut atuartitsinerlu ilinniarnerup pilersaarutai naapertorlugit
  • Ilikkariaatsinik pilersitsineq ilisimasanillu naleqquttunik inimi atuartitsiviusumi tamarmi suliffimmilu misiliinnermut tunngatissavat.
  • Sulisut aalajaatsuunissaat sulissutigissallugu
  • Nuannaarnissaq, nutaaliorsinnaaneq isumassarsiorfiusinnaallunilu
  • Nuannaarsinnaaneq,
  • Nutaanik pilersitsisinnaasoq
  • Akisussaalluni namminersorluni sulisinnaasoq
  • Namminersorluni sulisinnaasoq akisussaaffilimmik.
  • Periarfissat isigisinnaallugit – killiliineq atornagu
  • Inuili - Food College Greenland inerisartuarlugu

Aajuna aalisarnermut ilinniartitaanermi inspektøritut:
Inuili tassaavoq Nunatta Inuussutissarsiutitigut Ilinniarfia Inuussutissalerinermik Ilinniarfiulluni. Siunertarivarput inussutissalerinermut ilinniartitsiniarluta nunatta iluaqutissaattut nuannaarutissattullu,
Narsami nuannersumi inissisimavugut Nunatta Kujataani pinnersumi tupinnartumilu.
Pinngortitaq alutornarluinnartoq asavarput najukkamilu ataatsimuullaqqissuseq pingaartitaralugu.
Tamakkua saniatigut aamma suliamik tunngaveqartumik nukittuumik suleqatigiiffeqarpugut suleqatillu piginnaasaqarluartut Nunatsinni nunanilu allani pigalutigik.
Tatiginninneq, ataqqinninneq, Inuilimi iluatsitsinitsinni matuersaatigaarput. Ilinniarfik tikinniarpat, naligiilluta suliffigisarput, qungujulaneq nuannaarnerlu atorlugit naapittarpugut, suleqatigiinnerlu tassaalluni tunngavipput. 

Ilinnoorpa?
Ilinnoorsimappat – suliannut tunniusimaguit, atuartitsinissarnut ilinniartitaanermilu ingerlatsinermut aqutsisinnaaguit, taava qilanaarpugut CV qinuuteqaatillu ilinniartitaanermi inspektøritut aalisarnermi ilinniartitaanermi maani Inuili - Food College Greenland.

Imatut qinnuteqassaatit
Kissaatigaarput sisamanngornermi julip aallaqqaataani 2021 atorfinissasutit imaluunniit isumaqatigiissuteqarnikkut.
Upernaap ingerlanerani ingerlaavartumik atorfik pillugu oqaloqatigiittoqassaaq. Nangaanak CV aamma qinnuteqaatit nassiutiinnaruk.
Qinnuteqaatit nassiutiguk, CV, ilinniarsimanermut pikkorissarsimanermullu uppernarsaatit, allatigullu uppernarsaatit naleqquttut,  siusinnerusukkullu atorfeqarsimanerni uppernarsaatit ilanngullugit nassiutissavatit ”qinnuteqaat nassiuguk” toorlugu.
Atorfimmut apeqqutissaqaruit, taava tikilluaqquatsigit Ilinniarfiup pisortaa Poul N. Christensen poch@inuili.gl  imaluunniit Ilinniartitaanermut pisortamut Jacob Zederkof-mut allassinnaavutit uunga jaze@inuili.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qujanaq 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk