Skip to main content
105

Dette jobopslag er udløbet

Tusagassiivik tusagassiisartussarsiorpoq

Namminersorlutik Oqartussat paasissutissiisarneranni attaveqarnermilu periaasiinik ineriartortitseqataarusuppit? Taamaassimappat suleqatitaarerusuppatsigit.

Maajip aallaqqaataat 2019 imaluunniit isumaqatigiissuteqarneq naapertorlugu sulilersinnaasumik suleqatissarsiorpugut.

Tusagassiivik Namminersorlutik Oqartussat paasissutissiisarfigaat, Naalakkersuisut siulittaasuata Naalakkersuisoqarfiani inissisimasoq. Tusagassiiviup Naalakkersuisut naalakkersuisoqarfiillu sullitarai Namminersorlutik Oqartussaniit paasissutissisarneq suliassaralugu.

Paasissutissiisartup suliarisartagassai
Tusagassiivimmi sulisutut suliarisartagassatit tassaajumaarput tugassiorfinnut nalunaarutinik ingerlatitseqqittarneq, intranetip nittartakkallu imarisaasa nutartertarnissaat kiisalu Naalakkersuisoqarfinni nittartagalerinermik isumaginnittut nakkutiginissaat.
Tusagassiiviup sullisseriaasiinik pitsanngorsaaneq paasissutissiisarnermilu periaatsinik pitsanngorsaalluni allanngortitereqataanissaq suliassavit pingaarutillit ilagissavaat.

PIginnaasat
Naatsorsuutigaarput makku piginnaasaqarfigissagitit:

  • Nunatsinni inuiaqatigiit politikikkullu anguniakkat ilisimasaqarfigigitit
  • Kalaallisut, danskisut tuluttullu allassinnaallutillu oqalassunnaasutit
  • Allattariassorluni attaveqarneq pikkoriffigigit
  • Nittartagalerissutit cms-it atorlugit suleriaatsit paasisimasaqarfigigitit, teknikkinullu tunngasunik sungiussiasuusutit
  • Aaqqisuussinerit assigiinngitsut piareersarlugit suliaqarneq misilittagaqarfigigit

Tamakku saniatigut:

  • Politikikkut suliaqarfiusumi sulinissat piumassuseqarfigissavat
  • Suleriaasissavit pilersaarusiornissaa aaqqissuunnissaalu piginnaasaqarfigeriissavat
  • Ilakkuminartuullutit suleqatigiuminartuussaatit suliassanillu nammineerlutit aallartitsisinnaassallutit.



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk