Skip to main content
122

Dette jobopslag er udløbet

Tusaanngamut oqarasuaatikkut siunnersortissarsiorneq

Tusarnaallaqqippit nuna tamakkerlugu innuttaasunut inissisimanerluttunut allanngueqataarusuppit?
Tusaannga oqarasuaatikkut sms-ikkullu oqarasuaatikkut tunniusimasumik siunnersortissarsiorpoq. Siunnersortitut suliassatit pingaarnerit innuttaasut siunnersorneqarnissaminnut aqqutissiorneqarnissaminnullu ilassilluarneqarnissaat.

Tusaannga tassaavoq Nunatta ataatsimut siunnersuinermi neqerooruteqarfia, Nunarput tamakkerlugu meeqqanut, inuusuttunut inersimasunullu oqarasuaatikkut 801180-ikkut aamma 1899-ikkut sms-erluni siunnersuisarfik.
Tusaannga tassaavoq innuttaasunut ajornartorsiutit pillugit qanigisaminnit imaluunniit najukkami inuiaqatigiit akornanni sungiusimasaminni ikiorneqarsinnaanngitsutut misigisaat. Ajornartorsiutit isumagisassat assigiinngitsorparujussuusinnaapput. Taamaattumik siunnersuisartut misiginneqataasinnaanerat allanngornissamullu piareersimanerat pingaaruteqarpoq. Siusinnerusukkut siunnersuinermik suliaqarsimagaanni iluassaaq, kisianni pisariaqavinngilaq, sanileriilluni ilinniartitsineq atortaratsigu, aammalu ingerlaavartumik piginnaasat siuarsarniarlugit pikkorissarnernik neqerooruteqartassaaq.

Tusaannga Isumaginninnermut Aqutsisoqarfiup ataaniippoq Ataqatigiissaarinermilu aallaaveqarluni.

Oqarasuaatikkut siunnersortitut ilaatigut uku suliarissavatit:

  • Suleqatitit peqatigalugit oqarasuaatitigut sms-ikkullu atortorissaarutigut suliarissavatit.
  • Meeqqat/inuusuttut aamma inersimasut ajornartorsiutillit, taakku tassaasinnaapput qinngasaarinerit, persuttaaneq, perorsaaneq, imminornissaminnut ulorianartorsiortut, atornerluilluni innarliinerit il.il. tusarnaarluni ikorfartuinermik imaqarput.
  • Innuttaasunik ajornartorsiutiminnik iliuuseqarsinnaanerat pillugu siunnersuineq aamma kajumissaarineq.


Illit ujarpatsigit, ima iliorsinnaasoq:

  • Inuuniarnikkut ajornartorsiutinik, angisuunik mikisunillu, sulinissamut kajumissusilerujussuaq.
  • Innuttaasunut innarleruminartunut assigiinngisitsinissamik kajumissuseqartoq.
  • Nalilersuillaqqissoq aamma pisuni najummatisimanartuni iliuuseqarsinnaasoq.
  • Aalajaatsoq aammalu imminut siunissami taamatut inissisimanissannik takusinnaassaatit.
  • Ilusilersukkamik sulisartoq, akisussaaffilik, inerisimasoq aamma qajannaatsoq.
  • Teknikkikkut pitsaasunik piginnaasaqarneq.
  • Peqqissutsimut, inuttut imaluunniit inunnik isumaginneq pillugu ilinniarsimasoq. Ilinniagaqarnermik piumasaqaatit misilittakkat taarsersinnaavai.
  • Marluinnik danskisut/kalaallisut oqaaseqarneq. Tassunga atatillugu tunumiusut oqalussinnaaguit iluaqutaassaaq.
  • Pillagaasimanngitsutut allagartaqarneq/meeqqanut pinerluuteqarsimannginnermut/ uppernarsaat.
  • Nuummi najugaqarneq.

Suliffimmik ima ittumik neqeroorfigisinnaavatsigit:

  • Imaqarluartoq pissarsinartorlu, innuttaasunut innarlerneqariaannarnut allanngueqataaffigisat.
  • Angisuumik akisussaaffeqassaatit.
  • Piffiit suliffiusut allanngorartut.
  • Suleqatit pitsaasut pitsaasumik imminnut ataqatigiissut.
  • Piffissamut suliffiusumut tunngatillugu sulineq eqaatsoq.

Suliffik tamakkiisuuvoq (sapaatip akunneranut tiimit 40-t) piffissamilu 08:30-miit 04:00-imut ulluinnarni akunnerullu naanerani piffissaq suliffiusoq allanngorarsinnaavoq. Atorfik 1/8-2021 imaluunniit isumaqatigiissuteqarnikkut inuttalerneqarusuppoq.

Akissarsiat aamma atorfinitsitaanermi atugassarititaasut
Akissarsiat aamma atorfinitsitaanermi atugassarititaasut, taakkununnga ilanngullugit atorfininnermi soraarnermilu aamma pisattat assartornerat Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissutit sukkulluunniit atuuttut naapertorlugit.

Ini
Atorfimmut inissiamik innersuussisoqarsinnaanngilaq. Qinnuteqartoq suliffimmut atatillugu Namminersorlutik Oqartussanik atorfeqarnermigut ineqareerpat, atorfimmut atatillugu ineqarsinnaatitaaneq attatiinnarneqassaaq. Atorfimmut atatillugu ineqarneq atorfinitsitaanermut attuumassuteqarpoq soraarnermilu qimanneqassalluni.

Tusannga pillugu paasissutissat aamma atorfik pillugu paasissutissut Suliamik aqutsisumut Mette-Lange Nielsenimut oqarasuaatikkut +299 346023-imut imaluunniit mailikkut mlan@nanoq.gl imaluunniit siunnersortimut Ellen Johanssonimut oqarasuaatikkut +299346010-imut imaluunniit mailikkut eljo@nanoq.gl-ikkut saaffiginninnikkut pissarsiarineqarsinnaapput.

Qinnuteqaat, CV, ilinniarsimanermut aamma pikkorissarsimanermut allagartat kiisalu uppernarsaatit attuumassuteqartut ”Qinnuteqaat nassiuguk” toorlugu nassiutikkit.
Qinnuteqaatinik mailikkut tigusaqarneq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk