Skip to main content
88

Dette jobopslag er udløbet

Tunngaviusumik inatsisit pillugit isumalioqatigiissitap Allattoqarfia allaffimmiumik pissarsiorpoq

Kalaallit Nunaata tunngaviusumik inatsisissaa siullerpaaq pillugu allattoqarfimmi sulisut allat peqatigalugit suleqataarusussinnaavit? Tunngaviusumik inatsisit pillugit Isumalioqatigiissitap Allattoqarfia pilersinneqaqqammersoq allaffimmiutut ilinniarsimasumik/allatsimik pissarsiorpoq suliffimmut ineriartorfiusumut unammillernartumut pissanganartumullu.
 
Atorfinitsitsineq 1. august 2020-imi imaluunniit isumaqatigiissuteqarneq naapertorlugu tamatuma kinguninngua pissaaq.

Suliassatit
Tunngaviusumik inatsisit pillugit Isumalioqatigiissitap Isumalioqatigiissitallu Allattoqarfissaanik pilersitsisoqarneratigut Kalaallit Nunaata oqaluttuarisaanerani kapitali nutaaq aallartippoq. Allattoqarfimmi suliat pingaarutillit pissanganartullu suliarineqartussaapput, taamaattumillu allattoqarfiup pisariaqartippaa allaffimmiutut ilinniarsimasoq/allatsi suliffimmi  siammasissumi ulapiffiusumilu suliassanik assigiinngitsorpassuarnik akisussaassuseqarluni namminersorsinnaasoq aammalu namminersorluni aallarniisinnaassusilik. Tunngaviusumik inatsisit pillugit Isumalioqatigiissitap Allattoqarfiani allaffimmiutut ilinniarsimasup/allattaata suliassat akunnaatsut suliarisassavai, soorlu suliassat timmisartumut, akunnittarfinnut inniminniinermut tunngasut, ullormusianik naatsorsuinerit, aningaasat isertut anisullu allagartaasa suliarineri, naatsorsuutinik suliaqarnerit, aammalu pappiaqqanik anisitsiortornerit kopeerinerillu.
Suliassaniipput aningaasanik allattuinerullutillu naatsorsuutinik allattuisarnerit (bogføring), IRIS-imi uppernarsaatinut nakkutiginninneq, akiligassaqarfinnut naligiissaarinermik suliaqarneq, akiligassanut akiliinerit, aammalu allaffissornikkut nukingisaarutit allaffeqarfimmilu nalinginnarmik suliassaasinnaasut ilanngullugit.

Naatsorsuutigaarput

  • Allaffissornikkut akiligassalerisarnermillu ilinniagaqarsimanissat
  • Sulianik assingusunik misilittagaqarsimanissat
  • Qarasaasialerinermut tunngasunik atuisinnaallutillu ilisimasaqarnissat, iluaqutaassaarlu aningaasaqarnermut naatsorsuuserinermi atorneqartartumut
  • XAL-imut ilisimasaqaruit
  • Suliffimmut aalaakkaasuunissat, sulianut peqqissaarussisuunissat qiimmisaartuunissallu
  • Kalaallisut qallunaatullu oqalussinnaanissat iluaqutaassaaq


Neqeroorutigaavut

  • Suliffimmi pissanganartumi suliffikkuminartumilu sulisut allat sisamat arfinillillu akornanniittut suleqatigalugit sulinissat
  • Sulianut inuttullu ineriartorfiusinnaasunut periarfissat
  • Suliat pissanganartorpassuit sunniuteqarfigalugillu suleqataaffigisinnaasatit


Apeqqutissaqaruit uunga attaveqarsinnaavutit
Allattoqarfimmi pisortaq Karen Kiær Jakobsen attavigalugu paasissutissat sukumiinerusut paasisaqarfigisinnaavatit, Oqarasuaat: 34 66 64/55 54 88 imaluunniit mail: kkja@nanoq.gl-mut attaveqarnikkut.
 
Kingusinnerpaamik qinnuteqarfissaq
Qinnuteqaat CV-mik soraarummeernermullu uppernarsaatit assilinerinik ilaqartinneqartoq link matuma kingulianiittoq aqqutigalugu kingusinnerpaamik 1. august 2020 nassiunneqassaaq

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk