Skip to main content
97

Dette jobopslag er udløbet

Tunngaviusumik inatsisissaq pillugu isumalioqatigiissitaq AC-fuldmægtigissamik pissarsiorpoq

Tunngaviusumik inatsisissaq pillugu isumalioqatigiissitaq sullikkusuppiuk, tunngaviusumillu inatsisissaq pillugu sulerusuppit? Innuttaasut nunatta siunissaa pillugu suliassamut
tunniusimalernissaannut akuulernissaannullu suleqataarusuppit? Suut tunngaviusumi inatsisissap imassaanik paasiniaanermut piareersarnermullu suleqataarusuppit?

Tunngaviusumik inatsisissaq pillugu isumalioqatigiissitaq allaffeqarfianni AC- fuldmægtigissamik pissarsiorpoq.

Decemberip aallaqqaataani atorfininnissat naatsorsuutigaarput imaluunniit isumaqatigiinnikkut.

Suliassatit
Tunngaviusumik inatsisissamut missingiutip allanneqarnissaa tunngaviusumik inatsisiliornissamut ataatsimiititaliami aammalu tunngaviusumik inatsisiliornissamut ataatsimiititaliap allattoqarfiani suliassaqarfinnut allanut attuumassuteqanngitsumi ingerlatissavaa.
Isumalioqatigiissitap suleriaasertik nammineq aalajangertussaavaat. Isumalioqatigiissitap piffissaliussaq qanoq atussanerlugu aalajangertussaavaa soorluttaaq sivitsuinissamik pisariaqartitsisoqarpat tamanna pisinnaasoq ersarissarneqarpoq.
Allaffeqarfiup innuttaasut akuutinneqarnissaannik tunngaviusumillu inatsisissaq oqallisigineqarnissaanik qulakkeerinissaq suliassaavoq pingaarutilik. Suliassani allani pingaarutilik tassaavoq, pissutsit tunngaviusumik inatsiseqarnermut attuumassutillit arlallit paasiniarnissaat.

Tunngaviusumik inatsisissaq amerlasuunik qulequtaqartussaavoq: Aningaasaqarneq, oqaluttuarisaaneq, ataatsimoortumik kinaassuseqarneq, kulturi, imminut pilersorsinnaaneq, nunap avataanut attaveqarnerit, aaqqissuusseqqinnerit, inuiaannut naalagaaffimmullu tunngatillugu inatsisilerineq aamma naalagaaffiit namminersortut akornanni suleqatigiinnerit allaasut ilusiligaanerat pillugu nunanit allanit misilittakkanik aallerneq il.il. Taamaattumik Tunngaviusumik Inatsisissaq pillugu Isumalioqatigiissitap allaffeqarfimmi fuldmægtigitut sulinerpit tamatigoortuunissaa, aammalu soqutigisaqaqatigiinnillu allanik qanittumik suleqateqarnissat naatsorsuutigissavat.

Piffissap ilaani unnukkut sapaatillu akunnerisa naanerini sulisarsinnaassaatit, aammalu atorfimmut atatillugu angalangaatsiartarnissaq naatsorsuutigineqarsinnaassaaq, nuna tamakkerlugu Tunngaviusumik Inatsisissaq pillugu innuttaasunik ataatsimiititsisarnissaq naatsorsuutigineqarmat.

Siullertut pingaarnertullu suliassat ukununnga attuumassutillit isumagisarilissavatit:

  • Tunngaviusumik inatsisinut oqaluttuarisaanermullu attuumassutilinnik misissuinissaq paasiniaanissarlu
  • Tunngaviusumik inatsisissamut missingersuummik isumaliuutissiissummillu allaqataallutit
  • Innuttaasut akuutinneqarnissaannut periaatsinik nutaanik eqqarsarnissaq
  • Isumalioqatigiissitap ataatsimiinnerini sulinerinilu ikiuutaallutit allattaallutillu
  • Ilisimasat paasisassallu isumalioqatigiissitap ilaasortaanut piareersarlugu paasititsissusiaralugillu
  • Tunngaviusumik inatsisissaq innuttaasut akornanni oqallisigineqarneranik aallartitseqataallutit


Piginnaaneqarfiit
Attuumassutilimmik ilinniagaqarputit ajornanngippallu aaqqissuussaanermi politikkikkut aqunneqartumi sulinermik misilittagaqarlutit.

Tamatuma saniatigut naatsorsuutigaarput:

  • Nunatta politikkikkut ineriartornera oqaluttuassartaalu piorsarsimassutserpullu annertuumik ilisimasaqarfigaatit
  • Oqaatsinut piginnaaneqarluassaatit
  • Allallaqqipputit
  • Suliniuteqarnissamut kajumissuseqassasutit, namminersorsinnaassuseqassasutit aammalu suliassaqarfimmi suliassanik assigiinngitsorpassuarnik suliaqarfiusumi sulinissamut piumassuseqassasutit
  • Ulluinnarni ulapaarfiusuni, allanngorartunik sammisassaqarfiusumi suliassaqarfiusumilu sulinissaq toqqissisimaffigissagit
  • Aaqqissuussamik sulisinnaassasutit aammalu piffissarititaasunut malinninnissamut qulakkeerisinnaassuseqarluassasutit
  • Allaffissornermi, suliatigut inuttullu unammilligassanik aaqqiiniarsinnaassuseqassasutit


Neqeroorutigaavut:

  • Nunatta oqaluttuarisaanerani alloriarfimmi nutaami atorfik pissanganartoq
  • Suliffeqarfik ilikkagaqarfiusinnaasoq, pissanganartunillu suleqatigiilluni atassuteqartoq
  • Suliffeqarfik pissanganartunik suliatigullu unammilligassaqarfiusoq, aammalu suleqatigiinnermik suliatigullu piginnaaneqarluarnermik pingaartitsiviulluartoq.


Atorfik pillugu saaffiginninneq
Atorfik pillugu apeqqutit pillugit allaffeqarfimmi pisortaq Karen Kiær Jakobsen tlf. 555488 -imut imaluunniit e-mail-ikkut kkja@nanoq.gl aqqutigalugu saaffigineqarsinnaavoq.

Qinnuteqaat CV-mik soraarummeernermullu uppernarsaatit assilinerinik ilaqartinneqartoq link matuma kingulianiittoq aqqutigalugu kingusinnerpaamik Novemberip 13-ni 2020 nassiunneqassaaq.

Qinnuteqaatinik e-mail-ikkut tigusissanngilagut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk