Skip to main content
106

Tullersorti Inuusuttut inaat Qaqortoq

Ulloq unnuarlu angerlarsimaffik Inuusuttut Inaat Qaqortumiittoq PISORTAP TULLERSORTISSARSIORPOQ.

Periarfissaq piaarnerpaaq imaluunniit isumaqatigiissuteqarneq aallaavigalugu atorfinittoqassaaq. Inuusuttut Inaat pingasunik namminneq ingerlatsisunik immikkoortortaqarpoq, katillugu sullitanut 19-inut inissaqartitsisunik. Inuusuttut Inaat atorfinnik makkuninnga aalajangersoriikkanik sulisoqartussaavoq: Pisortaq, pisortap tullersortaa, allaffimmiu aamma isumaginninnikkut siunnersorti. Eqqiaanermi ikiorti ataaseq, pedeli. Inuusuttut Inaat Nuupilummi illuaraateqarpoq, illoqarfimmit 45 minutsit missaa atorlugu angallammik tikinneqarsinnaasumik, tassani aallaarsimaartitsisoqartarpoq/pilersaarusiallu tunngavigalugit sullissivigineqartarluni. Naalungiarsunnut/meeqqanullu immikkoortortaqarfik: Immikkoortortaqarfik atorfinnik makkuninnga aalajangersoriikkanik sulisoqartussaavoq: immikkoortortaqarfimmi aqutsisoq ataaseq, perorsaasut arfineq marluk aamma isumaginninnikkut ikiorti ataaseq, kiisalu unnuakkut eqqumalluni pigaartoq ataaseq. Meeqqanut immikkoortortaqarfik: Immikkoortortaqarfik atorfinnik makkuninnga aalajangersoriikkanik sulisoqartussaavoq: immikkoortortaqarfimmi aqutsisoq ataaseq, perorsaasut sisamat aamma isumaginninnikkut ikiorti ataaseq.

Ujartorparput: 

  • Perorsaasutut ilinniagalik
  • Aqutsinermik misilittagalik
  • Suleqatiginnilluarsinnaassusilik
  • Ulloq unnuarlu angerlarsimaffimmi sullissinermik misilittagalik
  • Tamakkiisumik isiginnissinnaassusilik aamma sunniuteqarluarsinnaassusilik
  • Akisussaassuseqarpalaartumik Nersorinnittumik perorsaanikkut sullissisinnaassuseqarnermik ingerlatsisinnaassusilik
  • Atugarissaartitsisoqarneranik aamma isumassuisoqarneranik qulakkeerinneqataasinnaassusilik
  • Pisortaq peqatigalugu allaffissornermi suliassanik ingerlatsisinnaassusilik
  • Pisortap peqannginnerani pisortaagallarsinnaassusilik
  • Immikkoortortat sapaatit akunneri sisamakkaarlugit sulisussanik pilersaarusiortarnissaannik akisussaasoq
  • Ulloq unnuarlu angerlarsimaffiusumi suliassaasut assigiinngiiaaqisut suleqataaffiginissaannut sapiissusilik


Neqeroorutigisinnaavagut:

  • Suliffik pissanganartorpassualik
  • Pikkorissarnissamut aamma ilinniaqqissinnaanermut periarfissaqarneq
  • Suliffeqarfimmi ineriartortuartumi suliffeqarsinnaaneq neqeroorutigaarput
  • Oqilisaanneqarluni oqaloqatigineqartarneq
  • Ulloq unnuarlu angerlarsimaffiup ineriartortinneqarnerata peqataaffigisinnaanera

Paasisaqarnerorusukkuit attaveqarfigisinnaavat Pisortaq Sara Tessing, oqarasuaat +299642117 lok.1, e-mail: sate.inaat@nanoq.gl 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk