Innarluutillit soqutigisaat inunnullu pisinnaatitaaffiit pillugit pimoorussisuuit? Eqimattat suliniuteqartut akornanni ilisimasalinnut tapertariissunut akuullaqqillutillu aqutsillaqqissuuit? – Taamaakkuit Tilioq suliffigissallugu ilinnut piukkunnarpoq!

Inuit allat atugaat pitsanngorsarniarlugit isumalimmik suleqataarusuppit? Innarluutillit illersuisuata Tilioq-p ullut tamaasa Naalagaaffiit peqatigiit inuit innarluutillit pillugit isumaqatigiissutaat naapertorlugu inuiaqatigiit iluanni inuit innarluutillit soqutigisaasa isumannaarnissaat siuarsarneqarnissaallu sulissutigisarpaa. Allannguinissaq annertooq anguniarlugu sulerusuppugut Kalaallit Nunaat inunnik innarluutilinnut akuunerulerfiusoq angorusullugu. Tamanna pillugu AC-fuldmægtigimik tunniusimasumik, torersumik kiffartuusserusuttumillu pissarsiorpugut suliniutinut tunngassutilinnut soqutigisaqaqatigiillu kattuffiinut tunngasunut misilittagaqartumik.

Atorfik pillugu nalinginnaasumik nassuiaat
AC-fuldmægtigitut suleqatissatta suliniutit paasissutissiisarnerlu pillugit tunniusimalluni suliaqarnermigut innarluutillit illersuisuannut Tiliullu suliaanut tamanut ikiortaalluassaaq. FN-ip innarluutillit pillugit isumaqatigiissutaa toqqammavigalugu Tilioq Kalaallit Nunaanni inuit innarluutillit soqutigisaat, periarfissaat naligiissitaanissaallu suliaqartuuvoq. Peqatigiilluta inuit innarluutillit atugaat pillugit tigussaasumik kinguneqartussamik pitsanngorsaaqatigiissaagut. AC-fuldmægtigitut sulisutta akisussaaffigissavaa suliniuteqartut akornanni ilisimasalinnut tapertariissunut aqutsisuusarnissaq, taamatullu innarluutilinnik sullissinermi ineriartortitseqataallunilu sunniuteqartarnissaq. Illit – allattoqarfiup pisortaa sulisullu allat qanimut suleqatigalugit – Tiliup siunertaa periusissatullu siunniussimasaata piviusunngortinnissaa sulissutigissavarsi.

Suleqatigiit ikittunnguuvugut tamatta immikkut suliassaqarlutillu suliniuteqartut, taamaattoq pisariaqarfiini immitsinnut nukittorsaqatigiittarpugut kaammattoqatigiittarlutalu. Innarluutilinnut illersuisup allattoqarfia maannakkut sisamanik sulisoqarpoq AC-fuldmægtigissarput taakkununnga ilanngullugu.

Tilioq Sisimiuni illoqarfimmi alianaatsumi inissisimaffeqarpoq, pingaarnermillu tassani sulisassaatit. Atorfimmut atatillugu angalasarnissat naatsorsuutigisariaqassavat.

Suliassatut pingaarnerit / piginnaaneqarfiit

• Attaveqaatitigut suliassat tassunga ilanngullugu Tiliup inoqatinut attaveqaatai.
• Innarluutilinnut tunngassutillit politikikkut aalajangiisartunut sunniisartussatut paasissutissiilluni suliaqartarnerit sammisaqartarnerillu pilersaarusiorlugillu ataqatigiissaarisuuffigissavatit.
• Suliniutit pillugit nalinginnaasumik suliaqarneq, inuit innarluutillit inatsisitigut innarlitsaalineqarnissaat immikkut ukkitaralugu taamatullu inuiaqatigiit iluanni innarluutillit pillugit qaammaassaqarnerulernissaq siunertaralugu qaammarsaaqataaneq.
• Assigiinngitsunik allakkaianik suliaqarneq, tassani ilaalluni tusarniaanermi akissuteqaatit, policy briefs, saqqummiussat, nalunaarusiat, aningaasaateqarfinnut qinnuteqarnerit allakkiat il.il.
• Innuttaasunik ataatsimiisitsinerni, ataatsimeersuartoqartillugu assigisaanillu pisoqartillugu oqallinnermi aqutsisuusarneq.
• Innarluutillit illersuisuata sulinerani ingerlaavartumik nalinginnaasumillu kiffartuussisarneq.

Ilinnut tunngasut
Inunnik inuillu pisinnaatitaaffiinik soqutiginnittuussaatit. Attaveqaqatigiinnermi ilisimasaqalluassasutit, oqaatitigut allaaserinninnermilu. Tamatuma saniatigut misissueqqissaartartuussaatit, suleqatigiinnissamik pingaartitsisuullutit suleriaasinnilu kajumittuullutit. Suliniutinut tunngassutilinnut sungiussisimasuussaatit ataqatigiissaarillaqqissuullutit aaqqissuussillaqqissuullutillu, politikikkut aqutsisoqarfinni sulinermik misilittagaqaruit iluassaqaaq (soorlu kattuffilerinikkut, NGO-ni naalakkersuisoqarfinniluunniit),

inuiaqatigiit kalaallit kulturiallu pillugu ilisimasaqassaatit. Nalitsinni Kalaallit Nunaanni innarluutilinnut, isumaginninnermut, ilinniartitaanermut peqqinnissaqarnermulluunniit tunngassutilinnik ilisimasaqaruit iluaqutaassaaq naak immikkut piumasaqaataanngikkaluartoq.

Pisortanit politikerinillu Tilioq pillugu naatsorsuutigineqartartut annertusinnaallutillu qaffasissuusinnaasarput, tamanna pissutigalugu pingaaruteqarpoq ulluinnarni ulapaarfiutillugu avatangiisit allanngorartut iluanni suliat ataatsikkoortut aqussinnaassagukkit.

Tamakku pillugit neriuutigaarput illit

• Akademiskimik naapertuuttumik ilinniagaqartuusutit, s.i. isumaginninnermik ilisimatusarsimasoq, inuiaqatigiilerinermi ilisimatusarsimasoq, tusagassiortutut ilinniarsimasoq imalt. Allaffissornermi politikikkulluunniit, saniatigullu tamakkunani misilittagaqassasutit.
• Allattariarsornikkut pikkorissuusutit inatsisilerinermullu tunngassutillit paasiuminarsarlugit ingerlateqqissinnaagitit.
• Inoqatit qarasaasiakkut attaveqaatigisartagaat aqqutigalugit tapersersortissarsiortoqartillugulu tamakku imassai, oqaluttuat, assit videolu atorlugit pilersaarusiortarnissamut piginnaaneqarluassaatit.
• Kalaallit Nunaanni nalitsinni innarluutilinnut tunngassutillit ilisimasaqarfigissagitit, taamatullu isumaginninnikkut, ilinniartitaanikkut peqqinnissaqarnikkullu misilittagaqartuusutit, tamakku pitsaaqutaassammata.
• Inuit assigiinngitsuusinnaanerat inissaqartikkit, taamatullu inunnik sullissinermi.
• Nammineersinnaasutit, eqaatsumik pissuseqartutit, suliat pillugit naapinniaassuseqartutit nutaanillu pilersitsinnaasutit.
• Kalaallisut aamma / imalt. Qallunaatut aamma / imat. Tuluttut nunaniluunniit avannarlerni oqaatsit arlaannik allattariarsornikkut oqaluttariarsornikkullu piginnaaneqassasutit.

Tiliumi suleqatigiit ikittuuvugut, taamaattumillu pingaartuuvoq inuk piukkunnartoq atorfinitsissallugu, taamaattumik qinnuteqartut piginnaasii piukkunnaataallu ataatsimut isigalugit qanoq innersut qimerluussavagut.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfik piffissaq tamakkerlugu sapaatip akunneranut akunernik 40-nik suliffiuvoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Atorfik pillugu annertunerusumik paasisaqarusukkuit Tilioq saaffiginissaanut tikilluaqqusaavutit, oq. +299 551950 imaluunniit e-mail: info@tilioq.gl

Qinnuteqaatit aamma CV pappiaqqallu naapertuuttut ilanngullugit uunga nassiutikkit: anja@tilioq.gl kingusinnerpaamik 20. september 2023 – qinnuteqaatit oqaloqatiginnittarnerillu pappiaqqat naapertuuttut toqqammavigalugit ingerlaavartumik ingerlanneqassapput, najuulluni naapinnikkut videokonferencikkulluunniit.

Kikkulluunniit piukkunnaateqartut soqutiginnittullu qanoq ukioqaraluartut, suiaassuseqaraluartut, inuiaqatigiinnut suugaluartunulluunniit tunuliaqutaqartut, upperisaqartut innarluuteqaraluartut kaammattorumavagut qinnuteqaqqullugit.

Tilioq pillugu nittartakkatsinni uani annertunerusumik paasissutissanik alakkarterisinnaavutit:
www.tilioq.gl

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk