Skip to main content
97

Dette jobopslag er udløbet

Teknikimik Ilinniarfimmi illuliortoq imaluunniit qalipaasuuit ilinniartitsisoq – Tech College Greenland

Qalipaasuuit pikkorissoq imaluunniit illuliortoq, sanasutullu ilinniartitsilluarsinnaasoq KTI-mi Sisimiuni? Nutaanik unammillernartunik misigisassanut piareersimavit? Kalaallit Nunaanni qalipaasunngortussat ilinniartikkusuppigit? Qulaaniittut apeqqutit angersinnaagukkit tassaavutit ILLIT ujagarput.

Paasissutissaq – isumaqatigiissummik nutaamik peqalernikuuvoq akissarsiassat qaffannerinik inerneqartumik.
Teknikimik Ilinniarfik (KTI) ilinniarfiuvoq Namminersorlutik Oqartussat ataaniittoq Nuummi Sisimiunilu ilinniarfiusoq soorlu ukuninnga; savimineq, sananeq, aatsitassarsiorneq, oqaatsinik pikkorissarnerit kiisalu GUX. KTI-mi ARCTIC-DTU suleqatigalugu assigiinngitsunik marlunnik ingeniørinngorniartoqarsinnaavoq. KTI-p akisussaaffiisa ataaniipput aamma Sisimiuni kollegiat ineqarfiit 360-t.

KTI ukiuni kingullerni pissanganartumik ineriartorfiuvoq sammisat amerlillutik kiisalu illuliornermik saraartornelimillu ilinniakkanut sammisunik
 isersinnaalersitsisunik pikkorissaanerit arlaqartut neqeroorutaalerlutik.

Atorfik:
Atorfimmi ilinniartitsisut allat suleqatigalugit ilinniarnissap ingerlanissaa pilersaarusiussavat, sanasunut pikkorissunut ilinniarsimasussanut tulluartunngorlugu.

Neqeroorutigisinnaasagut:

  • suliffeqarfimmi avatangiiseq pitsaasoq suleqatit ilinniarluarsimasut piumassusillit.
  • atorfik unammillernartoq suleqatillu oqaloqatigiinnermik suleqatigiilluarnermillu pingaartitsisut.
  • namminersuutigalugu atorfiup immersornissaanut periarfissat.
  • inuussutissarsiuutigalugu sulisunut ilinniartitseriaatsinik pikkorissarneq, pikkorissarsimanngikkuit
  • ilinniarfik ineriartortoq inuiaqatigiinni allannguerusussusilik


Piumasaqaatigaarput:

  • sanasutut, illuiliortutut assigisaanilluunniit ilinniarsimasuussasutit - sapinngisamik teknikimik ilinniaqqissimassaatit
  • sulifinni misilittagaqartutit..
  • ilinniarnermut misilittagaqarnermullu uppernarsaateqassasutit.
  • IT-mut tunngasunik piginnaasaqartutit atuisumiik qaffasinnerusunik.
  • inuusuttunik inersimasunillu ilinniartitserusussasutit.
  • sammisanut attuumasunik eqqarsartuussasutit suleqatit qanimut suleqatigalugit ilinniarfiup ingerlanerani tamani ilinniarnermut ineriartornermullu attuumasunik suliassanik naammassinnissinnaasutit.
  • Ukunani oqaatsini pingasuni minnerpaamik marluk sapissanngilatit: tuluttut, qallunaatut, kalaallisut.


Atorfininnginnermi qaammatit pingasut siulliit misiliutaasumik atorfinitsitsissaagut.

Paasissutissat allat:
Paasisaqarnerorusukkuit Ilinniartitaanermut pisortaq attavigisinnaavat: John Plambek tlf.: +299 867600 - +299 532824 e-mail: jopl@kti.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk