Skip to main content
94

Dette jobopslag er udløbet

Teknikimik Ilinniarfik, Tech College Greenland Sisimiuni ilinniarnertuunngorniarfiup inuussutissarsiornerullu iluani suliffimmut pissanganartumut tamatigoortumullu controllerissarsiorpoq

Teknikimik Ilinniarfik (KTI) tassaavoq immikkoortoq Kalaallit Nunaanni Namminersorlutik Oqartussat ataanniittoq, Nuummi Sisimiunilu Saviminilerinerup, Sanaartornerup, Aatsitassarsiorneru,p Oqaatsinik pikkorissartitsinerup kiisalu ilinniarnertuunngorniarnerup soorlu GU, GUX, e-GUX aamma Nunani Avannarlerni ilinniarnertuunngorniartut klassiannik ingerlataqartoq.
Ilutigitillugu KTI-p Danmarks Tekniske Universitet (DTU) – Arctic – DTU Sisimiut Sisimiuni ingeniørinngorniarluni ilinniartitaanerup ingerlanneqarnera pillugu suleqatigaa.
KTI ilaatigut ilinniakkanik assigiinngitsunik ingerlaqqiffiusumik ilaatigut ingerlataqarpoq pissanganartumik ineriartornertalimmik.
Taassuma saniatigu KTI ilinniartut ineqarfii 360-it missaanniittut Sisimiuni inissisimasut akisussaaffigai.
KTI-mi aqutsisunut attaveqassaatit kiisalu suleqatigisannut qaninnerpaanut KTI-mi aqutsisunut allaffissornermillu suliaqartunut, taakku Nuummi Sisimiunilu inissisimapput, Arctic DTU, Namminersorlutik Oqartussat Ilinniartitaanermut, Kultureqarnermu Ilageeqarnermullu Naalakkersuisoqarfiat aamma Aningaasqarnermut Sulisoqarnermullu Aqutsisoqarfik.

Suliassat pingaarnerit:

  • Missingersuusiornermut, ingerlaavartumik missingersuutinik nakkutiginninnermut aamma KTI’p aqutsisui peqatigalugit malitseqartitsineq
  • KTI-p Aningaasanut Inatsisissatut siunnersuummut missingersuutinik ilanngussassanik suliaqarneq
  • Kukkunersiuisumik avataaneersumik suleqateqarlutit atortussanik Namminersorlutik Oqartussat naatsorsuuseriviannut naalakkersuisoqarfimmut suliaqarneq
  • KTI-p siulersuisuinik sullissineq aamma naatsorsuutinik saqqummiussineq
  • Naatsorsuuserinermi ingerlaatsit annertusarnerat aamma ataqatigiissarneratr.
  • Suliassat takkussuuttut.


Suliamut piginnaasat:

  • Eqqaanartumi misilittagaqarneq imaluunniit suliaqarsimane. Ilinniartitaanermut tunngassuteqarsinnaapput
  • Aningaasaqarnermut, soorlu assersuutigalugu AU Aningaasarsiorneq aamma aningaasanik aqutsineq, Aningaasaqarnermik controller imaluunniit naatsorsuuserinermi bacheloritut attuumassutilimmik ilinniarsimaneq
  • ERP-t, soorlu Prisme, XAL, IRIS kiisalu Namminersorlutik Oqartussat aqutsinermut paasissutissiissutaata ilisimanissaa. Ingammik pingaaruteqarpoq, Office Pakken (365) ilisimalluassagit pivot-tabellinillu suliaqarneq sungiusimassagit
  • Suliamut attuumassuteqanngitsunut naatsorsuutinik kisitsisinillu nassuiaasinnaaneq
  • Kalaallisut qallunaatullu allassinnaallutilu oqalussinnaasuti.


Inuttut piginnaasat
KTI Sisimiut controllerimik sulinermi avatangiisini suleqatigiinnermik tunngavilimmik soqutigisaqartumik sulisussarsiorpoq, tassani pisinnaasat, piginnaasat suleqatigiissinnaanermullu piumassuseqarneq pingaartinneqarput.

Taakkua saniasigut inuttut piginnaasat uku pigissagitit ujartorpagu:

  • Nammineerluni eqqortumillu sulisinnaaneq
  • Malittarisassat suleriaatsillu naapertorlugit sulisinnaaneq
  • Suliassamiit suliassamut nuussinnaaneq
  • Akuliunnissat ajornaatsuutippat
  • Ilisimasanik avitseqateqarneq aamma siunnersuineq nuannaraatit.


Neqeroorutigaagut - Suliffeqarfik:

  • Quiasaarnermik inissaqartitsisoq persuarsiorpalunngitsumillu pissuseqarfiusoq
  • Suleqatit sulisullu pikkorillutillu suliaminnut pikkorissut
  • Suliassat pissanganarlutillu unammillernartut, taakkunani annertuumik nammineerlutik sulissaatit, pilersaarusiussaatit suliassannillu pingaarnersiuilluti
  • Suliffeqarfik ineriartortoq.


Paasissutissat sukumiinerusut:
Atorfik pillugu paasisaqarnerorusukkuit forstanderimut Jokum Møllerimut – jomo@kti.gl - +299 527188 imaluunniit pisortap tullianut Finn Ommestrup Møllerimut – fimo@kti.gl - +299 527388 saaffiginninnissannut tikilluaqqusaavutit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Piffissaq suliffiusussaavoq sapaatip akunneranut nalunaaquttap akunneri 40-it.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

  Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk