Skip to main content
92

Dette jobopslag er udløbet

Teknikimik Ilinniarfik, KTI Sisimiut Kollegiani nakkutilliisutut siunnersortimik pissarsiorpoq

Pissanganartunik nutaanik unammillernartunik aallusserusukkuit, ilinniartut lærlingillu tapersersornissaannut piginnaasaqaruit, atorfimmik pissanganartumik neqeroorfigisinnaavatsigit.

Kollegiani nakkutilliisutut siunnersortimik pissarsiorpugut ilinniartut lærlingillu, aammalu inuusuttut 18-it inorlugit ukiulinnut nakkutiliisutut siunnersortaasussamik.  Kollegiani nakkuutilliisutut siunersortaaninni ilinniartuutitsinnut lærlingillu sammisassaqartinneratigut peqataatitsinikkut toqqisisimanartumik avatangiiseqarnissaat pilersitsiffigeqataassavat.

Naatsorsuutigissavat nikerartumik sulisarnissaq, pingaarnertullu ilinniartuutigut lærlingillu atuareernerisa kingorna sapaatillu akunnerisa naanerini najuuttassaatit. Atuartitsinerup nalaani aamma assigiinngitsunik suliassaqartassaaq, soorlu atuarfik suleqatigalugu angajoqqaanut attaveqarneq – taama siunnersortitut atorfeqarneq sapaatip akunneranut 40 tiimi missaani sulisarnissaq naatsorsuutaassaaq. 

Uagutsinnnnnut – pingaartumillu ilinniartuutitsinnut kolligie-imi nakkutilliisutut siunnersortaanini ilinnisimassutsikkut inuttullu patajaatsumik piumassuseqarlutit inuusuttunik ilinniarnerup nalaani atuartunut sullisserusuttuunissat pingaaruteqarpoq.

Teknikimik Ilinniarfik (KTI) Sisimiuniittup ataani ilinniarfiit assigiinngitsuupput, soorlu ilinniarnertuungorniarfik, sanaartornermut tunngasut, aatsitassarsiornermut sanaartugassanullu tunngasut, kiisalu annertuumik pikkorissarnernut attuumassutillit ingerlanneqartarput.

Kollegie-it atuarfimmut atasut atuarfimmut qanittunnnguupput, illillu ulluinnarni sulininni atuarfiup ilinniartitaanermi pisortarisai, ilinniartitsisut siunersortillu qanimut suleqatigisassavatit.

Kollegie-imi nakkutilliisutut suliassavit ilagaat
  • Kollegiani akisussaaffigisassanni ulluinnnarni kollegiartunut attaveqarneq
  • Kollegiani inuttut inuuneq ataqatigiinnerullu siuarsaarnissaa isumagissallugu
  • Eqqiaanermut tunngasunik kollegieartunut malittarisassaliorneq taassumalu atuutinneqarnissaanik qulakkeerinninneq
  • Eqqiluisaarnissamik tunngaviusumillu peqqinnartunik igasoqartarnissaanik siunnersuisarnissaq
  • Kollegiani najugaqartut maleruagassanik malinninissaannut kaammattuineq
  • Qulakkiissallugu najugaqartut ataatsimiititaliaanik pilersitsinissaq, kollegiani najugaqartut atugaat sammisassaqartitsinermut tunngasut aaqqiagiinnermulluunnit attuumassuteqartut ataatsimiissutigisarnissaannik isumaginninneq
  • Sulisut allat peqatigalugit unnuarmi sapaatillu akunerisa naanerini pigaartartoqarnermut peqataaneq
  • Tulluarsarsinnaasoq atuarfimmi sulisut allat pedel-it kollegieani nakkutilliisoq atuartunik siunnersortit ilinniartitsunillu suleqateqarsinnaasoq, taassumalu saniatigut kollegie-it aserfalatsaalineqarnissaannut pisiassanullu assigiinngitsunik qulakkeerinneqataasinnaasoq
  • Kollegiani atugassaritaasut kollegiartullu inutttut ataasiakkaatut inissisimanerat pillugu angajoqqaanik malinnaatitsilluni paasissutissiisarnissaq

Natsorsuutigaarput
  • Inunnik isumaginninnermut tunngasunik tassungaluunniit assingusumik ilinnniagaqartuunissat
  • Attaveqallaqqissuusutit inunnnillu sullissinermut tunngasunik aaqqissuussaalluartumik akuersaartuullutit sullissisinnaasutit
  • Namminersorsinnaallutit aaqqissuussaasumik suleriaaseqarsinnaasutit
  • Inuusuttunik 18-inik innorlugit sullisserusuttutit
  • Ilinnialertussanut kollegiani aallartittussanut paasinnillutit attaveqarnikkut ajornartorsiutaasinnaasunik nalaataqartillugit aaqqeeqataanissamut sullissisinnaasutit
  • Nuannaartuullutit qanilaartuusutit
  • Qallunaatut kalaallisullu oqaaseqartuusutit


Neqeroorutigaarput

  • Suleqatit tunniusimasut
  • Akisussaaffimmik annertuumik namminersorlunilu suliassanik aallussisinnaaneq
  • Kollegiani inunnik sullissinermi kiffaanngissuseqarluni annertuumik ineriartorsinnaaneq
  • Suliffeqarfik ineriartortoq, pinngortitarsuup silami tuniussinnaasaanik ulikkaartoq, pinialunnerit, aalisarnerit ujakkaarnerit assigiinngitsunillu misigisassarsiornissamut periarfissagissaartoq


Atorfik piaartumik isumaqatigiissuteqarnerluunniit tunngavigalugu inuttassarsiuunneqarpoq

Meeqqanut kanguttaatsuliorsimannginnermik Pisortatigoortumillu pillagaasimannnginerup uppernarsaatit allagartaat
Atorfimmut atatillugu inatsisit tungavigalugit meeqqanik kannguttaatsuliorsimanginermik uppernarsaat piumasaqaataavoq. Inatsisit aallaavigalugit KTI-ip meeqqanik kannguttaatsuliorsimanginermik uppernarsaat tigoreeruniuk aatsaat atorfinititsinnissaq qulakkeersinnaavaa. Matumuuna erseqqissaassutigineqassaaq, atorfinnittoqarsinnaammat aatsaat KTI-ip Rigspolitiinit meeqqanut kannguttaatsuliorsimanginermik uppernarsaat tigoreerpagu.

Atorfininnissamut piumasaqaataavoq Meeqqanut kanguttaatsuliorsimannginnermik Pisortatigoortumillu pillagaasimannnginerup uppernarsaataasa allagartaat
eqqortut tunngavigalugit.

Paasissutissat sukumiinerusut
Atorfik pillugu annertunerusumik paasisaqarusukkuit Kollegieinspektørit qullersaanut Paninnguaq Heilmannimut oqarasuaat +299 867642 imlt. forstanderimut Jokum Møllerimut oqarasuaat +299 867600 atorlugu paasiniaasinnaavutit.

Qinnuteqaatit ataavartumik nakkutigineqarnissaanut pisussaaffik tigummivarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk