Skip to main content
106

Dette jobopslag er udløbet

Tasiilami siunnersortit

Tusaannga Tasiilami oqarasuaatikkut siunnersuisarfimmut siunnersortissarsiorpoq, sutigut tamatigut innuttaasunik tusarnaarsinnaasunik siunnersuisinnaasunik tapersersuisinnaasunillu. Tusaannga Isumaginninnermut Aqutsisoqarfimmi immikkoortortaavoq.
 
Tusaannga Tasiilami aallartinniarneqalerpoq. Tusaannga tassaavoq siunnersuinissamut neqeroorut, oqarasuaat sms-ilu aqqutigalugit meeqqanut, inuusuttunut inersimasunullu nuna tamakkerlugu siunnersuisarfiusoq. Ajornartorsiutit isumagineqartussat assigiinngitsorpassuusinnaapput, taamaattumik siunnersortit paasinnissinnaallutillu naleqqussarsinnaanissaat pingaaruteqarpoq. Siunnersortitut misilittagaqarneq iluaqutaassaaq, pisariaqartuunanili, tassami sanileqarluni ilinniartitsisarpugut, ingerlaavartumillu piginnaasanik ineriartortitsinermik pikkorissarnissamik neqerooruteqartassaagut.
 
Siunnersortitut illit ilaatigut:

  • Suleqatitit peqatigalugit oqarasuaatitigut sms-itigullu sullississaatit
  • Meeqqanut/inuusuttunut inersimasunullu qinngasaarisarnermit, annersaasarnermit, perorsagaasimanermit, innarligaasimanermit atornerluinermut allanillu ajornartorsiutilinnik tapersersuiniarlutit tusarnaartassaatit
  • Innuttaasut ajornartorsiutiminnik qaangiiniarlutik iliuuseqarnissaannut siunnersorlugillu kajumissaartassavatit

Qinnuteqartut naatsorsuutigineqarput:

  • Inersimasorpalaassasut sanngisuujullutillu.
  • Tatiginartuussasut tamatigoortuullutillu.
  • Qallunaatut/kalaallisullu marlunnik oqaaseqartuusut.
  • Inuuniarnikkut qanorluunniit ittunik ajornartorsiuteqartunik sullisserusussuseqassasut.
  • Pinerluuteqarsimannginnermik uppernarsaateqartut.

Marlunngornikkut sisamanngornikkullu nal. 16:00-imiit 18:00-imut sulisartussanik siunnersortissarsiorpugut.
 
Atorfik soqutigigukku inuiaqatigiinnilu sunniuteqaqataarusukkuit qinnuteqaammik CV-millu nassiussigit.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Tusaannga atorfillu pillugit paasissutissat sukumiinerusut uunga pissarsiariniarneqarsinnaapput Ataqatigiissaarisoq Ane-Karina Poulsen, oqarasuaat: 346016 imaluunniit mail anpo@nanoq.gl


Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk