Skip to main content
75

Dette jobopslag er udløbet

Tasiilami Prinsesse Margrethes Børnehjem Souschef-itut atorfik inuttassarsiuunneqarpoq

Perorsaasutut ilinniarsimasumik imaluunniit tassunga assingusumik aqutsisutut misilittagalimmik sulisussarsiorpugut, allannguerusussusermik kiisalu ulluinnarnut avatangiisimut toqqammaveqartumik ineriartortitsinnaasumik meeqqanut inissitanut qajannartunut maani Kalaallit Nunaannit kangianut. Forstander-i tullersorteqassaaq/aqutseqataasussatut suleqatissaminit, piffissap ingerlanerinit meeqqat ulloq unnuarlu angerlarsimaffiinut allanngueqataasussamik. Maani atorfissaqartipparput toqqammaveqartoq ilisimasanit ilinniarsimasumik, aalajaatsoq aqutsinermillu ingerlatsisinaasoq siunertalimmik aammalu piumassuseqartuartorlu sulinissamik meeqqanut eqimattanut qajannartunullu aammalu inersimasunit, sulianit ingerlatsisinnaanermit pilersitsisartumik kiisalu aaqqiisinnaasumik tassanngaannartumik unammillernarsinnaasunut aammalu ajornartorsiutinut.
 
Atorfimmut atorfinitsitsinissaq piaartumik ullulerneqassaaq!
 
Tunngaviusoq:
Prinsesse Margrethes Børnehjem-i Kalaallit Nunaannit kangianiippoq illoqarfimmit Tasiilamit, taannalu Namminersorlutik Oqartussat ataanit ingerlanneqarpoq siunissamilu immikkoortortaqarfik meeqqanut qulinut inissaqartitsisussaq. Meeqqat immikkoortortaqarfiit saniatigut børnehjem-i, ulloq unnuarlu immikkortortaqarfik inersimasunut innarluutilinnut arfinilinnit immikkoortortaqarpoq, Nasippi. Nasippiup ataaniippoq immikkoortortaqarfik ulluuneranit inersimasunut innarluutilinnut neqeroorfigineqartartoq, taannalu Nasippimmiit atorfeqartarpoq, kiisalu illoqarfimmiit. Børnehjem-i nunaqarfimmit inuerunnikuusumik illuaraateqarpoq, angallateqarpoq, minihalle-eqarpoq aammalu qamuteralaat (snescooteri).
 
Meeqqanut immikkoortortaqarfik qulinut inissaateqarpoq, meeqqat 0-10 ukiulinnut. Inunnut Isumaginnittoqarfimmit aqutsisoqarfimmiit kissaatigineqarpoq sinaakutissat pilersinneqassasut ingerlatinermit ataqatigiissumik perorsaariaateqartussamik avatangiisilimmit, aammalu sulissunut tapersiissutissanut periarfissanut  toqqissisimanermit aammalu inerikkiartuutaasussanit paasissutissanut ulluinnartigut minnernut aammalu assigiiaarnerusumik meeqqanut eqimattanut.
 
Atorfimmut atatillugu:
 

  • Aqutsisunut ataatimoortutut akuulissaatit, ukut saniatigut forstander aammalu souschef-i afdelingslederit marluusunut ukut ataaniittut, meeqqat eqimattanut aammalu innarluutilinnut eqimattanut (atorfiit ataatsikkut inuttassarsiuunneqarput – taammaattumik nalunngisaqaruit peqataarusuttumik?).
  • Toqqissisimaneq pilersissallugu peqataassaatit, inerikkiartuutaasussaq aalajaassuseq ulluinnarnut meeqqanut sulisunullu, ataqatigiinneq aallaavigalugu aammalu inuunermit atugassarititaasunut sulinitsinnut – aqutsisut ataatsimoortut peqatigalugit.
  • Forstander peqannginneranit tamanit illit tassunga paarlattaasassaatit.
  • Allaffissornermit suliassat arlallit akisussaaffigissavatit, kisimiillutit aammalu forstander suleqatigalugu kiisalu allaffimmit sulisuusunut. Mannalu ilinnut naatsorsuutigineqanngilaq takkukkuit suut tamaasa nalunagit sapinngikkitit, periarfissinneqassaatit inissinneqassallutillu suliassanut assigiinngitsunut aammalu suleqatissatit kikkuunerinit ilinniassallugit.
  • Suliassanut agguaasisarneq aammalu akisussaassusiliissarneq ingerlanneqartassaaq forstanderi isumasioqatigineritigut.

Maakkut naatsorsuutigaavut:
 

  • Perorsaasutut assigisaanulluunniit ilinniagaqarsimanissat, aqutsisutullu misilittagalik aammalu allaffissornermit.
  • IT-i atornissaanut ilisimasalik.
  • Tamatigoortot kiisalu bagvagt-itut ingerlatsisinnaasoq, tassanilu aamma pineqarluni weekend-it aammalu unnukkut sulisarneq.
  • Pitsaasumik maligassiuisoq sulisunut aalajaatsuunikkut, naammagittartorlu, ersarissoq, tusarnaartoq, akaarinnittoq aammalu qanilaartoq.
  • Periarfissaqartoq aammalu aalajangiinissanut tunuarsimaanngitsoq.
  • Ilisimasanut tunuarsimaanngitsoq aammalu inuttut unamminartunut. 
  • Nammineq sulisinnaasoq aammalu peqataaffigissallugit pisussaaffigisassatut aqutsisut suleqatigalugit.
  • Ingerlangiaqqinnissamik siunnersuisinnaasoq sulisut oqaloqatigalugit ilisimasassanut aammalu inuttut ajornartorsiutinut.
  • Illit akuullutit suliffeqarfimmut pisussaaffigissagitit peqataanikkut pilersaarusiornernut peqataaffigalugillu børnehjem-imit sammissaqartitsinernut/ataavartunit ingerlatinernut meeqqanut, inuusuttuaqqanullu, ineqartunut, kiisalu sulisunut. 
  • Piareersimaffigissallugit angalasariaqarnerit meeqqanut angallattarialinnut nakkutiginnittutut aammalu koloni-imut peqataanissamik. 
  • Kalaallit kultur-iinut ilisimasalik, neriullutalu oqalussinnaassasutit allassinnaallutillu kalaallisut qallunaatullu. 

Makkut neqeroorutigaavut:
 

  • Suliffik pilertortumik inerikkiartortoq, illoqarfik arlalinnut periarfissalik.
  • Suliffik annertuumik nunaannarmik avatangiisilik, inuit inussiarnersut, aammalu periarfissaqartuartoq sammisassanut assigiinngitsunut, misigisassanut nuannersunut, suliffimmit aammalu sunngiffimmit.
  • Suliffik isumasioqatigiinnikkut, pilersinniassallugit immitsinnut  pitsaasutut soqutigisavut, ilisimasat aammalu ikorfartuutissat, suliassat assigiinngitsut minnerpaaffilerniarlugit aaqqiissutaasussatut suliffeqarfimmut. 
  • Suliffik qiimaneq nuannaarnerlu minnerunngitsumik illarneq pingaartinneqarluni.
  • Suliffik atorfissaqartillugu pilersissallugu ataavartumik ilisimasaqarnikkut aammalu suliffik avatangiiseqartoq patajaatsumik inerikkiartornermit.



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat allat
Annertunerusumik paasisaqagumaguit Prinsesse Margrethes Børnehjem pillugu, atorfik imaluunniit attuummasutaasoq atorfinitsinneqarnermut atatillugu, tikilluaqqusaavutit attaveqarfigissallugu forstander Brita Larsen tlf: +299 565578 imaluunniit mail-imut pmbforstander@outlook.dk
 
Qinnuteqarfissaq kingulleq tallimanngorneq ulloq. 19. juni 2020 nal. 12.00.
 
Qinnuteqarnermit paasissutissat ilinniarsimanermit uppernarsaatit ilaatinneqassapput, straffeattest-i, siusinnerusukkut atorfigisimasamiit oqaaseqaatit imaluunniit  paasissutaasinnaasut immikkut akuerineqartumik ingerlanneqarsinnaasut Prinsesse Margrethes Børnehjem-imiit atassuteqarfigineqarsinnaasut taakkut paasissutissat pillugit. Atorfinitsinneqarnermut atatillugu ilanngullugu børneattest-i aanneqassalluni.
 
Atorfimmut atatillugu oqaloqatiginninneq ingerlanneqartussatut naatsorsuutigineqarpoq ataasinngorneq aammalu marlunngorneq sapaatip akunnera 26-mi.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk