Skip to main content
138

Dette jobopslag er udløbet

Tasiilami Prinsesse Margrethep Meeqqat angerlarsimaffiia Igasussarsiorpoq

Meeqqat angerlarsimaffiat Prs.Margrethes Børnehjem pikkorissumik igasussarsiorpoq

Isumassarsiullaqqissuuit? Suleqatigiinnullu nutaatut ilanngukkusussinnaavit? peqqissutsimik ukkataqarusuppit? namminerlu atorfimmi suliassanut sunniuteqarnissamut periarfissaqarluarusussinnaavit? taava meeqqat angerlarsimaffianni Prs.Margrethes Børnehjem piaarnerpaamik kingusinnerpaamillu juli-p 1-iani imaluuniit isumaqatigiissuteqarnikkut ulluliinnermi atorfinittussamik igasussarsiorpugut.

Meeqqat angerlarsimaffiat Prs.Margrethes Børnehjem pillugu:
Meeqqat angerlarsimaffiat Prs.Margrethes Børnhjem ulloq unnuarlu meeqqanut angerlarsimaffiup avataanut inissinneqarsimasunut paaqqinnittarfiuvoq Tasiilamiittoq. 14-nik inissaqarpoq, ukiut agguataarneranni 2-miit 14-nut ukiulinnut immikkoortortanut marlunnut agguagaalluni. Immikkoortortani agguaanerni ukiut isiginiarneqakkajuttarput. Meeqqat angerlarsimaffiup avataanut inissinneqarsimasut alliartornerminni ilaatigut sumiginnagaanermik; atornerluinermik assigiinngitsutigut misigitinneqarsimasarput, sinerissamiillu tamaniit aggertuullutik.
Prs.Margrethes Børnhjem aaqqissuussaasumillu maleruagassanut pingaartitsilluta ataqqeqatigiinnermik siunertalimmik meeqqanut  sullissineq ingerlataralutigu. Ulluinnaat aalaakkaasut pingaartitaraagut, atuarneq, sunngiffimmi soqutigisat kiisalu Prs.Margrethes Børnhjem avataani inooqataaneq eqqarsaatigalugit. Weekendini atuanngiffinni feerianilu meeqqat periarfissikkumasarpagut misigisaqartinnissaannik asimut illuaqqaartillugit, piniariartillugit, sisorariartillugit allanulluunniit illoqarfiup iluani aaqqissuussanut peqataatillugit.

Atorfik pillugu:
  • Igasumik allannguinissamut piareersimasumik suleqateqalernissamut piareersimasumik peqqissutsimullu tunngasunik aaqqissuussamik ingerlaavartumik ineriartortitsinissamik aallusserusussuseqartumik pissarsiorpugut.
  • Nammineq suliannik takutitsinissannut ulluinnarnilu sunniuteqartitsinissamut periarfissaqarluassaatit. Nikingasunik suliartortarfeqanngilaq, piffissaq suliffiusussaq ulluunerani pisarpoq, unnukkut imaluunniit weekendini pisarani. 
  • Suliffeqarfiup immikkoortortaanut pingasunut nerisassanik pilersaarusiat isumagissavatit.
  • Immikkoortortanut pingasunut pisiniarneq akisussaaffigissavat, tassani meeqqanik sulisunillu ikiorneqarlutit.
Makku ilinnut naatsorsuutigaagut: 
  • Nerisassanik mamartunik, allanngorartunik, akunnermiliullugu tamulugassanik sulisullu ilaliullugit meeqqat nerisassioqatiginissaat, nerisassiornermut tapersiisinnaavutit kiisalu ataatsimiinnernut, aaqqissussaanut il.il. nerisaqartitsisassallutit.
  • Peqqinnartunik nerisassiornermut piareersaaneq meeqqanut inuusuttuaqqanut inersimasunullu
  • Pisiniarnernut nerisassianullu pilersaarusiornermut akisussaaffeqassaatit.  
  • Meeqqanut vitamininik jernimillu amigaateqartunut aamma meeqqanut sapigalinnut immuullu sukkuanik arrortitsisinnaanngitsunut mamartunik nerisassiorsinnaasutit.
  • Nammineersinnaassuseqartutit, isumassarsiullaqqissuusutit, pikkorittuullutillu eqqissisimasuusutit.
  • Suleqatikkuminartuusutit, suliniuteqarluarusuttuusutit kiisalu akisussaassuseqartuullutit, aamma suliassatit naammassisaritit. 
  • Piffissaq eqqorlugu takkuttartutit takujuminartuullutillu.
  • Suliatigut naleqquttumik igasutut ilinniagaqartutit.
  • Naleqquttumik misilittagaqartutit – ajornanngippat nerisani immikkut ittuni ullormullu nerisassiornermi misilittagaqartutit
  • Igaffimmi eqqiluisaarnermut nakkutiginnilluartuusutit.
  • Kalaallisut qallunaatullu oqallorinnerit iluaqutaassaaq.
Uku neqeroorutigivagut:
  • Atorfik pissanganartoq annertuumillu akisussaaffimmik nassatalik.
  • Suliffiup avatangiisaani suleqatigiilluarneq, immitsinnut paarineq, ataasiakkaallu peqqissusaat atugarissaarnissaallu pingaartinneqarput.
  • Sapaatip akunneranut nalunaaquttap akunneri 40-t suliffiusut, unnukkut weekendinilu freerneq. Taamaattorli arfininngornerit akuttusuunik neristsineq ingerlanneqarsinnaasarpoq; assers. Grillerisitsinermik imal. Juullikkuni (arfininngornikkut nereqatigiinnermi 
  • Akissarsiat atorfininnermilu atugassarititaasut isumaqatigiissutaasut naapertorlugit ingerlanneqassapput.

Attavissat qinnuteqarnerlu
Atorfik pillugu paasisaqarnerorusukkuit saaffiginnissinnaanernut tikilluaqquatsigit. Forstanderimut Mitdlaraq Motzfeldt Olsen oqar.: +299 56 55 78 imal. mmo@pmb.nanoq.gl imal. Souschefimut Frederik Hesselund Søgaard +299 59 45 08 imal. frhs@nanoq.gl 

Namminersorlutik Oqartussat pillugit paasissutissat nittartakkami uani nassaarineqarsinnaapput www.naalakkersuisut.gl. 

Qinnuteqaat imatut ilisarnaasissaaq “Igasoq” aamma CV, ilinniarsimasanut uppernarsaatit, ilinniarnerup ingerlanerani soraarummeersimanernut uppernarsaatit kiisalu paasissutissat allat pisariaqarsinnaasut nassiunneqassapput.
Qinnuteqarnissamut killigititaasoq tassaavoq pingasunngorneq 15.juni 2022. Oqaloqatiginninnerit ingerlaavartumik ingerlanneqassapput. Atorfik www.naalakkersuisut.gl-ikkut qinnuteqarfigineqassaaq Atorfiit ataani.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.   Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk