Skip to main content
89

Dette jobopslag er udløbet

Tasiilami Prinsesse Margrethep Meeqqat angerlarsimaffianut pisortamut tullissarsiorneq

Prinsesse Margrethep Meeqqanut Angerlarsimaffia Tasiilami Kalaallit Nunaata kangiani inissisimavoq, meeqqallu angerlarsimaffiat Namminersorlutik Oqartussanit ingerlanneqartoq immikkoortortaqarfigaalu: sullitat ukiui naapertorlugit Meeqqanut Inuusuttunullu immikkoortortaqarfiit marluk, ukioqanngitsuniit 18-inut ukiulinnut meeqqanut inuusuttunullu 18-inut inissaqarpoq.
Meeqqanut Inuusuttunullu immikkoortortaqarfiit saniatigut inersimasunut innarluutilinnut ulloq unnuarlu paaqqinnittarfeqarpoq, Nasippi, arfinilinnut inissalik. Nasippip immikkoortortaqarfiata ataani inersimasunut innarluutilinnut ulluunerani sammisassaqartitsisoqartarpoq, ilaatigut Nasippimit ilaatigullu illoqarfimmit. Immikkoortortaqarfiit akornanni suleqatigiittoqartarpoq tamanullu sammisassaqartitsisoqartarluni.
Meeqqanut angerlarsimaffik nunaqarfimmi inuerunnikumi illuaraateqarpoq, angallateqarpoq, minihaliuteqarpoq qamuteralaateqarlunilu.
 
Perorsaasutut assigisaanilluunniit ilinniagaqarpit, tamakkiisumik isiginnillaqqissuuit aammalu aqutsisoqatigiinnut ilanngutissallutit piumassuseqarpit sapiissuseqarlutillu aamma suliffeqatigiiffimmi arlalinnik kultureqarfiusumi suleqatigiinnissamut, tassanilu allaanerusumik iliuuseqarnissaq peqataaffigissallugu kajumissuseqarpit? - Taava immaqa tassa illit pisortamut tullersortissaq nutaaq

Ulloq sulilerfissaq: 1. januari 2020 imaluunniit isumaqatigiissuteqarnikkut.

Atorfik pillugu:

  • Aqutsisoqatigiinnut ilaassaatit, tassani pisortap pisortallu tullersortaata saniatigut immikkoortortaqarfimmi pisortat pingasut ilaapput.
  • Inuunitsinni suliffitsinnilu atukkavut aallaavigalugit, aqutsisut sulisullu suleqatigiinneranni ineriartortuartumi meeqqatsinnut, inuusuttortatsinnut najugaqartuutitsinnullu ulluinnarnik toqqissisimanartunik, ineriartortunik patajaatsunillu pilersitseqataassaatit.
  • Pisortap sulinngiffeqarnerani taartaasassaatit.
  • Allaffissornikkut suliassaqartassaaq, kisimiillutit aammali pisortap, aqutsisoqatigiit Teknikikkullu Allaffissornermi Sulisut suleqatigalugit suliarisassavatit. Aggeruit suna tamaat sapinngikkit nalunngikkillu naatsorsuutigineqanngilaq, suliassat assigiinngitsut iserfiginissaannut piffissalerneqarlutillu inissaqartinneqassaatit, kiisalu suliarisartakkatsinnut ilisimasaqalissallutit.
  • Pisortap oqaloqatigineratigut suliassat piginnaasallu agguataarneqartarput.

Naatsorsuutigaarput:

  • perorsaasutut assigisaanilluunniit ilinniarsimasutit, ajornanngippat aqutsinermut allaffissornermullu tunngasunik misilittagaqassaatit.
  • IT-mik ilisimaarinnissasutit.
  • tamatigoortuunissat aammalu weekendini unnukkullu bagvagtinut aaqqissuussamut ilanngussinnaanissat.
  • patajaatsuunikkut, naammagittartuunikkut, ersarinnikkut, tusarnaartuunikkut, isornianngitsuunikkut qanilaartuunikkullu maligassiuisuunissat.
  • tamakkiisumik isiginnillaqqissuunissat aalajangiinissamut merserisaqannginnissat kiisalu akisussaaffimmik tigusisinnaanissat.
  • suliatigut inuttullu unammilligassanut qununngitsutit.
  • namminersorlutit sulisinnaasutit taamalu pisussaaffeqarluni suleqatigiinnermut suleqataasinnaasutit.
  • sulisunik sulianut inummullu tunngasunik siunersiuisinnaasutit oqaloqateqarsinnaasutillu.
  • aaqqissuussaanerup ilaattut meeqqat angerlarsimaffiani sammisassanik/ileqqutoqqanik meeqqat, inuusuttut, najugaqartut kiisalu sulisut peqatigalugit aaqqissuusseqataasinnaasutit peqataasinnaallutillu.
  • piffissap ilaani meeqqanik angallassinermut aallaarsimaartitsinissanullu atatillugu peqataanissannut aalajangiusimasutit.
  • kalaallisut danskisullu oqalussinnaasutit allassinnaasutillu aammalu kalaallit kulturiannik ilisimasaqartutit.

Neqeroorutigaavut:

  • Suliffeqarfik pinngortitami alutornartorsuarmiittoq, inussiarnersunik inulik aammalu suliffimmi sunngiffimmilu sammisassanik misigisassanillu periarfissalik.
  • Suliffeqarfik aaqqissuussaanermi suliassat assigiinngitsorpassuit pitsaanerpaamik aaqqiiviginiarlugit oqaloqatigiinnikkut soqutigisanik, ilisimasanik piginnaasanillu naapeqatigiinninniarfiusartoq.
  • Suliffeqarfik qiimasuunissamik illaqattaarsinnaanermillu pingaartitsiffiusoq.
  • Suliffeqarfik suliatigut suliffimmilu pissutsinik ineriartortitsiuarnissamik ujartuiujuartoq.



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat sukumiisut
Prinsesse Margrethep Meeqqanut Angerlarsimaffia pillugu, atorfilluunniit allanilluunniit atorfinitsitsinermut tunngasunik annertunerusumik paasisaqarusukkuit, tikilluaqquneqarputit attavigissalllugu pisortaq Brita Larsen oqarasuaatikkut.+299 565578 imaluunniit mail-ikkut pmbforstander@outlook.dk
 
Kingusinnerpaamik qinnuteqarfissaq marlunngorneq ulloq 12. Novemberi  2019 nal. 12.00.
 
Qinnuteqaat ilinniarsimasanut atorfimmut attuumassuteqartunik uppernarsaatinik, pinerluuteqarsimannginnermut uppernarsaammik, siusinnerusukkut atorfigisimasanit oqaaseqaatinik, Prinsesse Margrethep meeqqanut angerlarsimaffiup oqaaseqaatiliortumut attaveqarnissaanut akuersissutitalinnik imaqassaaq. Atorfinitsitsiniarnerup ilaattut meeqqanik pinerliisimannginnermut uppernarsaammik aamma piniartoqassaaq.
 
Atorfinitsitsinissamut oqaloqateqarnissat sapaatip akunnerani 46-mi ingerlanneqarnissaat naatsorsuutigineqarput.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk