Skip to main content
128

Dette jobopslag er udløbet

Tarnip pissusaanik immikkkut ilisimasalik immaqaluunniit tarnikkut katsorsaasussarsiorpugut Qaqortumi immikkoortortaqarfitsinni, Kalaallit Nunaanni Nuna Tamakkerlugu Ilitsersuisarfimmi

Tarnip pissusaanik immikkkut ilisimasalik immaqaluunniit tarnikkut katsorsaasussarsiorpugut Qaqortumi immikkoortortaqarfitsinni, Kalaallit Nunaanni Nuna Tamakkerlugu Ilitsersuisarfimmi

Massakkorpiaq tarnip pissusaanik immikkut ilisimasalimmik immaqaluunniit tarnikkut katsorsaasumik atorfinitsitassamik sulisussarsiorpugut. Atorfik kissaatigineqarpoq januarip aallaqqaataani inuttalerneqarsimassasoq immaqaluunniit januaarip aallaqqaataa sioqqullugu atorfinittoqarsinnaavortaaq. Ilinniartunut Siunnersuisarfik tallimanik immikkoortortaqarfeqarpoq, aqqaneq marluk missaaniittunik sulisoqarluni, taakku illoqarfinni ukunani agguataarsimapput: Ilulissat, Aasiaat, Sisimiut, Nuuk aamma Qaqortoq. Suliaqarfiit akimorlugit suleqatigiinni ilaassaatit, tarnip pissusaanik immikkut ilisimasallit aamma tarnikkut katsorsaasut peqatigalugit, immikkoortortaqarfiit tallimaasuni agguataarsimasuni. Atorfillit tamarmik Nuna Tamakkerlugu Ilitsersuisarfimmi tarnip pissusaanut immikkut ilisimasallit ittuannut imaqarniliortassapput.
Nuna Tamakkerlugu Ilinniartunut Siunnersuisarfik pisortaniit ingerlanneqarpoq, akeqanngitsoq Nuna Tamakkerlugu Ilitsersuisarfimmiit ilinniartunut neqeroorutigineqartoq.

Suliassat
Ilinniartunut Siunnersuisarfimmi tarnip pissusaanik immikkut ilisimasalittut pingaarnertut suliassarissavat tarnikkut katsorsaanermi ingerlataqarnermi ilinniartunik ataasiakkaanik oqaloqateqarnermi ingerlatsineq. Taassuma saniatigut periarfissaqarputit atorfinni sunneeqataanissannut, suliniutinik nutaanik aallartitsinikkut, anguniakkatsinni pingaarnertut ilinniarfinni uniinnartarnerup annikillisarniarnissaanut aamma ilinniartut iluarisimaarinninnerannut qaffassaataasussamik suliaqarninni.
Suliffeqarfiup ineriartornissaa ukkattuarparput, sullitanut suleqatinullu ilinniarfiusuni. Aammattaaq suleriutsinik pilersitserusuttunut isumassarsiorsinnaaneq kaammattuutigivarput anguniakkatta angunissaanut naapertuuttumik. Taassumap malitsigisaanik akulikittumik suleqatigiit akornanni naapeqatigiinneq ingerlanneqartarpoq.

Taassuma saniatigut sulilluni angalaneq aamma periarfissaavoq, illit suliassarissavat Ilinniartunut Siunnersuisarfik sinnerlugu suleqatinut ilinniartunullu sinniisuussallutit. Qaqortumiit Narsaq aamma Nanortalik ukiumut marloria tikeraarneqartarput.

Inuusuttut inersimasullu ilinniartut sullitarivagut, taamaammat ilinniarnermut, -socialimi aamma peqqinnissaqarfiup ingerlanneqarnerani ilisimasaqaruit iluaqutaassaaq.
Sullitat amerlanerpaartaat sumiiffimmi immikkoortortaqarfimmut ornigullutik oqaloqatiginnikkiartortarput, kisianni aamma pisariaqarsinnaasarpoq Teams atorlugu ilinniartunut oqaloqatiginninnissaq, sullitaq immikkoortortaqarfeqanngitsumi illoqarfeqarpat.

Sulinermi atugassarititaasut aamma sulianik pikkorissuseq
Suliffeqarfiuvugut ataatsimoornermik aamma iluarisimaarinninnermik pingaartitsisut. Taamaammat katsorsaanermi sinaakkutinik ersarissunik ineriartortitsinikuuvugut, sulisutsinnut qasoqqanermik eqqugaannginnissaq anguniarlugu, aammalu tarnikkut katsorsaanermi pitsaassuseq qaffasissoq ingerlatiinnarnissaa qulakkeerniarlugu. Tamanna isumaqarpoq sullitanik ingerlatsinermi annerpaamik 20-nik amerlassusilinnik ataatsikkut sullissisinnaaneq, aamma naatsorsuutaanngilaq ullormut pingasunit amerlanerusunik tarnikkut katsorsaanermi oqaloqateqartarnissaq. Taassuma saniatigut soorunami sulinerup nalaani ilinniarnissamut aamma ilitsersorneqarnissamut periarfissiinikuuvut.

Suleqatigiinni pikkorissorsuarni ataatsimoornertut misigineq ataavartinniarlugu, aalajangersimasumik naapeqatigiittarpugut, suliffeqarfiup iluani ilisimasanik avitseqatigiinnermik, suliffeqarfiup iluani ilitsersorneqarnermik, atuakkakkanik atuaqatigiittarfimmik, iluarisimaarinninnermut anguniarlugu naapeqatigiinnissamut piffissaliinikuuvugut (ullaakkut sammisaqaqatigiinneq- sapaatip akunnera allortarlugu). Taassuma saniatigut aamma suleqatigiit sumiiffinnit assigiinngitsuneersut ukiumut marloriarlutik ataatsimoortarput suliffeqarfiup ineriartortinnissaanut siunertaqartumik, angalaqatigiittarlutillu. Ukiumut ataasiarlutik aamma immikkoortortaqarfimmi suleqatigiillutik angalaqatigiittarput misigisassarsioriarlutik.

Sullitatsinnut katsoorsaaneq pitsaanerpaaq tunniussinnaajumallugu sullissisoq ataaseq atorfinitsinneqaraangami ukiumut 30.000 kr nalinganik missingersuuserneqartarpoq ukiumoortumik atorsinnaasaminik, taakku nammineq toqqarsinnaavai sumut atussanerlugit, aamma 30.000 kr nammineq toqqakkaminik ilinniarnermut atorsinnaavai.

Atorfinitsinneqarnermi suliffimmi ikinngutissamik (buddy-team)-imik suleqatissamik tunineqartarpoq, taassuma ilikkagassanik aamma sulianik atuutsitsilernermi, sulinermilu atortunik ilinniartitsinermi ikiutaassaaq. Sapaatip akunneranut aaliangersimasumik ataatsimiittassaasi. Ataatsimiinnerit taakku aaliangersimasut saniatigut atorfinitsinneqarnermi qaammatit siulliit marluk tarnip pissusaanik immikkut ilisimasallit naalagaat piffissami aaliangersimasuni ataatsimeeqatigisassavat sulinerpit aallartisarnerani tapersersorneqarninni.

Qaqortumi immikkoortortaqarfik
Qaqortoq 3.050-nik innuttaqarluni Kujataani illoqarfiit annersaraat, assigiinngitsunik misigisassaqarluni, ajunngittunik arlalinnik neriniartarfeqarpoq, kattuffiit eqeersimaartut timersorfissanillu periarfissaqarluni. Kujaatata ilisimaneqaatigivaa silaannaa kiannerugami, qaqqanik kusanartumik qorsooqqitsitsisumik, pisuttuarnissamullu periarfissagissaarluni pinngortitami kusanarluinnartumi.

Ilinniit piumasaqaatit:

  • Tarnip pissusaanik immikkut ilisimasalittut ilinniarsimassasutit, atortussanngortinneqareersimanerit pitsaassaaq immaqakuuniit taassuma pinissaanut ingerlassilererrsimaguit.
  • Tarnikkut katsorsaanermik ilinniagaqartutit Dansk psykoterapeut foreningimit akuerisamik.
  • Ataasiakkaanik katsorsaanermik misilittagaqaruit.
  • Ilinniartitsinermik saqqumiinermillu misilittagaqaruit.
  • Suliaqarfiit akimorlugit sulinissannut piginnaasaqarlutillu piumassuseqartutit.
  • Unamminarsinnaasunik suliaqarnissannut atugassarititanullu piumassuseqaruit neqeroorummut nutaajusumut.
  • Ataqatigiissaarillaqqikkuit.
  • Qarasaasiat atornissaanut ilisimasaqaruit.
  • Immaqalu oqarasuaatikkut nittartakkakkullu siunnersuineq ilisimasaqarfigalugu.
  • Iluaqutaassaaqaaq kalaallisut qallunaatut tuluttullu piginnaasaqaruit.

Tunniussinnaavarput:

  • Kalaallit Nunaanni ilinniarnerup tungaatigut annertuumik allanngueqataaneq.
  • Atorfik sulinermi inuttutllu ineriartornissamut periarfissalik.
  • Suliffiup iluani aamma avataani ilitsersorneqarnissamut periarfissat pitsaasut aamma ilinniaqqinnissamut periarfissat.
  • Suliffeqarfik allanngorartoq.
  • Suleqatitsialaat pikkorissunik tunniusimasunillu sulisulik.

Sulinerup sivisussusaa sapaatip akunneranut 40 tiiminik sivisussusilimmik aallaaveqarpoq.

Atorfimmut soqutiginnippit?:
Qulaani pineqartut soqutiginnilersippaatit? Paasissutissanillu annertunerusunik pisariaqartitsiguit Tarnip pissusaanik ilisimasallit ittuat attaviginissaanut tikilluaqqusaavutit, uunga:
Bjørn Noer tlf. +299 250362 mail: bjno@aqqut.gl

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 14.-at, 2022
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk