Skip to main content
142

Dette jobopslag er udløbet

Sungiusarfik Aaqa persorsaasunik assigisaanniluunniit marlinnik sulisussarsiorpoq

Sungiusarfik Aaqa tassaavoq nuna tamakkerlugu ulloq unnuarlu najugaqarfik, arfineq marlunnik immikkoortortalik. Immikkoortortaqarfiit arfinillit 30-imik inissalik, ornittagarlu 15-imik atuisulik. Najugaqartut tamarmik skizofrenimik nappaatilittut suussusersineqarnikuupput. Aaqa suliffeqarfiuvoq ineriartortoq. Periarfissaqartitsilluni supervision-ernissamik, ineriartornissamik tunngavilimmik oqaloqatiginninnermik, pikkorissartarnerillu naleqqussakkat.

Suliaminut tunniusimalluartumik ulluinnarni suleqatit peqatigalugit sullissisinnaasumik suleqatissarsiorpugut. Ukiumut ataasiarluni sulisunut tamanut psykiatri-mik pikkorissarneq ulluni marlunni/pingasuni sivisussusilimmuk ingerlanneqartarpoq. Aaqa nammineerluni akerleriissuteqarnermi iliuusiusartunik tunngasunik ilitsersuisoqarpoq, qaammatit pingasukkaarlugit sulisunik ilitsersuisartunik. Tamatumasaniatsigut Aaqa ilinniartitsinernik assigiinngitsunik aaqqissuisarpoq.

 Atorfimmut tunngasut:

  • Inunnik perorsaasutut imaluuniit sundheds- imal. socialhjælperitut assigisaanniluunniit ilinniarsimaneq.
  • Tarnikkut peqqissuunissat.
  • Qiimasuuneq suleqatinik najugaqartunullu qanilaartuuneq.
  • Sutigut tamatigut suleqatigiillu iluanni suleqatigiilluarnissamut piareersimassuuneq.
  • Tusaalluarniartuuneq suleqatikkuminartuunerlu.
  • Najugaqartut angalaneranni ilaasinnaaneq il. il.
  • Sulilluartoq pitsaasaqaarlu kalaallisut atuisinnaaneq.
  • Pillagaasimannginnermik allagartamik peqarneq.

Naatsorsuutigaarput:

  • Suleqat sulilluartoq.
  • Tarnimikkut nappaatilinnik sullissisinermik misilittagalik.

Piffissaq sapaatip akunneranut suliffiusartoq: Akunnerit 40-t.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk