Skip to main content
91

Dette jobopslag er udløbet

Sungiusarfik Aaqa kontorfuldmægtigimik sulisussarsiorpoq

Sungiusarfik Aaqap allaffia kontorfuldmægtiimik sulissussarsiorpoq. Atorfik piaartumik sulisussarsiorpoq imaluunnit  isumaqatigiissuteqarnikkut sulilersussamik.

Sungiusarfik Aaqa nuna tamakkerlugu ulloq unnuarlu najugaqarfiuvoq arfineq marlunnik immikkoortortalik, immikkoortortallu arfinillit 30-inik inissalik, ornittagarlu 15-inik atuisulik. Najugaqartut tamarmik skizofreni-mik nappaatilittut suussusersineqarnikuupput. Aaqa suliffeqarfiuvoq ineriartortoq, 100-inik sulisulik immikkoortortani assingiinngitsuni sulisut. Supervisionernissamik periarfissaqarpoq, ineriartornissamillu oqaloqatiginnittarnerit kiisalu pikkorissartarnissat periarfissaallutik.

Suliassatut makkua ilaatigut taaneqarsinnaapput: Naatsorsuutinut tunngasunik suliaqarneq, naatsorsuutinik allattuineq, naligissaanerit kontonik bank-ilu, debitor aamma kreditor, angalanernut tunngasunnik naatsorsuutit, akiligassanik nakkutiginninneq aammalu atortunik  malinnaasitsineq. Suliassat allat eqqaaneqarsinnaapput sulilersussap ilinniakkatut tunulequtaa tunngavigalugit.

Suliassat immikkoortortami aqutsisoq suleqatigalugu ingerlanneqassapput.

Suliassatut maakkua ilaatigut taaneqarsinnaapput:

  •  IRIS-imik atuilluni akiligassanik allanneq.
  • Akunnermisiallit aammalu qaammammusialinnik sullissineq.
  • Qaamatikkaartumik aammalu ukiumoortumik naatsorsuutinik nalimmassaaneq.
  • Angalanissat isumagalugit, hotel il.il. aammalu angalanernut tungasunut naatsorsuutit.
  • Tapiiffigineqarluni qinnuteqaatinik nakkutigalugit.
  • Aningaasaliinissanut suliaqarneq.
  • Allafimmi suliassat naliginnaat, aammalu Aaqap immikkortortaaniit.
  • Naatsorsuutigisinnaallugu angalasseqataasinnaaneq, immikkut suliaqarluni angalaneq aammalu aasarsiortarfiliarsinnaaneq.

Naatsorsuutigaarput:

  • Suleqat sulilluartoq.
  • Aningaasaqarnermut naatsorsuutinillu suliaqarsinnaasoq aammalu  XAL og IRIS atuisinnaasoq.
  • Tarnikkut nukittuujuneq, qanimajaatsuuneq nammineersinnaassuseqarnerlu.
  • Qiimasuuneq suleqatinut atuisunullu akaarinnittoq.
  • Sulisunik kulturikkut aaliangersimasunut pituttorsimanngitsunik suleqateqarusussinnaaneq.
  • Ilinniakkamik tunngasumik ineriartorsunneq.
  • Suliumassusilik aammalu oqaatsinik marlunnik atuisuuneq, kalaallisut/qallunaatullu.
  • Pinerluuteqarsimannginnermut allagartaq uppernarsaat.
  • Sulianut misilittagalik aammalu tarnikkut nappalinnik sullisisinnaasoq


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk