Skip to main content
122

Dette jobopslag er udløbet

Sungiusarfik Aaqa igasumik igaffimmi ikiortimiluuniit sulisussarsiorpoq

Sungiusarfik Aaqa tassaavoq nuna tamakkerlugu ulloq unnuarlu najugaqarfik, arfineq marlunnik immikkoortortalik. Immikkoortortaqarfiit arfinillit 30-imik inissalik, ornittagarlu 15-imik atuisulik. Najugaqartut tamarmik skizofrenimik nappaatilittut suussusersineqarnikuupput. Aaqa suliffeqarfiuvoq ineriartortoq. Periarfissaqartitsilluni supervision-ernissamik, ineriartornissamik tunngavilimmik oqaloqatiginninnermik, pikkorissartarnerillu naleqqussakkat.

Suliaminut tunniusimalluartumik igaffimmut suleqatissarsiorpugut, ulluinnarni suleqatit peqatigalugit sullissisinnaasumik.
 
Suliassat
Suliassat pigaarnerit suleqwaitigisat peqatigalugit tassaavoq Aaqami najugaqartut sulisullu iggassallugit. Piffissap suliffiusartup allanngoranissaa ilimagisariaqarpoq ilaatigulli weekendimi sulisarnissaq. Naatsorsuutigineqassaaq suliffik pisoqartuartoq sukkassuumilli suliassaqartuartuusumik suliffigisinnaasagaa.
Ullut tamaasa inuit 70 miss.  kissartunik nillertunillu nerisassiuttarpagut. Aamma iffiortoqartarpoq.

Sulisoq qullersaraa igaffimmi nungiu.
 
Makkuninnga piginnaasariaqarpoq

  • Igasutut, igaffimmi assistentitut assingissaanilluunniit ilinniagaqarneq
  • Tarnikkut nukuttuneq aamma qajannaatsoq
  • Qiimasuuneq suleqatinut najugaqartunullu akaarinnittoq
  • Suleqatigiinni kulturip killingi akimorlugit ilinniakkallu tamat akornanni inissisimasinnaaneq
  • Ilinniakkamik ineriartortitserusunneq
  • Aalajaatsuuneq marlunnillu oqaaseqartuusinnaaneq
  • Pillagaasimannginnerup allartaanik peqarneq

Naatsorsuutigaarput
Suleqat sulilluartoq
Tarnikkut nappaatilinnik misilittagaqarlunilu sullissisinnaasoq.

Piffissaq sapaatip akunneranut suliffiusartoq: akunnerit 40-t
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk