Skip to main content
97

Dette jobopslag er udløbet

Sulisunut tunngasunik inatsisileritooq

Inatsisilerinermut tunngatillugu malittarisassanut sulisitsisut sulinermillu inuussutissarsiuteqartut akornanni atuuttunut inatsisileritooq
Sulisoqarnermut Inatsisilerinermullu Allaffimmut inatsisilerituussarsiorpugut. Allaffik sulisoqarnermut inatsisilerituunik pingasunik sulisoqarnermullu siunnersortinik tallimanik sulisoqarpoq. Allaffeqarfik Namminersorlutik Oqartussat Aningaasaqarnermut Sulisoqarnermullu Aqutsisoqarfiup Sulisunut immikkoortortaqarfiata ilagaa, Aningaasaqarnermut Naalakkersuisoqarfiup ataaniittoq.

Aningaasaqarnermut Sulisoqarnermullu Aqutsisoqarfik suliffittut
Immikkoortoqarfiuvugut ineriartorfiusorujussuarmi pissanganartorpassuarnik suliassaqartarluta. Suliassatta pingaarnersaraat Namminersorlutik Oqartussat Qitiusumik allaffissuani aqutsisunut, kalaallit nunaanni peqqinnissaqarfimmi, naalakkersuisoqarfiit aqutsisoqarfiillu immikkoortortanut ataaniittunut aammalu suliffinnut imminut ingerlatinneqartunut kiffartuussinissaq. Sulisoqarnermi Inatsisilerinermut Isumaqatigiissutilerinermullu Allaffimmi aqutsisut siunnersortarlugillu sullinneqartarput, atorfinitsitsinermi isumaqatigiissutinik suliaqartoqartarluni sulisunullu tunngasunik sulianik aamma suliaqartarluni.  Immikkoortortaqarfik qaffasissumik suliaqarnermik ilinniagaqarfiuvoq ajunngitsumillu suleqatigiiffiulluarluni.

Suliassatit ukuussapput:

  • Namminersorlutik Oqartussani aningaasarsiatigut atorfeqarnermilu atugassarititat pillugit pisortanik inatsisilerinikkut siunnersuisarneq
  • Atorfinitsitsinermi inatsisitigut allakkiorneq kiisalu ilitsersuisarnerit aammalu malittarisassanik suliaqartarneq
  • Pissusissanik malinnilluarnissamut tunngatillugu suliat
  • Sulisoqarnermik ingerlatsinissat suliarineqartarnera
  • Namminersorlutik Oqartussani aqutsisunik aqutsinermut inatsisilerinermik aamma atorfinitsitsisarnermi inatsisilerinermik sulisunik ilinniartitsineq
  • Naalakkersuisunik Aningaasaqarnermillu kiffartuussisarnerit taakkununnga ilaallutik Inatsisartunit apeqquteqaatit
  • Isumaqatigiissitsiniarluni ataatsimiinnernik ilaatigut pissusissanik malinnilluarnissamut sulianut, soraarnermi isumaqatigiissutinut aamma aningaasarsiatigut inissinneqarsimanermi isumaqatigiinngissutsinut atatillugit isumaginnittarneq.


Oqaaseqarnermut taakkununnga amerlanernut angersinnaaguit immaqa taava illit suleqatissarivatsigit:

Ilinniagaqarnikkut sulianut piginnaasat:

  • Ilinniakkat tassaassaaq cand.merc. jur. cand.jur. imaluunniit inatsisilerinermik assingusumik tunuliaqutaqarlutit
  • Ilaatigut peqqinnissaqarfimmut, allaffeqarnermut aamma AC-mut tunngasut iluini isumaqatigiissutinik misilittagaqartuuvutit/soqutigisaqartuuvutit
  • Inunnut ataasiakkaanut atorfinitsitsinermi pisinnaatitaaffiinut, inuillu arlallit sulinermi pisinnaatitaaffiinik aamma isumaqatiginninniartarneq pillugu ilisimasaqarputit
  • Inatsisiliornikkut aaqqiissutissanik takunnissinnaassuseqarluarputit
  • Allattariarsornikkut oqaatsitigullu pitsaasumik attaveqaqateqarsinnaassuseqarlutillu oqaasertalersuisinnaassuseqarluarputit


Inuttut piginnaasat:

  • Inuttut ajunngitsuuvutit, kiffartuussinermut sammisuullutit, akuersaartuullutit asialuillutillu
  • Suleqatigiuminartuuvutit, isumasioqatigiuminartoq aamma suleqatinnut ilisimasannik avitsilluarsinnaallutit
  • Unammillernartumik suliaqassallutit naammassinnissallutillu tunuarsimaartuunngilatit
  • Ulluinnarni suliffimmi sulissallutit nuannarivat, sunniuteqarluartumik, aaqqissuulluakkamik namminersorfiusumillu sulisoqarfiusumi
  • Kalaallit Nunaanni inuiaqatigiinni pissutsinik oqaatsinillu ilisimasaqarneq iluaqutaassaqaaq.


Ilaatigut makkua neqeroorutigaagut:

  • Suliffik sulisunik pimoorussisunik sulisulik
  • Pilersaarusiornikkut aaqqissuussaasumillu killiffimmi sulianik ilinniagaqarsimanikkut sunniivigeqatigiittarluni ataatsimoorneq
  • Inuttut sulisutullu ineriartornissamut periarfissat.


Sapaatip akunneranut nalunaaquttap akunneri 40-t suliffiusarput.

Ulloq atorfinitsitaaffissaq tassaavoq 1. januar 2021 isumaqatigiissuteqarnikkulluunniit.
Atorfik pillugu annertunerusumik paasisaqarusukkuit una attavigissallugu tikilluaqquneqarputit:
Sulisoqarnermut Pisortaq
Rikke Skram-Skuldbøl
Oqarasuaat +299 34 64 29 imaluunniit mailadressimut: risk@nanoq gl
Namminersorlutik Oqartussat pillugit sukumiinerusumik paasissutissat pillugit, takuuk naalakkersuisut.gl  aammalu Aningaasaqarnermut Sulisoqarnermullu Aqutsisoqarfik pillugu takuuk asa.gl

Qinnuteqarfissaq kingulleq tassaavoq 15 november 2020.

Qinnuteqartut misilitsinnissartik naatsorsuutigissavaat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk