Skip to main content
83

Dette jobopslag er udløbet

Sulisunik Ineriartortitsinermut Immikkoortortaqarfiup allaffiani siunnersortissarsiorneq

Namminersorlutik Oqartussani sulisut piginnaasaannik ineriartortitsisut suleqatigerusuppigit? Taava illit tassaavutit Aningaasaqarnermut Sulisoqarnermullu Aqutsisoqarfimmi Sulisunik Ineriartortitsinermut Immikkoortortaqarfimmi ujartugarput. Aningaasaqarnermut Sulisoqarnermullu Aqutsisoqarfik suliffeqarfiuvoq pissanganartoq assigiinngitsunillu suliaqarfiusoq, ilaatigut siunnersuisarnerup sulisunullu tunngasunik allaffissornerup iluani Namminersorlutik Oqartussat Qitiusumik Allaffeqarfiata sinneranik kiffartuussisoq.

Sulisunik Ineriartortitsinermut Immikkoortortaqarfiup allaffiani Kalaallit Nunaata ineriartortinneqarnissaa suliarisarparput sapinngisamik amerlasuunik Namminersorlutik Oqartussat Qitiusumik Allaffeqarfiani kiisalu suliffeqarfinni 
namminersortuutitani ilinniartitsinikkut. Aammattaaq ilaatigut  sulisussarsiortarnernik, sulisut sulisoriinnarnissaannik, atugarissaartitsinernik aamma aaqqissuussaanermik ineriartortitsinernik suliaqartarpugut.  Tassa allaffiup ulluinnarni suliassaanik ataqatigiissaarinermi aqutsinermilu pingaarutilimmik suleqataassaatit.

Ulluinnarni sulinerit ingerlatsinermi ineriartortitsinermilu suliassaqarfiusassaaq. Taamaattumik pingaaruteqarpoq, suliffimmi ulapaarfiusumi suliassanik assigiinngiiaartunik iluarusullutit sulisinnaanissat. Suliassatit pingaarnerit makkuupput:

  • Missingersuutinik aamma aningaasanik aqutsineq
  • Angalanissanik unnuiffissanillu inniminniineq
  • Atorfinitsitsinermi suliunnaarnernilu allaffissorneq
  • Ilinniartunik ataqatigiissaarineq
  • Kalaallit Nunaata suliffeqarfiinik nittarsaassinermut Ilinniartitaanernullu takutitsivinnut ataqatigiissaarineq
  • Allaffiup pisortaa allaffimmi suliassanik ataqatigiissaarineranik ikiorlugu
  • Pikkorissaanernik ineriartortitsinermi, pilersaarusiornermi ingerlatsinermilu ikiuunneq


Suleqatissarsiorpugut:

  • Bacheloritut qaffasitsigisumik imaluunniit allaffimmiutut ilinniagaqarsimasoq, ajornanngippat atorfimmut assingusumik misilittagalik.
  • Qarasaasialerinermik ilisimasaqarluartoq ajornanngippallu XALimik IRIS-imillu ilisimasaqarluartoq
  • Allattariarsornikkut oqaatsitigullu attaveqaqatigiittarnikkut piginnaasaqarluartoq


Ujartugarput tassaavoq illit imminut ilisarisinnaasoq:

  • Tigussaasumik pitsaasumillu suleqatikkuminartutut
  • Aaqqissuussaasumik, eqeersimaartumik pitsaasumillu nammineerluni sulisinnaassuseqartutut
  • Tamakkiisumik isiginnissinnaassuseqartutut aamma suliassanik arlalinnik aqutsisinnaassuseqartutut, allaat ulapaarfinni 
  • Kiffartuussillaqqissutut,ilakkuminartutut aamma attaveqarfissanik pilersitsillaqqissutut
  • Isumasioqatigiuminartutut aamma suleqatinut ilisimasanik avitseqateqarsinnaasutut


Kalaallit kulturiannut aamma inuiaqatigiinnut kalaallinut kiisalu pisortat suliffeqarfiutaannut ilisimasaqaruit iluaqutaassaaq.  Aammattaaq kalaallit danskillu oqaasiinik piginnaasaqarneq iluaqutaassaaq.

Atorfinitsitsineq:
Atorfik 1. oktober 2020-mi inuttalerneqarusuppoq imaluunniit isumaqatigiissuteqarnikkut.

Ulloq qinnuteqarfissaq kingulleq
Qinnuteqaat CV-mik aamma soraarummeersimanermut uppernarsaatit nuutinnerinik ilallugu link ataaniittoq aqqutigalugu nassiunneqassaaq kingusinnerpaamik 13. august 2020.  E-mailikkut qinnuteqaatinik tigusineq ajorpugut.  Atorfinitsitsiniarluni oqaloqatiginninnerit  17. august 2020 ingerlanneqassapput.
Atorfik pillugu apeqqutissaqaruit tikilluaqquneqarputit attavigissallugu suliamut tunngasunik aqutsisoq Jørgen Juel Jessen ugguuna jjje@nanoq.gl imaluunniit oqarasuaatikkut +299 345222

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk