Skip to main content
131

Dette jobopslag er udløbet

Sulisoqarnermut siunnersorti Sulisoqarnermut Pitsaaliuinermullu Aqutsiveqarfimmut

Kiffartuussisinnaassuseqarpit kiisalu sulisugut aqutsisugullu pitsaanerpaamik sinaakkutaqarnissaannut sullisserusussuseqarlutit?
 
Immitsinnut pisariaqartippugut
Peqqissutsimut Pitsaaliuinermullu Aqutsisoqarfik Namminersornerullutik Oqartussat Peqqissutsimullu Naalakkersuisoqarfiup ataani inissisimavoq. Kalaallit Nunaanni Peqqinnissaqarfimmi Kalaallit Nunaannilu Kigutileriffeqarfiup iluani sulisunut kiffartuussissaatit siunnersuisassallutillu. Sulisoqarnermut suliassat assigiinngitsut suliarisarpagut taakkunanngalu suliaqarniarnitsinni immikkoortortaqarfinni aqutsisunit paasissutissat pissarsiagut aallaavigisarpagut. Suleqatigut akissarsialerivimmiittut suliagut suliarilluarneqarnissaat eqqortumik akissarsiaqartitsinissaminnut pisariaqartittarpaat.
 
Nammineq akisussaaffeqarfeqassaatit
Suliassatit pingaarnerit sulisoqarnerut iluani suliassaassapput. Akisussaaffigissavatit peqqissaasut, ernisussiortut tarnillu pissusaanut immikkut ilisimasallit, taakkunani sulisoqarnerut iluani suliassanik suliaqartassaatit assersuutigalugu isumaqatigiissusiornerit, isumaqatigiissusianik nassuiaanerit, siunnersuinerit soraarniuteqarnernik suliaqarnerit assigisaalu.
 
Suleqatitit allat peqatigalugit atorfinitsitsinerup iluani aamma akisussaaffeqarfeqassaatit tassanilu suliassavit ilarissavaat nittarsaassassanik Mindkeyimut ikkussuineq, qinnuteqartunillu nalunaarsuineq. Kiisalu piffissap ilaani aviiseeqqamut naatsumik ilanngutassiortartussaallutit, taamaasillutillu pilersitsisinnaassutsit tassani aamma pisariaqartinneqassalluni.
 
Ulluinnarni suleqatigiinneq periarfissarpassuillu
Pikkorissuseq kiffartuussisinnaalluarnerlu pingaartittorujussuuagut, taamaattumik ullaat tamaasa ullormut suliassat agguataarneqartarput, tassanilu aamma sulianut aaliangersimasunut isumasioqateqarsinnaassallutit. Allaffeqarfigut ammasuupput taamaattumillu ullup ingerlanerani pisariaqartitsisoqartillugu isumasioqatigiittoqarsinnaasarpoq nuannisalaarnissarpullu aamma inissaqartittarlutigu.
 
Allaffissornerup inatsisilerinerulluunniit iluani ilinniarsimaneq aaqqissuussamillu suliaqarsinnaassuseqarneq
Piumasaqataavoq allaffissornerup inatsisilerinerulluunniit iluani ilinniarsimasuunissat suliassavimmi annerpaataat tassaammata isumaqatigiissusini nassuiaanerit. Tamassuma saniatigut IT-mik atuisinnaassaatit IT-milu programminut atorneqartunut soorlu Mindkeyimut, F2-mut, Outlookimut akissarsiaqartitsinermullu atortorisatsinnut ilisimasaqassallutit.
 
Ujartugarput kiffartuusserusussuseqassaaq suleriaatsiminilu tusarnaarsinnaassuseqassalluni tassami ulluinnarni sulisorpassuit aqutsisorpassuillu attaveqaqatigineqartartussaammata. Aaqqissuussamik sulisinnaassaatit, namminersorsinnaassuseqassaatit kiisalu suliannut suleqatinnullu ataqqinnittuussaallutit. Suliarisartakkagut piffissami aaliangersimasumi suliassaakkajuttarput suleqatittalu suliassatik suliarissagunikkit piffissaq eqqorlugu suliaqartoqarnissaa pisariaqartittarlugu.
 
Pisuttuarneq, seqineq kaaviinnartoq arferillu
Nuummi illoqarfik pinngortitarlu qanittunnguupput. Pisiniarfissuaqarpoq, isiginnaartitsisarfeqarpoq, biografertarfeqarpoq, katersugaasiveqarpoq neriniartarfeqarpoq Kalaallit Nunaanneersunik nerisassiaatilinnik nunalli aamma tamalaat akornanninngaannerpalaartoqarluni. Kalaallit Nunaata pinngortitaa kusanavissoq qanimut inissisimavoq imaaliallaannarlu najugaqarfiit qimanneqarsinnaallutik.  Maannassagaluaruit periarfissarpassuaqarpoq nunamilu pisuttuarfissaqarluarluni. Seqernup kaaviinnarfiata nalaani ullut qaamaneri sivisusinnaasarput, kangerlunnut angalaartoqarsinnaavoq tamaani arferit takussaasinnaasarput aalisartoqarsinnaasarlunilu. 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk