Skip to main content
152

Dette jobopslag er udløbet

Sulisoqarnermut inatsisileritooq

Inatsisilerinermut tunngatillugu malittarisassanut sulisitsisut sulinermillu inuussutissarsiuteqartut akornanni atuuttunut inatsisileritooq
 
Sulisoqarnermut Inatsisilerinermullu Allaffimmut inatsisilerituussarsiorpugut. Allaffik sulisoqarnermut inatsisilerituunik pingasunik sulisoqarnermullu siunnersortinik arfineq marlunnik sulisoqarpoq. Allaffeqartik Namminersorlutik Oqartussat Aningaasaqarnermut Sulisoqarnermullu Aqutsisoqarfiup Sulisunut immikkoortortaqarfiata ilagaa, Aningaasaqarnermut Naalakkersuisoqarfiup ataaniittoq.
 
Aningaasaqarnermut Sulisoqarnermullu Aqutsisoqarfik suliffeqarfittut:Immikkoortortaqarfiuvugut sukkaqisumik ineriartorfiusoq pissanganartorpassuarnik suliassalik Suliassatta pingaarnersaraat Namminersorlutik Oqartussat Qitiu-sumik allaffissuani aqutsisunut, kalaallit nunaanni peqqinnissaqarfimmi, naalakkersuisoqarfiit aqutsisoqarfiillu immikkoor-tortanut ataaniittunut aammalu suliffinnut imminut ingerlatinneqartunut kiffartuussinissaq. Sulisunut Inatsisilerinermullu immikkoortortaqarfiup atorfinitsitsinerni isumaqatigiissusiornerni, Kalaallit Nunaannut pisortani sulisunut isumaqatigiissu-tinik isumaqatiginninniarnerni peqataasarnerni aamma sulisunut suliassanik suliarinninnermi aqutsisut siamasissumik kiffartuuttarpai.  Immikkoortortaqarfik qaffasissumik suliaqarnermik ilinniagaqarfiuvoq ajunngitsumillu suleqatigiiffiulluar-luni.
 
Suliassavit ilagissavaatt:

  • Namminersorlutik Oqartussani aningaasarsiatigut atorfeqarnermilu atugassarititat pillugit pisortanik inatsisile-rinikkut siunnersuisarneq
  • Atorfinitsitsinermi inatsisitigut allakkiorneq kiisalu ilitsersuisarnerit aammalu malittarisassanik suliaqartarneq
  • Pissusissanik malinnilluarnissamut tunngatillugu suliat  
  • Isumaqatiginninniartarnerni peqataasarneq
  • Sulisoqarnermik ingerlatsinissat suliarineqartarnera
  • Namminersorlutik Oqartussani aqutsisunik aqutsinermut inatsisilerinermik aamma atorfinitsitsisarnermi inatsi-silerinermik sulisunik ilinniartitsineq
  • Naalakkersuisunik Aningaasaqarnermillu kiffartuussisarnerit taakkununnga ilaallutik Inatsisartunit apeqqute-qaatit
  • Isumaqatigiissitsiniarluni ataatsimiinnernik ilaatigut pissusissanik malinnilluarnissamut sulianut, soraarnermi isumaqatigiissutinut aamma aningaasarsiatigut inissinneqarsimanermi isumaqatigiinngissutsinut atatillugit isumaginnittarneq

 
Oqaaseqarnermut taakkununnga amerlanernut angersinnaaguit immaqa taava illit suleqatissarivatsigit:
 
Sulianut tunngasutigut piginnaasat:

  • Cand. jur.-itut ilinniarsimasuussaatit Cand. jur.-itut Imaluunniit inatsisilerinermut tunngasutigut allamik tunulia-qutilik. Ilinniakkaminnik naammasserlaat qinnuteqarnissaannik kaammattorneqarput.
  • Ilaatigut peqqinnissaqarfimmut, allaffeqarnermut aamma AC-tunngasut iluini isumaqatigiissutinik misilittagaqar-tuuvutit/soqutigisaqartuuvutit
  • Inunnut ataasiakkaanut atorfinitsitsinermi pisinnaatitaaffiinut, inuillu arlallit sulinermi pisinnaatitaaffiinik aamma isumaqatiginninniartarneq pillugu ilisimasaqarputit
  • Inatsisiliornikkut aaqqiissutissanik takunnissinnaassuseqarluarputit
  • Allattariarsornikkut oqaatsitigullu pitsaasumik attaveqaqateqarsinnaassuseqarlutillu oqaasertalersuisinnaassu-seqarluarputit

 
Inuttut piginnaasat:

  • Inuttut ajunngitsuuvutit, kiffartuussinermut sammisuullutit, akuersaartuullutit asialuillutillu
  • Suleqatigiuminartuuvutit, isumasioqatigiuminartoq aamma suleqatinnut ilisimasannik avitsilluarsinnaallutit
  • Unammillernartumik suliaqassallutit naammassinnissallutillu tunuarsimaartuunngilatit
  • Ulluinnarni suliffimmi sulissallutit nuannarivat, sunniuteqarluartumik, aaqqissuulluakkamik namminersorfiu-sumillu sulisoqarfiusumi
  • Kalaallit Nunaanni inuiaqatigiinni pissutsinik oqaatsinillu ilisimasaqarneq iluaqutaassaqaaq

 
Ilaatigut makkua neqeroorutigaagut.

  • Suliffik sulisunik pimoorussisunik sulisulik
  • Pilersaarusiornikkut aaqqissuussaasumillu killiffimmi sulianik ilinniagaqarsimanikkut sunniivigeqatigiittarluni ataatsimoorneq
  • Inuttut sulisutullu ineriartornissamut periarfissat



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Sapaatip akunneranut akunnerit 40-t suliffiusarput.
 
Ulloq atorfinitsitaaffissaq tassaavoq 1. aggusti 2019 isumaqatigiissuteqarnikkulluunniit.
 
Atorfik pillugu annertunerusumik paasisaqarusukkuit una attavigissallugu tikilluaqquneqarputit:
Sulisoqarnermut inatsisileritooq
Durita á Brúgv
Oqarasuaat +299 34 58 50 eller +299 220 92 92
imaluunniit mailikkut attavissaq aqqutigalugu: dubr@nanoq.gl 
 
Namminersorlutik Oqartussat pillugit sukumiinerusumik paasissutissat pillugit, takuuk www.naalakkersuisut.gl aammalu Aningaasaqarnermut Sulisoqarnermullu Aqutsisoqarfik pillugu takuuk www.asa.gl
 
Qinnuteqarnissamut killigititaasoq tassa ulloq 2. aggusti 2019. Atorfinitsitsinissamut oqaloqateqarnissat ataasinngorneq 8. - 10. juuli 2019 ingerlanneqarnissaat naatsorsuutigineqarpoq.
 
Qinnuteqartut misilitsinnissartik naatsorsuutigissavaat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk