Find job
Dette jobopslag er udløbet
Sulisoqarnermi allaffissornikkut suleqat
Sulisoqarnermi allaffissornikkut suleqatitut atorfik kajungeralugulu piginnaaneqarfigigukku pissarsiarerusuppatsigit. Illit tassaavutit pitsaasumik piginnaaneqarfigisamillu kiffartuussinissamik ilungersuuteqartuartoq. Misilittakkatit ilisimasatillu taamaattussatut atorakkit taamaaliorsinnaavutit.
Illit pissarsiarerusuppatigit assoralisimaaraluarlutit uninngasinnaagavit!
Illit suleqatit allat sisamat peqatigalugit, siunissami Kalaallit Nunaanni Peqqinnissaqarfimmi sulilerlaanik suliunnaartunillu tikilluaqqusillutillu inuulluaqqusisartunngorumaartussat pilersissavagut. Taamaaliorsinnaanissatsinnut illit tamatigut pitsaasumik piginnaaneqarfigisamillu kiffartuussinermik ilungersuuteqartutit pissarsiariniarpatsigit. Aqutsisutsinnut sulisutsinnullu ataqatigiissaarineq kiffartuussinerlu ilinnut pissusissamisoortuupput.
Illit tassaassaatit sulisutta sulileqqaarnerminni suliunnaarnerminnilu kiinnerfigisassaat siulleq kingullerlu, taamaammat kiffartuussillaqqissuunissat sulisoqarnermullu atatillugu ataqatigiissaagassanit kajumilersinneqarnissat pingaaruteqarpoq.
Illit tassaavutit, sulilerlaanik suliunnaartunillu tikilluaqqusillunilu inuulluaqqusinermut atatillugu apeqquterpassuarnik tamanik qulaajaasussaq akissuteqartussarlu. Illit tassaavutit, sulilerlaanik suliunnaartunillu tikilluaqqusineq inuulluaqqusinerlu, suleqatinnut iluatsilluaqqullugu, suliassat nalinginnaasut suliarineqarnissaannik isumaginnittussaq.
Napparsimmavissuarmi sinerissamilu qitiusumik immikkoortunut aalajangersimasunik suleqatigiinnik pilersitsisoqassaaq. Taamaalillutit aqutsisunik aalajangersimasunik qanimut suleqateqassaatit.
Neqeroorutigaagut
- Suleqatigiit pilerserlaajummata suleriaatsinilu ”periaaseq pitsaanerpaaq” nassuiarneqassammat, qanoq suleriaaseqarnissap sunniuteqarfigisinnaanissaa.
- Suliassat ingerlatsinermut inerisaanermullu tunngasut
- Ulluinnaat assigiinngitsorpassuarnik suliassaqarfiusut – angalanissamut bilitsimik nassiussinermiit immikkoortortanut nassuiaatinik tikilluaqqusinermilu atugassanik suliaqarnissaq, suliassanut ilaapput.
Pissarsiarerusutarput
- Ulluinnarni sulinermi sulisumik qitiutitsisussatut imminut isigisinnaavoq
- Ingerlatsinermi inerisaanermilu suliassanik kajungerisaqarpoq
- Sulisoqarnermut atatillugu suliassanik ingerlatsinermi Napparsimmavissuarmi sinerissamilu pisortat suleqatigalugit ataqatigiissaarisinnaavoq ikiorsiisinnaallunilu
- Sulisunik tikilluaqqusinermi inuulluaqqusinermilu pitsaasumik sullissisinnaavoq
- Isumassarsiullaqqippoq, ulluinnarni suliassat naatsorsuutigisatut ingerlaannartuaannannginnerannik takkuteriataartarnerannilli iluarisaqarpoq
- Oqarasuaatikkuuppat, Teamsikkuuppat imal. mailikkuuppat, inussiarnerpoq ujartuisuullunilu
- Ajornanngippat ukiup ataatsip pingasullu akornanni misilittagaqarpoq, ilinniakkaminnik naammassinnerlaat aamma qinnuteqarsinnaapput
- Aaqqissuussamik pissuseqarpoq kiffartuussiumatuujullunilu
- Qarasaasiakkut sullississutinut pikkoriffeqarpoq
- Danskisut ajornanngippallu aamma kalaallisut oqalusinnaallunilu allassinnaavoq
Suut tamaasa sapissanngikkitit naatsorsuutiginngilarput, qanorli ataqatigiissaarisuuneq nalinginnaasumik ilisimasaqarfigalugulu misilittagaqarfigaat.
Uagut
Peqqinnissaqarfimmi ingerlatsineq qullersanut siunnersuisarfinnit arfinilinnit makkuusunit; Qarasaasiarsorneq Digitalinngorsaanerlu, Kiffartuussineq Ilutsinni, Illuutit Sanaartukkallu, Aningaasaqarneq, Napparsimasut aqqusaartugassaannik ataqatigiissaarivik kiisalu Qullersanut Sulisoqarnermullu Allatseqarfimmit ikorfartorneqarpoq.
Qullersanut Sulisoqarnermullu Allatseqarfimmi suleqatigiinnut ilanngutissaatit.
Aallartiffissaq: Piaarnerpaamik
Qinnuteqartunik oqaloqateqarnerit ataavartumik ingerlanneqassapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job