Skip to main content
131

Dette jobopslag er udløbet

Suliniutinut aqutsisoq

Suliniutinut aqutsisoq piumassuseqartoq meeqqanik aamma inuusuttuaqqanik soqutigisaqartoq 
Isumaginninnermut Aqutsisoqarfik pissarsiorpoq suliniutinut aqutsisussamik piumassuseqarluartumik ineriartortitsinermi suliniutinik “Ikaarsaariarneq angerlarsimaffimmiit ulluunerani ingerlatsivimmut” aamma “Meeqqat tamarmik ukiumut ataasiarlutik takusarneqartassapput” aaqqissuussamik programmimi Meeqqat 0 – 18-inik ukiullit. Peqqinnissamut tunngasuni - imaluunniit meeqqanik sullissinermi suliniutinillu aqutsinermi ingerlatsinermi pitsaasunik misilittagaqarpit? Aaqqissuussamik ingerlatsillaqqippit, pitsaassutsinut eqqummaarippit naammassisassannullu aallussilluartuullutit? Piumassuseqarpit suliaqarnissamut suliassaqarfiit assigiinngitsut akimorlugit, peqqinnissaqarfiup – ilinniartitaanerup aamma isumaginnittoqarfiup suliassaqarfiisa akoranni. Taamaappat imaannaanngitsumik suliffissamut ilinnut periarfissamik peqarpugut.  
 
Meeqqat 0 – 18 pillugit
Meeqqat 0 – 18 suliassaqarfiit akimorlugit suleqatigiinneruvoq Isumaginninnermut Aqutsisoqarfiup, Ilinniartitaanermut Aqutsisoqarfiup aamma Peqqinnissamut Aqutsisoqarfiup akornanni. Meeqqat 0 - 18 -imi siunertaasoq tassaavoq meeqqat aamma inuusuttuaqqat tamarmik pitsaasumik inuuneqarnissaat, atugarissaarnerup ineriartornerullu iluani. Meeqqat aamma inuusuttuaqqat atugarissaarnissaat ilalersorumallugu sulisoqarpoq siunnerfilersukkamik ataqatigiissaakkamillu ingerlatsiviit assigiinngitsut akimorlugit suleqatigiinnikkut, aamma siusissumik suliniuteqartarnikkut, taamalu meeqqamut aamma inuusuttuaqqamut tunngatillugu ilisimasassat pingaartut annaaneqartannginnissaat.  
Suliniut `Angerlasimaffimmiit ulluunerani ingerlatsivimmut ikaarsaartarneq’ siunertaqarpoq nukittorsaanissamik meeqqat angerlarsimaffimmiit ulluunerani ingerlatsivimmut ingerlasarneranik. Suliniut ’Meeqqat tamarmik ukiumut ataasiarlutik takusarneqartassapput’ siunertaqarpoq qularnaassallugu meeqqat tamarmik takusarneqartarnissaannik, inummit suliatigut ilinniarsimasumit minnerpaamik ukiumut ataasiarluni, aammalu meeqqamut tunngatillugu ilisimasat ataatsimoortut ingerlatseqqinneqartassasut iliuuseqarfiusassasullu susassaqartunit pisussaasunit.
 
Atorfik pillugu
Illit suliniummik ingerlatseqatigiinni team-imi ilaassaatit, inuttaqartumik suliniutip ataatsimut ingerlanneqarnerani aqutsisumik kiisalu suliniummi aqutsisunik suliniutit sinnerini marlunni. Suliniutit pilersaarusiallu maanna aallarnisaanermiipput, taamaammallu annertuumik periarfissaqarputit illit ilisimasatigut suliniutinut sunniuteqarnissannut. Suliassarissavat suliniutini suliassat ineriartortinnissaat,  tamatumalu kingorna akisussaaffigissallugu suliniutit kommunit qanimut suleqatigalugit atortuulersinnissaat/piviusunngortinnissaat. Taamaattumik illit sulisinnaasariaqarputit nikerartumik namminersortumik ingerlatsinermi suliassanik, aammalu qanimut kommunini aamma aqutsisoqarfinni sulianut qitiusumik attuumassutillit peqatigalugit. Pilersaarusiamiipput suliniutit sisamat, taakkununngalu suleqatigiissitanik sisamanik pilersitsisoqassalluni. Illit suleqatigiissitanut marlunnut akisussaasuussaatit.

Illit suliassatit pingaarnerit makkuussapput:
 

  • Suliniummi aqutsineq
  • Suliniummi ilisimasatigut naleqqatut aqutsisuuneq
  • Suliniutini suliassanik ineriartortitsineq atortuulersitsisarnerlu
  • Kommunit aamma Aqutsisoqarfiit akornanni suleqatigiinnermik ataqatigiissaarineq
  • Notat-inik suliaqartarneq aamma siuariartorneq pillugu nalunaarusianik programmimi pisortamut aqutsisoqatigiinnullu
  • Ataatsimiinnernik aamma workshop-inik aaqqissuussisarneq ingerlatsisarnerlu
  • Suliniutini suleqatigiissitat akisussaaffigissallugit

 
Illit piginnaanitit
Ujarparput suliniummi aqutsisussaq, suliniutinik siuariartortitsisinnaasoq. Tamanna isumaqarpoq illit siullertut pingaarnertullu piginnaaneqassasutit aamma / imaluunniit soqutiginnissasutit suliniutinik aqutsinissamut. Tamatuma saniatigut iluaqutaassaaq ilisimasaqaruit misilittagaqarlutillu Kalaallit Nunaanni ulluunerani paaqqinnittarnermi neqeroorutinut tunngasuni imaluunniit peqqinnissaqarfimmut tunngasuni,   taamalu misilittakkatit atortissinnaallugit suliniutit ineriartortinneranni.  
Illit inuiaqatigiinni pissutsinut tunngasut malinnaavigaatit, inuttut inunnguuseralugu alapernaatsuullutit, ullumikkut ingerlatagut unammillersinnaallugit,  inerisaanermilu iliuusissanik nutaanik tunniussaqarsinnaallutit. Illup iluani aamma avatitsinni ingerlatsisut isummersuutaat pitsanngorsaatitut ineriartortitsissutitullu suliassaqarfimmi uani iluaqutigisinnaavatit. Kiisalu aamma suleqatigiinnissamut nukittuunik piginnaaneqarputit, aammalu attaveqarfilersorneq attaveqarfinnillu ingerlatsineq piginnaaneqarfigilluarlugu, aamma suliat ulapinnarsigaangata. Iluaqutaassaaq kalaallisut aamma danskisut  allatani oqaatsinilu piginnaaneqarnerit.
 
Atorfeqarnermi atugassarititaasut
Suliniutinut aqutsisutut atorfik piffissami killilimmi ukiunik marlunnik sivisussusilimmi atorfiussaaq, sivitsuinissamut periarfissaqartussaq. Atorfik sapaatip akunneranut nal. ak. 40 suliffiusussaavoq, kissaataavorlu sukkasuumik inuttalerneqassasoq.  
Atorfik aaqqissuussaanikkut Isumaginninnermut Aqutsisoqarfimmi Nuummiittumi inissisimavoq.  Naatsorsuutigisariaqassaaq piffissami pineqartumi angalasarnissaq.
Akissaatit atorfininnermilu atugassarititaasut, tamatumani atorfininnermi soraarnermilu angalasinnaatitaaneq pisattallu angallanneqarsinnaanerat, piffissami atorfiniffiusumi isumaqatigiissutit Namminersorlutik Oqartussat aamma kattuffiup isumaqatigiinniarsinnaatitaasup akornanni atuuttut naapertorlugit. 
 
Ini
Atorfimmut inissaqartitsisoqanngilaq. Qinnuteqartoq atorfimminut atatillugu ineqartinneqareersimappat Namminersorlutik Oqartussani, taava inissiap innersuuneqarsimasup pigiinnarnissaanut pisinnaatitsisoqarpoq.  Sulisumut inissiaq atorfimmut atasuuvoq, qimanneqassallunilu atorfeqarnerup taamaatinnerani.


Paasissutissat allat
Atorfik pillugu annertunerusunik paasisaqarumaguit, attavigisinnaavat Meeqqat 0- 18-imi pilersaarummut aqutsisoq, Majken Vith Tangkjær, oqarasuaammi 34 66 39 imaluunniit e-mail mavt@nanoq.gl.
 


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk