Skip to main content
156

Dette jobopslag er udløbet

Suliffeqarnermut immikkoortortaqarfimmut inatsisilerituumik sulisussarsiorpugut

Atorfik pillugu
Isumaginninnermut, Suliffeqarnermut Nunamullu Namminermut Naalakkersuisoqarfik inatsisilerituumik sulisussarsiorpoq, suliffeqarnermut immikkoortortaqarfimmi ataatsimut isigalugu inatsisilerinikkut siunnersuinermik isumaginnittussamik. Immikkoortortaqarfiup suliassai tassaapput suliffeqarnermi inatsisiliorneq aamma Kalaallit Nunaat pillugu danskit inatsisaat. Avataaniit sulisussat pillugit inatsisit immikkut isiginiarneqassapput aamma naalakkersuisoqarfiup danskit oqartussaasuinik oqaloqateqartarnerani Naalakkersuisoqarfiup suliassatigut akisussaaffigisai isumagalugit. Tamatuma saniatigut Naalakkersuisut suliffissaqartitsinermut periusissiaat saqqummiunneqarpoq tassungalu atatillugu inuusuttunut neqeroorutit pillugit immikkut nassuiaammik suliaqartoqassalluni. Sullivinni avatangiisit pillugit inatsit aamma sulinermi ajoqusernermut sillimasiisarneq pillugu inatsit danskit oqartussat suleqatigalugit nutarsarneqarput.

Inatsisilerituup ilaaffigalugillu siunnersuiffigisassaanik annertunerusumik suliffeqartitsillunilu pitsanngorsaanissaq siunertaralugu suliffeqarfimmi iluarsaassinermik sulianik arlalinnik Naalakkersuisut aamma ingerlataqarput.

Aaqqissuussaanikkut atorfik suliffeqarnermut immikkoortortaqarfimmi pisortap ataani inissisimassaaq. Immikkoortortaqarfiup inatsisileritoorissavaatit, inatsisilerituunillu qanimut suleqateqartassallutit. Illit suliassatit pingaarnertut suliffeqarnermut aamma nunanut allamiunut tunngasunik ingerlatsivimmut attuumassuteqassapput.

Ulluinnarni tigussaanerusumik sulianik ingerlatsisuusunut pisortanullu isumasioqatigisartakkatut inatsisinut tunngasuni apeqqutinik suliaqarfimmi inissisimassaatit. Tamatuma saniatigut avataanersunut suleqatinut isumaqatigiissutissat isumaqatigiinniutigineqartarnerini peqataasassaatit, aamma Inatsisartut inatsisiliassaannik siunnersuusiornerni ikiorsiisarlutit.


Naalakkersuisoqarfitsinni suliat ilaanni sukkasoorujussuarmik pilersarput, taamaattumillu piareersimaffigissavatit ulluinnaat ilaanni sukkasuumik eqqarsariartarnissap iliuuseqartarnerullu pisariaqartarneri. Aammali piareersimaffigissavat ingillutit inatsisiliassanut missingersuusianik suliaqartarneq, immikkuualuttortaasalu isumaliutigisarnissaat, suleqatissat susassaqartut peqatigalugit.

Naalakkersuisoqarfimmi persuarsiunngitsumik periaaseqartuuvugut, suliniutillu ingerlanneqartartut pingaartinneqartarlutik ilalersorneqartarput.

Ilaatigut suliassanut makkua ilaapput:

  • Inatsisissatut siunnersuusianik aamma peqqussutissatut siunnersuusianik suliffeqarnermut immikkoortortaqarfimmi suliaqarneq aamma ineriartortitsisarneq,
  • Suliniutinut akisussaaneq aamma aqutsineq, inatsisit atuuttut nutarterneqartarnerini nutaanillu suliaqartarnerni,
  • Naalakkersuisoqarfimmi pisortanut qullernut siunnersuisarneq isumasioqateqartarnerlu, kiisalu illup iluani immikkoortortanut inatsisilerinikkut siunnersuisuusarneq,
  • Isumaqatigiissutissanik suliaqarnerni isumasioqatigiinnerni peqataasarneq,
  • Isumaqatigiissutissanik akuersissutissanillu isumaqatigiinniuteqartarneq,
  • Inatsisilerinermik suliat suliffeqarnermut aamma nunanut allamiunut tunngasunik suliassaqarfimmi.

Pingaartipparput illit:

  • Inatsisinik piusunik nutarterinerni nutaanillu siunnersuusiortarnerni misilittagaqarnerit,
  • Inatsisilerituutut ilinniarsimanerit,
  • ingerlatsivimmi naalakkersuinikkut aqunneqartumi sulianik ingerlatsinermik misilittagaqarlutillu paasisimasaqarnerit,
  • suliassanik siammasissumik sammiveqartunik suliaqarnermik nuannarisaqartuunerit, ajornartorsiutinullu nutaanut sukkasuumik isummersuuteqarsinnaanerit,
  • attaveqallaqqissuunerit, oqaluinnarluni ingerlatsinermi aamma allatani danskisut aamma tuluttut,
  • suliniutinik suliaqallaqqissuunerit aamma nammineertuunerit,
  • suliassat aaqqiissutissarsinissaannut akisussaassuseqarluartumik periaaseqartuunerit,
  • kalaallini pissutsinik ilisimasaqarnerit imaluunniit tamakkua iserfiginissaannut piumassuseqartuunerit.


Paasissutissat allat
Paasissutissanik annertunerusunik atorfissaqartitsiguit attavigisinnaavat immikkoortortami pisortaagallartoq Sussi Wille, oqarasuaammut +299 342849, e-mail: suwi@nanoq.gl

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk